San Lucas 12:13 - Bible in Tzotzil de Chamula

¹³ Oy jun vinic ta scotol ti c'u yepal oyique, xi laj yalbe ti Jesuse: —Jchanubtasvanej, albo ya'i ti jbanquile, ac'o xch'ac ti jrextocutique.

Tzotzil Zinacantan

¹³ Oy la tey jun vinic ta oꞌlol crixchanoetic, icꞌopoj la. ―Jchanubtasvanej, albo li jbanquile ti acꞌu xchꞌacbon jrasyon osile xchiꞌuc li cꞌusuc yuꞌun ti ánima jtoticotique ―xi la.

LEQUIL ACH' C'OP

¹³ Oy tey jun vinic ta o'lol crixchanoetic, oy c'usi iyalbe ti Jesuse: ―Jchanubtasvanej, albo li jbanquile ti ac'u xch'acbon li c'usuc yu'un ti ánima jtoticotique ―xi.

Bible in Tzotzil de Chenalhó with Deuterocanon

¹³ Oy jun vinic te oy ta epal cristianoetic, jech laj yalbe li Jesuse: —Jchanubtasvanej, albo jbanquil ti ac'o svoc'bun ec li c'usi oy yu'un anima jtotcutique —xut.

Tzotzil San Andres

¹³ Oy jun vinic te cacal ta oꞌlol crixchanoetic, jech laj yalbe li Jesuse: ―Jchanubtasvanej, albo li jbanquil ti acꞌo svocꞌbun li yosil li ánima jtotcutique, schiꞌuc nojtoc li cꞌustic oy yuꞌun toꞌoxe ―xi.

Tzotzil de Huixtán

¹³ Oy jun vinic te cacal ti o'lol crixchanoetic, hech lic yalbe ti Jesuse: ―Maestro, albo ti jbanquile ti ac'o xiyac'bun o'loluc ti jlumtutique xchi'uc ti c'utic te comen yu'un ti jtotutique ―xchi.

San Lucas 12:13 Iomraidhean Croise

Salmos 17:14

Ta sventa ti amuc'ul atsatsal une, Dios, pojun ta yoc ta sc'obic, jipo ya'iic loq'uel ta banomil ti c'alal ja' no'ox yuni rextoic c'otem ti sba banomile. Busuluc no'ox avu'un ti sc'ujlejalique, ac'o ve'uc yuch'ic vo' ta st'imesel ti xch'utique, ti xnich'nabique, ti smamobtaque.

Ezequiel 33:31

Ti jteclumale ta xtalic, xchotiic xa vulel ta ats'el jech c'u cha'al liquem yu'unic ta ya'yiel ti ac'ope. Ti c'usi ta xaval une, mi jutebuc ta yo'ntonic ta spasic. Cacal ta yeic ta yalel jech c'u cha'al sq'uejimol jun lecombail, yu'un naca taq'uin ti ic'bil yo'ntonic xchi'uquique.

San Lucas 12:12

Yu'un c'alal ta sta yorail ta xac'opojique, ja' ta sva'an sba ti Ch'ul Espíritu ta yaq'uel ana'ic ti c'u s'elan xu' ta xavalique.”

San Lucas 12:14

Xi laj stac' ti Jesuse: —Chi'iltic, ¿buch'u laj sva'anun avu'unic ta jch'ac-osil, mi ta juez?

San Lucas 6:45

Ti lequil tuq'uil vinique, lec ti c'usi ta xale, yu'un oy ta yo'nton ti c'usi leque. Ti chopol vinique, chopol ti c'usitic ta xalolane, yu'un oy ta yo'nton ti c'usi chopole. Ti c'usi ta xloq'uilan ta yeique, yu'un jech ono'ox oy ta yo'ntonic.

1 Timoteo 6:5

Yu'un co'ol s'elanic jech c'u cha'al ti buch'utic mu xojtiquinic ti bu ja' melele, ti soquem no'ox sjolique, ti naca letovajel sna'ic ti mu'yuc spajebe, xchi'uc ti c'otem lec ta yo'ntonic ti naca c'ulejal ta xac' comel sc'oplal ti c'usi jch'unojtique.