San Lucas 12:1 - Bible in Tzotzil de Chamula

¹ C'alal ja' o jech ta xlo'ilaje, ep ta mil laj stsobilan sbaic talel jnaclejetic ti mu sventaicuc ta stacoltaan sbaique. Ti Jesuse ba'yel xi laj yalbe ya'i ti yajchanc'optaque: —Bijanic yu'un spajubtasobil spanic ti fariseoetique. Ti xcaltique, ja' sc'oplal ti c'u s'elan ta spac'ta sbaique.

Tzotzil Zinacantan

¹ Ti cꞌalal yolel chloꞌilaj xchiꞌuc jfariseoetic ti Jesuse, tey la istsob sbaic cꞌotel jaymil crixchanoetic, snetꞌnetꞌ xa la sbaic. Li lajchavoꞌe baꞌyi la icꞌoponatic yuꞌun ti Jesuse. ―Qꞌuelo me abaic ta svuquesobil xchꞌut span li jfariseoetique. Yuꞌun lec tajmec yoꞌonic yilel pero yech noꞌox tsnopic. Mu me xapasic yech li voꞌoxuque.

LEQUIL ACH' C'OP

¹ Ti c'alal yolel chlo'ilaj xchi'uc jfariseoetic ti Jesuse, tey istsob sbaic c'otel jaymil crixchanoetic, snet'net' xa sbaic c'otel. Ti Jesuse lic c'opojuc, ja' ba'yi isc'opon li yajchanc'optaque: «Q'uelo me abaic ta svuquesobil xch'ut span li jfariseoetique, ja' ti spasic no'ox ti lequic yilele.

Bible in Tzotzil de Chenalhó with Deuterocanon

¹ C'alal ja'o chlo'ilaj li Jesuse, la stsob sbaic tal ta stojol ep ta mil cristianoetic; te ta snet'ilan sbaic scotolic. Li Jesuse ba'yuc jech laj yalbe li yajchanc'optaque: “Q'uelo me abaic ta sventa svolesubil xch'ut pan yu'un li fariseoetique, yu'un ja' no'ox chlo'lavanic.

Tzotzil San Andres

¹ Cꞌalal jaꞌ o te chloꞌilaj schiꞌuc li jfariseoetic li Jesuse, la stsob sbaic talel ta stojol Jesús ep ta mil crixchanoetic. Te snetꞌnetꞌ sbaic scotolic. Li Jesuse baꞌi jech laj yalbe li yajchanbalajeltaque: ―Qꞌuelo me abaic ta sventa svochesobil spanic li jfariseoetique. Yuꞌun tucꞌ yoꞌonic yilel pero jaꞌ noꞌox ta xloꞌlovanic. Li joꞌoxuque mu me xapasic jech.

Tzotzil de Huixtán

¹ Ti c'alal yac'oj sba chlo'laj xchi'uc ti fariseoetique ti Jesuse, laj stsob sbaic tal ti stojol ti Jesuse ep ti mil judioetic. Te humajtic ti crixchanoetique tsnet'ilan sbaic. Ti Jesuse jbael lic yalbe ti yajchanc'opetique: ―P'ijanic me. Mu xtun ti spumesbil xch'ut vaj yu'un ti fariseoetique. Jlo'lavanejetic yu'un toj yo'ntonic tscuy sbaic. Oy yip hech chaj c'u che'el spumesbil xch'ut vaj.

San Lucas 12:1 Iomraidhean Croise

2 Reyes 7:17

Ti yajcoltaobba stuc ti ajvalile laj yalbe mantal ti ac'o xchabi ti ochebal ti'na yu'un ti jteclume. Le' une, lats'e ta ti'na yu'un ti jnaclejetique, cham. Jech ono'ox c'ot ta pasel jech c'u cha'al laj yal ti j'alc'op ti ay q'uelatuc yu'un ti ajvalile.

Job 20:5

Mu jaluc xmuyubaj ma' ti buch'u mu'yuc xch'ulel xa'i sbae, ti jliquel no'ox ma' ti mu'yuc c'usi sna'e.

Job 27:8

¿Bu xa ono'ox spatoj yo'nton yaloj ti buch'u mu'yuc xch'ulel xa'i sba c'alal ta xtuch'bat xcuxlejalic yu'un ti Diose?

Job 36:13

Ti buch'u mu'yuc xch'ulel xa'i sbae, x'iletic no'ox ta j'ech'el, ma'uc ma' ti sc'anic xa coltael ti ochemic ta chuquele.

Isaías 33:14

Ti ta Sione, ta sniquesatic yu'un xi'el ti jsa'muliletique. Ti buch'utic sa'sunic no'ox ta spasel ti chopole, ta xbat xch'ulelic ta xi'el, ti xi ta xalique: “¿Buch'u xa ono'ox la junucal ta xijcuxiotic ti xijbalet yu'un ti c'oc' ti j'ech'el ta stsutsesvane, ti mu no'ox albajuc ti sleb sbatel osile?”

San Lucas 11:44

“Mu cha'belucoxuc un, fariseoetic xchi'uc jchanubtasvanejetic yu'un ti oy c'usi tsots albil sc'oplale, ti ja' no'ox ta xapac'ta abaique, ti co'ol a'elanic jech c'u cha'al smuquinal ti animae ti mu xvinaj ti c'usi tiq'uil ta yute. C'alal ta x'ech' ti buch'uuc no'ox ta sbae, mu sna' c'usi oy ta yolon.”

San Lucas 12:56

Jpac'taejbaetic, ja' xana'ic sq'uelel ti c'utic xc'ot ta pasel ta vinajel xchi'uc ta banomile, ¿c'u cha'al ja' mu xana'ic sq'uelel ti c'usitic ta xc'ot ta atojolic avi tana li'e?

San Lucas 5:1

Oy jun c'ac'al ti c'alal oy ta ti' nab Genesaret ti Jesuse, laj ya'i ti ta xnet'e yu'un ti epal jnaclejetic yo' ta xa'iic ti lequil ach' c'op yu'un ti Diose.

San Lucas 5:15

Manchuc mi jech un, yantic xpuc batel sc'oplal ti Jesuse. Yepal no'ox ta stsob sbaic ti jnaclejetic ta stojol yo' ta xa'ibeic ti sc'ope, yo' ta xcolesbatic ti xchamelique.

San Lucas 6:17

Ti Jesuse yalic talel ta vits xchi'uc ti yajchanc'optaque, vulic ta jun stenlejal. Ti bu taje, yepal tsobolic xa vul sta ti yajchanc'otaque, xchi'uc ti liquemic tal ta Jerusalene, ti oyic ta sjunlej yosilal ti Judae, ti liquemic tal ta ti' nab ti oyic ta Tiro xchi'uc ta Sidone, ti talemic ta ya'ibel sc'op ti Jesuse, yo' jech tal yac' sbaic ta colesel yu'un ti xchamelique.

Hechos 21:20

C'alal jech laj ya'iique, xlequil-c'opojic xa ta stojol ti Diose. Xi laj yalbeic ti Pabloe: —Yepal no'ox ti jchi'iltic c'ot xa ta yo'ntonic ta xch'unele, jun yutsil ta j'ech'el. Ja' no'ox un, ti jchi'iltic une, tsots to sc'oplal ta xa'iic ta xch'unel ti c'usi jbel tsots albil sc'oplal yu'un ti Moisese.

1 Corintios 15:3

Ti laj calboxuc ava'iic ta sliquebale, ja' laj jchanubtasoxuc ti c'u s'elan li'ac'bat jnae, ja' ti cham ti Cristo ta scoj ti jmultique jech c'u cha'al ts'ibabil ta ch'ul c'ope.

Hebreos 12:22

Ja'uc ti vo'oxuque lanopajic batel ta vits Sión, ta steclumal ti cuxul Diose, ta Jerusalén ti ja' sc'oplal ti vinajele, ti bu yepal no'ox ta mil tsobolic ti ánjeletic ti ta xalbeic slequilal ti Diose.

Santiago 3:17

Ja'uc ti buch'u liquem talel sbijilic ta stojol ti Diose, stamojbe lec smelol stuq'uil ti xcuxlejale, oy slamajemal yo'nton, oy xc'uxul yo'nton, oy lec srazon, sna' xcoltavan, lec ti c'usi ta spase, xc'ot xc'opoj, xchi'uc jamal ye sti'ic.

1 Pedro 2:1

Ja' yu'un un, ictaic ti c'usitic ep ta tos mulile, ti lo'lavaneje, ti pac'taejbaile, ti it'ix o'ntonale, xchi'uc ta sbolesel ti c'opetique.