San Lucas 11:42 - Bible in Tzotzil de Chamula

⁴² “Mu cha'belucoxuc un, fariseoetic, ti ja' no'ox tsots sc'oplal ta xava'iic ta sloq'uesic jujun ta jujun lajlajuneb ti tul nichime, ti lulae, ta xavac'be ti Diose, xchi'uc scotol ti c'usitic ta xats'unique. Mi ja'uc xavaq'uic ta venta yutsil slequil, xchi'uc syail xc'uxul yo'nton ti Diose, ti c'alal ja' tsots sc'oplal sc'an pasele, ti mu xavictaic ta spasel ti yan une.

Tzotzil Zinacantan

⁴² ’Li voꞌoxuque, jfariseoetic, chanopic ti jaꞌ noꞌox chanitic ta lajlajuneb li cꞌusitic chlocꞌ avuꞌunique: li alavenae, xchiꞌuc li lulae, xchiꞌuc li cꞌusitic yane. Chaloqꞌuesic jujun ti cꞌalal anitojic xaꞌox ta lajlajunebe, chavacꞌbeic ti Rioxe. Leꞌe chavaqꞌuic, pero jaꞌ muc bu lec chameltsanic li cꞌope. Mu sjunuluc avoꞌonic acꞌanojic ti Rioxe, yechꞌo un ta onox xavichꞌic castico ta sbatel osil. Más lec ti apasicuc noxtoc ti bu tsots scꞌoplale.

LEQUIL ACH' C'OP

⁴² »¡Toj abol abaic jfariseoetic!, yu'un ja' no'ox chavaq'uic ta stojol Riox li jujun ta lajuneb li alavenae, xchi'uc li lulae, xchi'uc li yan itajetique, pero ja' muc' bu chapasic li c'usitic leque xchi'uc ti chac'anic ta sjunul avo'onic ti Rioxe. Li'i ja li c'usitic tsots sc'oplal tsc'an chapasique, pero mu xavictaic spasel noxtoc li yane.

Bible in Tzotzil de Chenalhó with Deuterocanon

⁴² “Toj abul abaic, vo'oxuc li fariseooxuque. Yu'un ja' no'ox tsots sc'oplal chava'yic chavaq'uic jun ta lajlajuneb li c'usitic ats'unojique, ja' li yaravenoe, li rudae, xchi'uc scotol li c'usitic yan ats'unojique. Ja' comen avu'unic li c'usitic tuq'ue xchi'uc ti tsc'an chac'anic li Diose. Le'e ja' tsots sc'oplal ac'o apasilanic batel, pero tsc'an mu xacomtsanic spasel noxtoc li yantique.

Tzotzil San Andres

⁴² ’Joꞌoxuc li jfariseooxuque ta onoꞌox xavichꞌic tsots vocol yuꞌun jaꞌ noꞌox chanopic ti persa chavatic ta lajlajuneb li cꞌustic atsꞌunojique: jaꞌ li tulnichime, schiꞌuc li lulae, schiꞌuc scotol li cꞌustic yan atsꞌunojique. Chaloqꞌuesic jujun li ta lajlajunebe ta sventa smoton li Diose. Chanopic ti persa chavacꞌbeic Dios li cꞌustic oy avuꞌunique, pero mu xavaqꞌuic ta venta ti scꞌan ti lec chameltsanic cꞌope, schiꞌuc ti ta sloqꞌueluc avoꞌonic chacꞌanic li Diose. Jaꞌ lec ti lauc apasic nojtoc ti bu persa scꞌan pasele.

Tzotzil de Huixtán

⁴² ’Ho'oxuc ti fariseooxuque, ta me xavich'ic ep vocol. Chavati ti lajlajuneb scotol ti c'utic ats'unojique, ja' ti tunichime, xchi'uc ti rudae, xchi'uc scotol ti yan vomoletique. Jujun chaloq'uesic ti lajlajuneb yu'un chavac'beic smoton ti Diose. Yu'un ja' no'ox tsots sc'opilal chava'yic chavaq'uic ti c'utic oy avu'unique. Mu tsotsuc sc'opilal chava'yic ti toj avo'ntonique, ti c'ux chava'yic ti Diose. Ja' lec ti lajuc apas ti bu tsots sc'opilal uque.

San Lucas 11:42 Iomraidhean Croise

Nehemías 10:37

Laj jvules ta jolcutic xtoc ta xba cac'cutic ta sq'uejlebtac ti oy ta xch'ulna ti Dios cu'uncutique, ti oy sc'oplal ta xich' ti paleetique, sba sninal ti harinae, sba sat scotol ti lo'bolal te'etique, ti sba pits'elal ya'lel uvae, ti sba smeltsanel aceitee, ta yich'el batel ta stojol levitaetic ti jch'ac ta jujun lajlajuneb ti c'usitic xloc' x'ayan cu'uncutique, ti c'otem ta sbaic ta stsobel jch'ac ta jujun lajlajuneb ti c'usitic ta xloc' ta scotol ti jujusep cosilcutique.

Proverbios 21:3

Ac'bo yipal ta spasel ti c'usi lec ta pasele, xchi'uc ti tuq'uilale; tsots sc'oplal ta xa'i ti Dios taje, ja' mu sta sc'oplal ti milbil matanale.

Eclesiastés 7:18

O'lol xavac' aba xchi'uc taje, yo' mu xastsalot un. Lec ta xloc' xchi'uc scotol taje, ti buch'u ta xi'ta ti Diose.

Miqueas 6:8

Uni vinic, xi s'elan albilot yu'un Dios ti smalaoj ac'o apas ti leque: Baino a spasel ti lequil chapanele, ti junuc avo'ntone, xchi'uc ti biq'uituc xavac' aba ta yich'el ta muc' ti Dios avu'une.

Malaquías 1:6

Ti paleetique, xi ta xvulatic yu'un ti Dios ti scotol xu' yu'une: “Ti alab nich'nabiletique sna' snijan xchiman sbaic ta yich'el ta muc' ti stot sme'ique. Ti mosoviletique sna' snijan xchiman sbaic ta yich'el ta muc' ti yajvalique. Jech ti vu'un ec une, atoticun, ¿c'u cha'al un ti mu xanijan abaic ta yich'elun ta muq'ue? Avajvalicun xtoc, ¿c'u cha'al un ti mu xa xavaq'uicun ta ventae? Yu'un mi ja'uc jutebuc oyun ta avo'ntonic. Ma'uc no'ox taje, yu'un xachi ta xaval xtoque: ‘¿Mi yu'un la oy bu ti mu xacac'otcutic ta ventae?’

Malaquías 2:17

Ti Diose mu xa sc'an xa'i ti ac'opique. Ja'uc ti vo'oxuc une xi to ta xajaq'uique: “¿C'usitic laj xa calbetic ti jech mu xa sc'an ta xchiquinta ti jc'optique?” Ta xavalilanic ti lec ta xa'i Dios ti buch'utic oy c'usitic chopol ta spasique, ti xmuyubaj yu'un ti avalojique. Mu xc'ot ta avo'ntonic ti tuc' sna' xchapanvan ti Diose.

Malaquías 3:8

Ti vu'un eque xichi ta jaq'ue: ¿Mi yu'un oy la bu xavil jun vinic ti xu' yu'un ta yelc'anbel ti c'usi oy yu'un ti Diose? Ti vo'oxuque laj xa avelc'anicun. Xachi to no'ox xtoc ta xajaq'uique: ‘¿C'usi ti laj quelc'anbotcutic une?’ Laj avelc'anbeicun ti jun ta jujun lajlajunebe xchi'uc ti matanaletique.

San Mateo 23:13

“¡Mu cha'belucoxuc un, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! ti mu xavaq'uic ochuc ti buch'utic ta sc'anic ventainel yu'un ti Diose. Mi ja'uc xa'ochic, mi ja'uc xavac' ochicuc ti buch'utic ta sc'an ta x'och ya'iique.

San Mateo 23:23

“¡Mu cha'belucoxuc, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! Ja' no'ox tsots sc'oplal ta xava'iic ta sloq'uesel ti jujun ta lajlajuneb ti tul nichime, ti culantue, ti cominoe, yo' ta xavac'beic smotonin ti Diose. Mi ja'uc xavich'ic ta muc' ti c'u s'elan ta xchanubtasvan ti oy c'usi tsots sc'oplal albile, ti ta xalbe sc'oplal ti lequilale, ti xc'uxul o'ntonale, ti junuc o'ntonal ta stojol ti Diose. Ja' tsots sc'oplal ta xapasic ti jechuque xchi'uc mu xavictaic ta yaq'uel ti jujun ta lajlajunebe.

San Mateo 23:27

“¡Mu cha'belucoxuc, jchanubtasvanejetic yu'un ti oy c'usi tsots albil sc'oplale, jpac'taejba fariseoetic! Co'ol a'elanic jech c'u cha'al sna ti anima ta ba muquinale, ti lec c'upil sba sac lapan ta q'uelel ti spate. Ti ta yut une noj ta baquetic xchi'uc ti ep ta tos c'usitic chopol x'ayan teye.

San Lucas 18:12

Cha'coj ta xemuna ta xquicta cot, ta xcac'bot jujun ta jujun lajlajuneb ti c'u yepal ta jpas canale.’

San Juan 5:42

Ma'uc no'ox taje, yu'un xacojtiquinoxuc, yu'un jna' lec mu'yuc c'ux ta xava'iic ti Diose.

1 Juan 4:20

Mi oy buch'u ta xal: “Ti vu'une c'ux ta xca'i ti Diose”, mi xti'et sjol ta stojol yan xchi'iltaque, ja' jun jutc'op. Yu'un mi mu'yuc c'ux ta xa'i ti xchi'il ti ta xil ta sate, mi ja' xa la c'ux ta xa'i ti Dios ti mu xil ta sate.

1 Samuel 15:22

Va'i un, ti Samuele xi laj yale: “Ja' jun yutsil ta xil ti Dios ti ta xch'unbat ti c'usi ta xale, ja' mu sta sc'oplal ta x'ac'bat ti milbil chic'bil matanale. X'ech' xjelav sc'oplal ti xch'unbate, ti ts'etel lec chiquinal ta xich' a'yibele, peq'uel sc'oplal ta xc'ot ti milbil matanale xchi'uc ti xepu'al chij ti ta xich' ac'bele.