San Lucas 11:34 - Bible in Tzotzil de Chamula

³⁴ Ti sbec' asatique, co'ol s'elan lámpara c'otem yu'un ti abec'talique. Mi oy slequil yutsil ti sbec' asatique, oy ta saquil osil sjunul ti abec'talique. Mi toj chopol une, oy ta ic'al osil sjunul ti abec'talique.

Tzotzil Zinacantan

³⁴ Lasatique coꞌol xchiꞌuc alamparaic yaꞌel yuꞌun jaꞌ chavilic o mi lec, mi chopol lapat axoconique. Jaꞌ noꞌox yech li cꞌusitic chcale, jaꞌ chavilic o mi lec, mi chopol avoꞌonic.

LEQUIL ACH' C'OP

³⁴ Lasatique ja' luz c'otem yu'un sjunlej lapat axoconique; mi lec lasatique, sjunlej apat axoconic chil saquil osil; pero mi muc' bu leque, sjunlej apat axoconic oy ta ic' osil.

Bible in Tzotzil de Chenalhó with Deuterocanon

³⁴ Li asatique ja' luz c'otem yu'un li abec'talique. Me lec li asatique, lec sac osil chil sjunul li abec'talique. Yan me mu'yuc lec li asatique, oy ta ic' osil sjunul li abec'talique.

Tzotzil San Andres

³⁴ La asatique jaꞌ jech chac cꞌu chaꞌal li lámparae. Mi lec ta xtil li lámparae, lec ta xquiltic o osil. Yan mi mu xtile, oyutic ta icꞌal acꞌubal. Jaꞌ noꞌox jechoxuc eꞌuc, mi achꞌunojic li cꞌustic yaloj li Diose, jaꞌ chanaꞌic o ti tacbilun talel yuꞌun li Diose. Yan mi muc bu achꞌunojique, mu xanaꞌic ti tacbilun talel yuꞌun li Diose. Jaꞌ yuꞌun chac aqꞌuelic mi oy juꞌel.

Tzotzil de Huixtán

³⁴ Hech yu'un mi mu'yuc yoboquil ti yespejoile, lec chac' squeval, hech chquiltic ti c'utic ti jpastique. Mi ep yoboquil ti yespejoile, mu xac' squeval. Hech ic'pulan ti yut jnatique, hech mu xquiltic ti c'utic ti jpastique. Ja' no'ox hech uc ti asatique. Mi lec chavilucun hech ch-och ti avo'ntonic ti jc'ope. Mi mu xtun chavilucun, mu x'och ti avo'ntonic ti jc'ope. Yu'un puru mulil oy ti avo'ntonique.

San Lucas 11:34 Iomraidhean Croise

Génesis 19:11

Ja'uc ti viniquetic ti comic ta pat ti'nae, pas ta ma'satetic yu'unic. Yu'un scotolic comic ta ma'sat ti moletic xae xchi'uc ti queremetic toe. Va'i un, lubtsajic ta sa'olanel ti ti'nae.

Salmos 119:18

Jamo jba jsat yo' ta jc'upin ta sq'uelel c'u yutsil ta xachanubtasvan.

Salmos 81:12

Jech o xal un, jq'ueloj no'ox laj cac'be spasic c'usi xal ti yo'ntonique, cuxiic ta spasel ti c'usi lec ta xa'iique.

Proverbios 21:4

Ti mulil oy ta stojolic ti buch'u mu'yuc xch'ulelique, ja' ti quemelic no'ox ti satique, ti xcajetic no'ox xchi'uquic ti snopbenale.

Proverbios 28:22

Ta jech yepal c'otuc ta jc'ulej ya'i ma' ti buch'u bic'tajem ti yo'ntone, mu sna' mi ta xvul ta stojol ti sme'inale.

Isaías 29:10

Laj yac' taluc vayel ta atojolic ti Dios ti ta xbat ach'ulelic yu'un ta j'ech'ele. Ti j'alc'opetique, ac'o mi c'otem ta jtojobtasvanejetic yu'un ti jteclume, ja'uc le' une, macbat satic ta jlic poc' yu'un ti Diose.

Isaías 42:19

Mu'yuc xa buch'u xjelav to sma'satil xcocorixil jech c'u cha'al ti cajtunele, ti jtaquel cu'une. Mu'yuc xa buch'u xjelav to sma'satil xcocorixil jech c'u cha'al ti caj'al-mantal j'ich'-c'ope, ti yajtunel ti Diose.

Isaías 44:18

Mu xa'i sbaic ti jnaclejetic taje. Mi ja'uc xa'ibeic xchiquinal. Macal ta j'ech'el ti satique. Mi ja'uc ta xilic. Yu'un ch'abal ti snopobil yu'unique.

Isaías 5:20

Mu xa ono'ox cha'bel un, ti abisojic ta lec ti c'usi chopole, ti abisojic ta chopol ti c'usi lec ta pasele, ti ta xajoybinic ta saquil osil ti c'usi mu lecuc ta q'uelele, ti c'usi mu lecuc ta q'uelele, ta xajoybinic ti xojobin no'ox yutsil ta q'uelele, ti ta xajoybinic ta lequilal ti c'usi j'ac'vanej ta vocole, ti j'ac'vanej ta vocole, ta xajoybinic ta lequilal.

Isaías 6:10

Yanijesbo snopobil yu'unic ti lum li'e. Macbo ti xchiquinique, macbo ti satique, yo' jech mu xilic, mi ja'uc xc'ot ta yo'ntonic ti lo'il a'yeje, yo' jech mu sutic talel ta jtojol ti ta xc'ot ta pasel ta jpoxtaique.”

Jeremías 5:21

‘A'yio ava'i li'e, oy asat, mi ja'uc xavil. Oy achiquin, mi ja'uc xava'ibe xchiquinal. Mu'yuc ach'ulel xava'i aba, bol jteclumot ta j'ech'el.

Marcos 4:12

c'uc cha'al mi xilic, mu ono'ox xilic; c'uc cha'al mi xa'iic, mu ono'ox xchiquintaj yu'unic yo' mu sutic talel ta stojolal Dios ti ta staic ti ch'aybil ta xc'ot ti smulique.

Marcos 7:22

ti pas mulile, ta yu'ninbel c'usi oy yu'un ti xchi'ile, ti me' mulile, ti lo'lavaneje, ti mu'yuc q'uexlalile, ti yit'ixal o'ntonale, ti tic' mulile, ti toyobbaile, ti ch'abal lec snopbenal yu'une.

Marcos 8:18

¿Mi mu'yuc asatic? ¿Mi mu xava'ibeic ti xchiquinale? ¿Mi ch'ay xa ta avo'ntonic?

San Lucas 11:35

Bijan xchi'uc ti luz oy ta atojole, mu me xjoybij ta ic'al osil.

Hechos 13:11

Avi tana un, xi s'elan ta xastsitsot ti Diose: Ta xacom ta ma'sat. Jal mu xavil ti saquilal osile. Ta jech to yepal ti Elimase, mac ti sate, mu xa xil ti saquilal osile, ti sa'ilan xa ti oyuc buch'u xnitun batele, yu'un mu xa xil ti sbee.

Hechos 2:46

Jujun c'ac'al ta stsob sbaic ta ch'ulna. Ta svol sbaic ta ve'el ta naetic ta sventa ta spasel sna'obil ti Cajvaltique, ti scotol xmuyubajique, biq'uit yac'oj sbaic.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

2 Corintios 1:12

Oy jun ti ximuyubajcutic xa yu'une, ja' ti ta xac' ta na'el ti jol co'ntoncutic ti laj jchabi jbacutique, ti laj jtuc'ulan jbacutic ti bu li'abtejcutique, xchi'uc ti tsots sc'oplal laj jq'uel jbacutic li' ta atojolique. Ti jech li'abtejcutic taje, ma'uc ta jbijil jtuccutic, yu'un coltabiluncutic ta sventa xc'uxul yo'nton ti Diose.

2 Corintios 11:3

Ta jvul co'nton avu'unic mi ta xavac' abaic ta lo'lael jech c'u cha'al lo'lae ti Eva yu'un ti manyoso jlo'lavanej jti'oval chone. Ti vo'oxuc xtoque yic'al nan x'ech' to ta xalajic ta lo'lael mi ta xyanij ti snopobil avu'unic c'alal mi ta xavicta abaic ti jech sjunul avo'ntonic ta stojol ti Cajvaltique.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

Efesios 1:17

Ta aventaic chcalbe vocol Dios yu'un ti Cajvaltic Jesucristoe, ti Jch'ul Totic ti mu albajuc ti yutsilal slequilal ta j'ech'ele. Ta jc'anbe ti ac'o xayac'boxuc abijilic ta yojtiquinel yo' ta xava'iic lec ta avo'ntonic stalel ti Diose.

Efesios 6:5

Ti vo'oxuque, mosoviletic, ch'unbeic smantal ti ajvalil avu'unic li' ta banomile, xi'taic, ich'ic ta muc', junuc avo'ntonic ta stojolic ti co'oluc s'elan ja' Cristo ta xava'iic ti ta xatunic ta stojole.

Colosenses 3:22

Mosoviletic, ch'unbeic scotol smantal ti avajvalic li' ta banomile. Mu ja'uc no'ox lec ta xach'unic yilel ti c'alal sq'uelojoxuque. Pasic ta sjunul avo'ntonic ti axi'taojic ti Diose.