San Lucas 11:13 - Bible in Tzotzil de Chamula

¹³ Manchuc mi ech'em chopoloxuc, xana'ic lec st'ujel ti c'usi ta xavac'beic ti anich'nabique. Ja'uc ti Jtotic oy ta vinajele, ta xac'be yich' ti Ch'ul Espíritu ti buch'u ta sc'ane.

Tzotzil Zinacantan

¹³ Li voꞌoxuque chopol ajolic pero xanaꞌic cꞌusi lec chavacꞌbeic lachꞌamalique. Ti Jtotic Riox ta vinajele más lec cꞌusi chayacꞌbeic mi chacꞌanbeique. Chacꞌbe Chꞌul Espíritu ti muchꞌutic tscꞌane ―xꞌutatic la yuꞌun ti Jesuse.

LEQUIL ACH' C'OP

¹³ Li vo'oxuque chopol ajolic pero xana'ic c'usi lec chavac'beic lach'amalique. ¡Más to ti Jtotic Riox ta vinajele, chac'be Ch'ul Espíritu ti much'utic ta sc'anique!» ―X'utatic yu'un ti Jesuse.

Bible in Tzotzil de Chenalhó with Deuterocanon

¹³ Vo'oxuc ti chopoloxuc ono'oxe, xana'ic c'usi lec chavac'beic li anich'nabique. ¡Buuc xa li Atotic te oy ta vinajele Ch'ul Espíritu chac'be li boch'otic ta sc'anique! —xi li Jesuse.

Tzotzil San Andres

¹³ Li joꞌoxuque chopoloxuc onoꞌox pero xanaꞌic li cꞌusi lec chavacꞌbeic la anichꞌnabique. Li Jtotic Dios ta vinajele jaꞌ snaꞌoj lec li cꞌusi ta xacꞌbe li buchꞌutic ta xcꞌanbate. Jaꞌ ta xacꞌbe li Chꞌul Espíritue ―xi li Jesuse.

Tzotzil de Huixtán

¹³ Ho'oxuque ti mu xtun ti avo'ntonique chana'ic c'usi lec chavac'beic ti anich'nabique. Ja'uc ti Jtotique ti te oy ti vinajele jelaven tsna'. Ja' chac'be ti Ch'ul Espíritue ti much'utic chc'ambat ti stojole ―xchi ti Jesuse.

San Lucas 11:13 Iomraidhean Croise

Génesis 8:21

C'alal jun yutsil smuil c'ot ti matanal ta stojol ti Diose, xi laj yale: “J'ech'el xa, mu'yuc c'usi ta xcal ta soquesel ti banomil ta scoj smul ti vinique. Yu'un ta xch'iebal no'ox talel ti vinique, ja' no'ox ta snopilan ta spasel ti c'usi chopole. Ja' jech xtoc mi ja'uc xa ta jtubbe sts'unubal scotol ti chon bolometic jech c'u cha'al laj jpas avie.

Salmos 51:5

Melel un, quich'oj xa ono'ox jchopolil c'alal livoq'ue; oyun xa ono'ox ta mulil ti chi'inbilun yu'un ti jme'e.

Proverbios 1:23

Ts'etano ani' achiquinic ta ya'yiel ti c'u s'elan ta jtojobtasoxuque, yo' jech ventainbil ta xac'ot yu'un ti jbijile, ti ta xlic abtejuc ti sbijil jol ta atojole.

Isaías 49:15

Ja'uc le' une, ¿mi oy la xana' ti me'ile ti ta sten ta xch'ay ta yo'nton ti yole? Ac'o mi jech laj xtuch' ta yo'nton un, ja'uc ti vu'une mu xajtuch' ta co'nton.

Ezequiel 36:27

Ta jtic' jcuxlej ta atojolic. Ta jventa, ta xc'ot ta pasel avu'unic ti oy c'usi jbel tsots albile, xchi'uc ti c'usitic caloje.

Joel 2:28

“C'alal mi ech' ti va'i s'elan taje, xi s'elan ta xc'ot ta pasel cu'un ta stojol ti jnaclejetic ta banomil c'alal ta jtic'beic ta sjolic ti jcuxleje: ti aquerem atsebique ta xlic c'opojicuc ta jventa; ti moletique, oy c'usi ta xilic ta xvaichic; jech ti jva'lej viniquetique, oy c'usi ta xilic ti ta xjam ti sba satique.

San Mateo 5:16

Ac'beic yipal, vinajuc xojobinel aluzic ta stojol ti yane. C'alal ta xilic ti lec c'usitic ta xapasique, ta slequil-c'optaic ti Dios avu'unic ti oy ta vinajele.

San Mateo 5:45

Mi jech ta xapasique, ja' xnich'naboxuc ti Dios ti oy ta vinajele. Yu'un ti Diose ta xac'be talel xojobal c'ac'al ti buch'u oy slequil stuq'uile xchi'uc ti buch'u ch'abal slequil stuq'uile. Ta xac'be tal vo' ti buch'u oy slequil stuq'uile xchi'uc ti buch'u ch'abal slequil stuq'uile.

San Mateo 6:14

“Mi ta xach'aybe smul ti buch'u laj xa sa' smul ta atojole, ti Jtotic Dios ti oy ta vinajele ta xch'aybot amul ec.

San Mateo 6:30

Mi jech ta spas ti Dios ta stojol ti nichim ti teq'uel ta yaxaltic tanae, ti oc'om ta xchiq'ue ta c'oq'ue, x'ech' to ta sc'u'iltasoxuc ti Diose, ja' no'ox to vo'oxuc ti mu xach'unic leque.

San Mateo 6:32

Scotol ti va'i s'elan taje, ja' jech ta svulilan yo'ntonic ti buch'u yan yajvalique. Ja'uc ti vo'oxuque oy ta atojolic ti Jtotic ti oy ta toyol cajale, sna' scotol ti c'usi ta xtun avu'unique.

San Mateo 7:11

Manchuc mi toj chopoloxuc un, xana'ic lec st'ujel c'usi ta xavac'beic ti anich'onique. ¡Ti Jtotic ti oy ta vinajele, x'ech' to ta xac'boxuc ti c'usi leque!

San Lucas 11:12

¿Mi ta xavac'beic jcot tsec c'alal ta sc'anboxuc jbejuc ton alaq'ue?

San Lucas 11:2

Ti Jesuse xi laj yale: —Xi xavalic c'alal ta xac'opoj xati'inique: ‘Jtotic Dios, oyot ta vinajel, ich'biluc ta muc' ach'ul bi cu'uncutic. La' ventainuncutic. C'otuc ta pasel c'usi ta sc'an avo'nton li' ta banomile jech c'u cha'al ta xc'ot ta pasel ta vinajele.

San Lucas 18:7

Ti Diose, ¿mi mu van jechuc ta spoj ti buch'u t'ujbilic yu'une, ti c'ac'al ac'ubal ta xc'opoj xti'ine? ¿Mi mu van ta x'ich'bat ta muc' ti sc'ope?

San Juan 4:10

Xi laj stac' ti Jesuse: —Ti xana'uc oy c'usi ta xac' ti Diose, ti xana'uc ti Buch'u ta sc'anbot ti vo'e, ta melel unbi, vo'ot ta xac'anbun ti vo' jechuque. Ta xcac'bot ti cuxul sat vo'e.

Hechos 2:38

Xi laj yal ti Pedroe: —Sutanic talel ta stojol ti Diose, ich'ic vo' ta jujun tal ta sventa ti Jesucristoe yo' xata ti ch'aybil ta xc'ot ti amulic ta stojol ti Diose, ja' to jech ta xavich'ic ti Ch'ul Espíritu ta sventae.

Romanos 5:17

Ti ayan yip ti mulil ti ta xijchamotic yu'une, ja' ta scoj ti laj sta smul ti jun vinique. Oy lec smelol un ti ta sventa ti jun vinic Jesucristoe, laj jtatic ti ach' cuxlejal ta matanale. Laj jtatic ti lec xij'ile yu'un ti Dios ta sventa ti Jesucristoe.

Romanos 7:18

Ac'o mi juteb ta co'nton ta jc'an ta jpas ca'i ti c'usi leque, jna' lec ti mu ono'ox xitojobe. Ti bu jtamoj batel yu'un ti jbec'tal jtacopale, mu'yuc c'usi lec ta xc'ot ta loq'uel cu'un.

Romanos 8:32

Ti jech mu'yuc laj sjalanbotic ti Xnich'on ti Diose, ti c'ajomal laj yac' ta milel ta sventa jcotoltique, ¿mi ja' xa la mu ta xijyac'botic ec scotol ti c'usi ta xac'be ti Xnich'one?

SUN TITO 3:3

Yu'un ta vo'ne ti vo'otic eque, toj alticotic, toyobbaotic ta stojol ti Diose. Ch'ayemotic ta be. Ochemotic ta mosovil yu'un ti c'usi lec ta xa'i ti co'ntontique. Ja' cuxulotic ta spasel ti c'usi chopole, ti it'ix o'ntone, ti soquet to ox ti joltique, ti chopol xquilan jbatic ta jujun tale.