San Lucas 10:21 - Bible in Tzotzil de Chamula

²¹ Ta jech yepal un, xi laj yal ti Jesús ti xmuyubaj ta j'ech'el ta sventa ti Ch'ul Espíritu oy ta stojole: —Jun avutsil, Tot, yajvalot vinajel banomil, ti laj avac'be sna' scolel ti buch'u mu'yuc sbijilique, ti mu'yuc laj avac'be sna' scolel ti buch'u oy sbijilique, ti jamal sba satic ti yalojique. Jech un, yu'un jech laj ac'an atuc, Tot.

Tzotzil Zinacantan

²¹ Ti Jesuse xmuyubaj xa la xchiꞌuc ti Chꞌul Espíritue. Jaꞌo la iscꞌopon Riox: ―Tot, voꞌot yajvalot vinajel balamil. Colaval ti muc xavacꞌ yaꞌibeic smelol cꞌusi ical cꞌusi ijpas ti muchꞌutic pꞌij ti yalojique, ti jaꞌ noꞌox avacꞌ yaꞌibeic smelol ti muchꞌutic tscꞌanic coltael chac cꞌu chaꞌal tscꞌanic coltael li cꞌoxetique. Lec ti jaꞌ yech apase, Tot ―xi la ti Jesuse.

LEQUIL ACH' C'OP

²¹ Ti Jesuse xmuyubaj xa ta jmec ta scuenta li Ch'ul Espiritue, ja'o xi iyale: «Tot, chaquich'ot ta muc' vo'ot ti yajvalot vinajel balamile, yu'un avac'be ya'ibeic smelol ti much'utic muc'bu ich'bilic ta muq'ue, ja' muc' xavac'be ya'ibeic smelol ti much'utic p'ijic ti yalojique xchi'uc ti xa'ibeic smelol ti yalojique. Tot, toj lec ti ja' yech apase, yu'un ja' yech isc'an avo'on.

Bible in Tzotzil de Chenalhó with Deuterocanon

²¹ Ta yorail le'e, toj xcuxet yo'nton laj ya'ay ta sventa Ch'ul Espíritu li Jesuse, jech laj yalbe li stote: “Tati, vo'ot Yajvalot li vinajel banamile, colaval ti muc xavac'be ya'yic smelol li boch'otic bijique, xchi'uc li boch'otic lec sna' yalojique. Ja' laj avac'be ya'yic smelol li boch'otic mu'yuc stu ch-ilatique. Tati, lec oy ti jech la sc'an avo'ntone”, xi.

Tzotzil San Andres

²¹ Li Jesuse xmuybaj noꞌox ta ora ta sventa li Chꞌul Espíritu li oy ta yoꞌone, jech lic scꞌopon Stot: ―Tata, joꞌot yajvalot li vinajel balumile. Colaval ti muc bu xavacꞌbe yaꞌibeic smelol li cꞌusi laj cal schiꞌuc li cꞌusi la jpas li buchꞌutic pꞌijique schiꞌuc li buchꞌutic lec snaꞌic ti yalojique. Jaꞌ noꞌox la avacꞌbe yaꞌibeic smelol li buchꞌutic ta scꞌanic coltaele jech chac cꞌu chaꞌal ta scꞌanic coltael li unetique. Tata, lec ti jech la acꞌane ―xi.

Tzotzil de Huixtán

²¹ Ti ora nichim no'ox yo'nton ti Jesuse ti sventa ti Ch'ul Espíritue, hech yu'un laj yalbe ti Diose: ―Tote, ho'ot ti ajvalilot yu'un ti vinajele ti balumile, hocol aval ti amacojbe yo'ntonic ti much'utic p'ij yo'ntonic ti scuyoj sbaique, ti much'utic cha'ibeic sjam ti scuyoj sbaique. Hocol aval ti avac'ojbe sna'ic ti much'utic tsc'anic coltael hech chaj c'u che'el tsc'anic coltael ololetic. Lec oy, Tote, yu'un hech avo'nton ti stojolic ―xchi.

San Lucas 10:21 Iomraidhean Croise

Salmos 24:1

Scotol ti banomile, ti c'usi ta xch'ie, xchi'uc scotol li c'usi cuxule, ja' yu'un ti Diose.

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Salmos 8:2

Xq'uejinic no'ox ti uni ololetique, xchi'uc ti jchu'nel ololetique. Laj achapan ta smeltsanel jun pojobbail ta scoj ti avajcontrae, ta stsutsesbel yabtel ti jtoyobbaetique, xchi'uc ti jpayc'opetique.

Isaías 29:14

Jech o xal un, jchop o senyail ta xcac'be yilic ti jteclum taje, ti ch'ayal ta xc'ot yo'ntonic yu'une. Sbijilic ti buch'utic oy sbijilique, ti xac' sjolic ta snopel ta ya'yiel ti buch'u sna' xchiquintae. Ta j'ech'el ta jch'aybe sc'oplal ma' le' une.”

Isaías 35:8

Ta xchapaj liquel ti xpolet no'ox jun be ti “ch'ul be” sbie. Ti buch'utic mu'yuc mesbil tusbilique, mu xu' x'ech'ic. Ti buch'utic mu'yuc xch'ulel xa'i sbaique, mu stac' xanavic ta stojol.

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

Isaías 62:5

Yu'un jech c'u cha'al ti jun querem ta xnupij sts'aquij xchi'uc ti slecome, ja' jech ti Diose ta sbisot ta yajnil. Ta smeltsanot ta ach'. Mu'yuc c'usi sna' ta atojol jech c'u cha'al xmuyubaj ti vinic xchi'uc ti yajnile.

Isaías 66:1

Ti Diose xi ta xale: “Ti vinajele, ja' ti bu nacalune. Ti banomile, ja' ti bu ta jtec'an ti coque. ¿Mi oy bu xu' ta xameltsanic ti jna avalojic une? ¿Mi oy bu xu' ta xameltsanic ti xcuxobil co'nton ti avalojic une?

Sofonías 3:17

Ti Ajvalil ti ja' Dios avu'une, tey oy ta atojol, jelavem ti smuc'ul stsatsale, ta stic' sba ta apojel. Xmuyubaj no'ox ta atojol ti Diose. Ti jech mu xa xtuch'ot ta yo'ntone, ta xac'bot ach' acuxlejal. Ti jech xmuyubaje, ta xlic q'uejinuc

San Mateo 16:17

Ti Jesuse xi laj staq'ue: —Toj jun yutsil ti jech xana' ti vo'ote, Simón, xnich'on Jonás. Ti xana' Buch'uune, ma'uc jun vinic laj yac'bot ana', ja' laj yac'bot ana' ti Jtot ti oy ta vinajele.

San Mateo 21:16

Xi laj yalbeic ti Jesuse: —¿Mi xava'i ti va'i s'elan ta xalique? Xi laj stac' ti Jesuse: —Ta xca'i, ¿mi mu'yuc bu aq'uelojic ta ch'ul c'op ti xi ta xale? ‘Pasbil avu'un ti jun yutsil ta xq'uejinic ti ololetique xchi'uc ti jchu'nel ololetique.’

San Mateo 3:7

C'alal laj yil ti Juan ti ep ta xtalic ta yich'el vo' ti fariseoetique xchi'uc ti saduceoetique, xi laj yalbee: —Xnich'nab jti'oval chon, ¿buch'u laj yalboxuc ava'iic ti ta xapoj abaic yu'un ti tsots tsitsel ti ta xa xtale?

Marcos 10:15

Ta xcalboxuc ava'iic ta melel, buch'uuc no'ox mi mu jechuc yo'ntonic jech c'u cha'al ti ololetic li'e, mu xu' ta x'ochic batel bu ta xventainvan ti Diose.

San Lucas 15:5

C'alal mi laj sta talele, xmuyubaj xa ta scajan talel ta snequeb.

San Lucas 15:9

C'alal mi laj sta ta sa'ele, ta xic' talel ti xchi'iltaque, ti slac'nataque, ti xi ta xale: ‘Muyubajcutic, yu'un laj jta ti jsep cuni taq'uin ti ch'ayem to ox cu'une.’

San Juan 11:41

Laj sloq'uesbeic ti smac sti'e. Ti Jesuse laj stoy muyel sat ta vinajel ti xi laj yale: —Tot, colaval xacutot, yu'un laj ava'ibun ti jc'ope.

2 Corintios 4:3

Ti buch'u mu xa'ibe smelol ti lequil ach' c'op ti ta xcalcutique, ja' no'ox ti buch'utic ta xbatic ta ch'ayele.

Efesios 1:11

Ti jech lijc'ot ta jun xchi'uc ti Cristoe, yu'un vo'ne xa ono'ox t'ujbilotic yu'un ti Diose yo' ta xquich'tic ti rextoil ti albil sc'oplal ta xaq'ue, ti co'ol xchi'uc jech c'u cha'al oy ono'ox ta yo'nton ti Dios ta spas ti c'u s'elan lec ta xil ti stuque.

Efesios 1:5

Ta sventa syail xc'uxul yo'nton ti Diose, vo'ne xa ono'ox quich'ojtic talel ti oy sc'oplal ta xijc'ot ta xnich'nab ta sventa ti Jesucristoe jech c'u cha'al snopoj ono'ox ta yo'nton ti stuque.