San Lucas 10:2 - Bible in Tzotzil de Chamula

² Ti Jesuse xi laj yalbe ti j'abteletic laj st'uje: —Ta xcalboxuc ava'iic ta melel, ep ti ts'unobal ti sc'an tsobele. Le' une, mu'yuc ep ti j'abteletique, jech o xal c'anbeic ti yajval ts'unobale, ac'o stac talel j'abteletic ta stsobel ti ts'unobale.

Tzotzil Zinacantan

² ―Ta melel ti ep ti muchꞌutic tscꞌan chaꞌiic li scꞌop Rioxe. Pero jaꞌ jutuc noꞌox ti muchꞌutic chalic aꞌyuque. Coꞌol xchiꞌuc mi ep li cꞌajoje, jaꞌ jutuc noꞌox li jcꞌajome. Yechꞌo un cꞌanbeic ti Rioxe ti acꞌu stac echꞌel ti muchꞌutic chba yalic aꞌyuc li cꞌusi yaloje yuꞌun jaꞌ tstꞌuj stuc.

LEQUIL ACH' C'OP

² Xi i'albatique: «Ta melel ep li c'ajoje, pero ja' ch'abal ep ti much'utic ch-abtejique, yech'o un c'anbeic li yajval c'ajoje ti ac'u stac ech'el ti much'utic chba c'ajavicuque.

Bible in Tzotzil de Chenalhó with Deuterocanon

² Jech laj yalbe scotolic: “Ta melel toj ep li c'aoje; ja' mu'yuc ep li boch'o tsc'ajique. Ja' lec c'anbeic Yajval c'aoj ti ac'o stac batel ep jc'aojetic yu'une.

Tzotzil San Andres

² Xi laj yalbe scotolic: ―Melel oy ep li buchꞌutic chac yaꞌiic li scꞌop Diose pero jaꞌ muc bu ep li buchꞌutic chal li scꞌop Diose. Jech chac cꞌu chaꞌal mi ep li cꞌajoje pero jaꞌ muc bu ep li jcꞌajavile. Jaꞌ yuꞌun cꞌanbeic Dios ti acꞌo stac batel li buchꞌutic chba yalbeic li scꞌope yuꞌun jaꞌ Yajval li abtele.

Tzotzil de Huixtán

² Hech laj yalbe batel: ―Melel ti ep ti much'utic tsc'an cha'yic ti sc'op ti Diose. Mu epuc ti much'u tsc'an chcholbe. Hech chac c'u che'el mi ep ti c'ajoje, mu epuc ti much'u tsc'aje. Hech yu'un c'ambeic vocol ti Diose yu'un ja' Yajval ti abtele yu'un ac'o stac batel yan ti much'u chcholbat ti sc'ope.

San Lucas 10:2 Iomraidhean Croise

1 Reyes 18:22

Ti Eliase xi lic yalilane: —Ti jech j'alc'opun yu'un ti Diose, jch'ul tuc xa no'ox ti li' to cuxulune. Ja'uc ti yaj'alc'optac ti Baale, oy o'lol yo'obal ciento (450) ta vo'.

Salmos 68:11

Laj yal sc'op ma' ti Diose, yepal antsetic xi laj scaj'alique:

Jeremías 3:15

Ta x'ochic cu'un ta jpas-mantaletic ti buch'u lec ta xquile. Va'i un, oy sbijilic xtojobic ta xaspasoxuc ta mantal.

Zacarías 11:17

Mu xa ono'ox cha'bel un, ti uni pochan j'il-chij ti lamal ta xicta comel ti c'u yepal volol ti chije. Ac'o jimbatuc espada ya'i ta sc'ob xchi'uc ti sbats'i sbec' sate. Ch'ayuc sc'oplal ta j'ech'el ti sc'obe. T'usuc ta j'ech'el ti sbec' sate.”

Zacarías 11:5

yu'un ti jmanolajeletique ma'uc smul ta xa'iic ti ta smilique. Jech ti jchonolajeletique xi ta xalique: ‘Coliyal ti Dios ti jech lic'ot ta jc'uleje.’ Ti j'il-chijetique, mi ja'uc xa oy syail xc'uxul yo'nton yu'un ti chije.

Números 11:17

Ta xiyal talel. Tey ta xa jc'oponot. Ta xquet'esbe jelavel ta stojolic j'o'loluc ti abijil ti avich'oje yo' jech ta xa scoltaot ta yiq'uel batel ti jteclum le'e. Va'i unbi, mu xa atucuc.

Números 11:29

Ja' no'ox un, ti Moisese xi laj staq'ue: —¿Mi it'ix xa ta xava'i un? ¡Toj lec jechuc ti tauc xac'be sbijil scotol jteclum ti Diose!

San Mateo 20:1

Ti Jesuse xi laj yale: —Ti ventainel yu'un ti Dios oy ta vinajele, co'ol s'elan jech c'u cha'al jun yajval pinca sob loc' batel ta sa'el yaj'abteltac yo' ta x'abtejic ta yavil sts'unubal uva.

Marcos 13:34

Taje, co'ol s'elan jech c'u cha'al jun vinic ta xbat ta nom. C'alal mu'yuc to ta xloc' batele, ta xac'be comel sventain sna ti yaj'abteltaque. Ta xac'be comel yabtel ta jujun ti c'usi sc'an ta spasique, xchi'uc ta xalbe mantal ti jq'uel-ti'nae ti xchabiuc leque.

Marcos 16:15

Xi laj yalbee: —Batanic ta scotol banomil. Ba alic ti lequil ach' c'op sventa ti pojel colele.

Marcos 16:20

Jech ti stuquique loq'uic batel ta yalel ta scotol banomil ti lequil ach' c'op ti ja' sventa colele. Ti jchanc'opetique chi'inbilic yu'un Jesús yo' ta xvinaj ti oy c'usi ta spasic ti ch'ayal ta xc'ot o'ntonal yu'unique. Jechuc.

San Lucas 9:1

Ti Jesuse laj stsob ta stojol ti lajcha'vo' (12) yajchanc'optaque. Laj yac'be yich' yabtelic, stsatsalic ta sloq'uesel ti c'usiuc no'ox pucujale, xchi'uc ta scolesel ti jchameletique.

Hechos 11:19

Ti israelal jch'unolajeletic ti laj tanijicuc batel c'alal laj yich' milel ti Estebane, oy jlom batic ta Fenicia banomil, ta Chipre banomil, ta Antioquía jteclum. Ti bu taje, lic yalic ti lequil ach' c'op ta stojol ti xchi'il sbaic ta israele. Ti jyanlumetique mu'yuc laj yalbeic.

Hechos 13:2

Oy jun c'ac'al c'alal scomtsanoj yotic ta sventa yalbel vocol ti Diose, xi albatic yu'un ti Ch'ul Espiritue: —T'ujbun loq'uel ti Bernabee, ti Sauloe, ta yich'el ti yabtelic ti laj jtaic ta iq'uele.

Hechos 13:4

Ti Bernabee, ti Sauloe tacbilic yu'un ti Ch'ul Espiritue, c'otic ta Seleucia jteclum. Ti bu taje, ochic batel ta jun barco yo' ta xbatic ta Chipre banomil.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Hechos 22:21

Ja'uc ti Diose xi laj yalbune: ‘Tamo batel abe, yu'un ta jtacot batel ta namal banomil bu oy ti jyanlumetique.’ ”

Hechos 8:4

Ti buch'utic loq'uic ech'el ta Jerusalene, ti buyuc no'ox ta xanavique, ta xalic ti lequil ach' c'op sc'oplal ti colebale.

1 Corintios 12:28

Laj sc'an stuc ti Diose ti ba'yel laj sva'an ti jcholc'opetic ta stojol ti jch'unolajeletique. Ti xchibale, laj sva'an ti buch'utic ta xalic ti c'usi ta x'ac'bat sna'ic yu'une. Ti yoxibale, laj sva'an jchanubtasvanejetic xchi'uc ti buch'utic ta xaq'uic ta ilel ti oy c'usi ch'ayal ta xc'ot o'ntonal yu'une. Laj sva'an xtoc ti buch'u xu' yu'un ta scolesel ti jchameletique, ti buch'u xu' yu'un ta xcoltavane, ti buch'u xu' yu'un ta xtojobtasvanique, ti buch'u xu' yu'un ta xc'opojic ta yan c'opetique.

1 Corintios 15:10

Ti laj jta ti vi j'elane, yu'un lec yo'nton ti Dios ta jtojole. Mu ta jeche'uc no'ox ti laj xc'uxubinune, yu'un yepal xa li'abtej ta sventa ti Cajvaltique, mu sta ti yane, ac'o mi ma'uc ta jtsatsal jtuc li'abtej, yu'un coltabilun ta sventa yutsil yo'nton ti Diose.

2 Corintios 6:1

Ti jech jchi'il jbatic ta abtel ta sventa yabtel ti Diose, ta jc'anboxuc vocol ta atojolic ti mu xabaj xatenic yutsil slequil yo'nton ti Dios ti laj yac'boxuc avilique.

Filipenses 2:21

Scotol ti yane, ja' no'ox ta sa'ic ti c'usi ta xtun yu'un ti stuquique, ma'uc tsots sc'oplal ta xa'iic ta yalbel sc'oplal ti Jesucristoe.

Filipenses 2:25

Ja' jech xtoc, tsots sc'oplal ta xca'i ta jtacboxuc talel ta atojolic ti jchi'iltic Epafroditoe, ja' ti jchi'il ta abtele, ja' ti jchi'il ta ich' vocole, ti vo'oxuc laj ataquic talel yo' ta scoltaelun ta sventa ti c'usi ta xtun cu'une.

Filipenses 2:30

Yu'un jutuc xa mu laj yac' sjol sbaquil ta sventa ti ta xtun yu'un ti Cristoe, yu'un sjunul yo'nton laj sts'ic svocol ti laj yac' sba ta tunel cu'une, c'alal mu xu' avu'unic ta xtal acoltaicune.

Colosenses 1:29

Ja' ta sventa ti jech yacal ta xi'abteje, ti jpasoj tsatsal ta yabtelanel ta sventa smuc'ul stsatsal ti Cristo ti ta xiyac'bune.

Colosenses 4:12

Chabanuc xayalboxuc ti Epafrase, ti ja' jun achi'ilic ta xtun yu'un ti Cristoe. Ti stuque ta ono'ox sc'opon Dios ta atojolic yo' jech jun avo'ntonic, yo' jech avac'ojbeic yipal ta spasel ti c'usi ta sc'an yo'nton ti Diose.

1 Tesalonicenses 2:9

Ti co'ol jchi'il jbatique, xana'ic lec ti laj jpascutic tsatsal ta abtel yo' jech ta jta ti jve'elcutic ti jech li' cuxuluncutique. Yu'un c'ac'al ac'ubal li'abtejcutic yo' jech mu'yuc buch'u junucal avu'unic ta xisbainuncutic c'alal laj calcutic ava'iic ti sc'op Diose.

1 Tesalonicenses 5:12

Ti jech jchi'il jbatique, ta jc'anboxuc avocol ta atojolic ti ich'ic ta muc' ti buch'utic ta x'abtejic ta atojolic ta sventa ti Cajvaltique, ti buch'utic ta sbijubtasoxuque, ti ta stojobtasoxuque.

2 Tesalonicenses 3:1

Ti slajeb ta xcalboxuc ava'iic, Jchi'iltac, c'oponic Dios ta jtojolcutic yo' ta xpuc no'ox batel cu'uncutic ta sjoylej banomil ti lequil ach' c'ope, xchi'uc yo' jech ich'bil ta muc' ta xc'ot jech c'u cha'al c'ot ta atojolique.

1 Timoteo 4:10

Jech o xal un, ja' stu ta xij'abtejotique, ta jts'ictic ilbajinel, yu'un jpatoj co'ntontic ta stojol ti cuxul Diose, ti ja' Jcoltavanej yu'un scotol ti jnaclejetic ta banomile, ja' x'ech' to Jcoltavanej yu'un ti buch'u c'otem ta yo'ntonic ta xch'unele.

2 Timoteo 4:5

Ja'uc ti vo'ote, staojuc yav oyuc ti stuq'uil snopobil avu'une, ti cuchuc avu'un ti vocole. Paso tsatsal ta yalel ti colebal lequil ach' c'ope. C'otuc ta pasel avu'un ti avabtele.

Filemón 1:1

Vu'un Pabloun, tiq'uilun ta chuquel ta sventa ti Cristo Jesuse. Ti vu'une xchi'uc ti quermanotic Timoteoe ta jts'ibabot talel ti jcarta li'e, vo'ot Filemón, ti ja' jchi'il jbatic ta abtele,

Hebreos 3:6

Ti jech ja' jun lequil Nich'onil ti Cristoe, ta slequil yutsil yo'nton ta sventainbe sna ti Diose, ti ja' jc'oplaltic ti vo'otique, mi j'ech'el jun co'ntontic xijmuyubajotic ta smalael ti oy c'usi ta jtatique.

Apocalipsis 2:1

Xi xats'ibabe batel ta stojol ti buch'u sbainoj ti jch'unolajeletic ti oy ta jteclum Efesoe: “Xi ta xal ti Buch'u stsacoj ta sbats'i c'ob ti vucbej c'anale, ti xva'et ta xanav ta o'lol ti bu oy ti vucub yavil cantila meltsanbil ta oroe: