San Lucas 1:75 - Bible in Tzotzil de Chamula

⁷⁵ Oyuc cutsil jlequiltic ta stojol ti c'u sjalil cuxulotique.

Tzotzil Zinacantan

⁷⁵ Yechꞌo un jun coꞌontic chquichꞌtic ta mucꞌ ti cꞌu sjalil cuxulotic liꞌ ta sba balamile.

LEQUIL ACH' C'OP

⁷⁵ yu'un lecubtasbilotic, tuq'uibtasbilotic xa ta sba ta sat ti Cajvaltique ti c'u sjalil cuxulotique.

Bible in Tzotzil de Chenalhó with Deuterocanon

⁷⁵ yu'un lecubtasbilutic, tuq'uibtasbilutic yu'un ti jayib c'ac'al cuxulutic ta stojole.

Tzotzil San Andres

⁷⁵ Jech jun noꞌox coꞌontic ta xquichꞌtic ta mucꞌ li jayib cꞌacꞌal liꞌ cuxulutique.

Tzotzil de Huixtán

⁷⁵ Hech lecubtasbil co'ntontic, toj co'ntontic ti stojol ti jayib c'ac'al li' cuxulucutique.

San Lucas 1:75 Iomraidhean Croise

Isaías 43:21

Ti jteclum ti chapal cu'une, ta svinajesbeic slequilal yutsilal ti jc'oplale.

Zacarías 8:19

“Ta xjoybij liquel ta muyubajel sc'oplal ti ictaej vaj c'alal ta xc'ot sc'ac'alil ti jujun chanchan (4) ue, ti yo'obal (5) ue, ti yucubal (7) ue, ti slajunebal (10) ue. Ta xc'ot liquel ta q'uin ta smuyubajel yo'ntonic snitilultac ti Judae. ¡Ja' yu'un un cha'e, oyuc ta avo'ntonic ti bu ja' melele, xchi'uc ti lamajem ti c'op avu'unique!”

San Mateo 1:21

Ti Mariae ta xil jun squerem, Jesús ta xavac'be sbi. Jech ta xavac'be sbi, yu'un ta spoj ta scolta ti steclumal yu'un ti smulique.

San Lucas 1:74

ti mu'yucuc xi'el ta xijcuxiotique, ti mu'yucuc ilbajinel yu'un ti jcontratique yo' ta xcac' jbatic ta tunel yu'un.

Efesios 1:4

C'alal mu'yuc to ox meltsajem ti banomile, t'ujbilotic xa ono'ox yu'un ti Dios ta sventa ti Cristoe yo' jech mu'yuc jmultic ta xijc'ot ta stojol.

Efesios 2:10

Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Efesios 4:24

C'u'inic ti ach' cuxlejale jech c'u cha'al oy ta yo'nton ti Diose, ti oy stuq'uile, ti co'ol xchi'uc ti bu ja' melele.

Deuteronomio 6:2

Ti jech taj une, ta xavaq'uic ta toyol cajal sc'oplal ta yich'el ta muc' ti Ajvalil Dios avu'unic ti c'u sjalil ti achi'el ac'opojelic ti li' ta banomile, ti c'otuc ta pasel avu'unic ti mantale, ti c'usitic oy jbel tsots albile, ti laj calboxuc ava'iic xchi'uc ti avalab anich'nabique, ti amomique. Yu'un ti jech taj une ep jabil ta xach'i xac'opojic.

1 Tesalonicenses 4:1

Avi tana li' une, Jchi'iltac, ta sventa ti Cajvaltic Jesuse, xi s'elan ta jc'ubanboxuc ta sc'anbeloxuc vocol ta atojolic jech c'u cha'al li'e: Jech c'u cha'al yacaloxuc ta spasel avi tana le'e, jechuc me staojuc yav xapasic jech c'u cha'al laj cac' avilique yo' jech ta xataic ti lec xayiloxuc ti Diose.

1 Tesalonicenses 4:7

Yu'un ti Diose laj yic'otic ta spasel ti c'usi leque. Ma'uc laj yic'otic ta spasel ti c'usi chopole.

2 Tesalonicenses 2:13

Ti jech c'uxubinbiloxuc yu'un Dios ti vo'oxuque, Jchi'iltac, mu xquicta jbacutic ta yalbel vocol Dios ti ta sliquebal no'ox banomil oy ac'oplalic ta xataic acolelic ta sventa ti coltabiloxuc yu'un ti Ch'ul Espíritue, yo' jech ta xac'otic ta yu'untac Dios ta sventa ti c'ot ta avo'ntonic ta xch'unel ti bu ja' melele.

2 Timoteo 1:9

Ti ta vo'ne ti c'alal mu'yuc to ox meltsajem ti banomile, oy ono'ox jc'oplaltic yu'un Dios ta scoltaelotic, ta yiq'uelotic ta stojol yo' jech ta xijtun yu'un c'alal mi ja'uc jutebuc oy c'usi lec laj jpastique. Yu'un jech ono'ox snopoj stuc ta slequil yutsil yo'nton ti laj xc'uxubinotic ti jech oyotic ta stojol ti Cristo Jesuse.