San Lucas 1:74 - Bible in Tzotzil de Chamula

⁷⁴ ti mu'yucuc xi'el ta xijcuxiotique, ti mu'yucuc ilbajinel yu'un ti jcontratique yo' ta xcac' jbatic ta tunel yu'un.

LEQUIL ACH' C'OP

⁷⁴ ti mu xa c'usi chixi'otic oe, ti chispojotic loq'uel ta sc'ob li cajcrontatique, yo' xitunotic o yu'une

Bible in Tzotzil de Chenalhó with Deuterocanon

⁷⁴ ti chispojutic loq'uel ta sc'ob cajcontratique. Jech mu'yuc xa xi'el chca'itic, xu' chijtunutic yu'un,

San Lucas 1:74 Iomraidhean Croise

2 Reyes 17:39

C'ajomaluc no'ox pasic ta jtojol ti Ajvalil Diosun avu'une. Jech ti vu'une ta jtic' jba ta apojel yo' jech mu xa'och ta yoc ta sc'ob ti avajcontrae.”

Salmos 119:134

Pojun yo' mu xistsalun ti ilbajinel yu'unique, ta jc'an ta xc'ot ta pasel cu'un ti c'usitic nopbil avu'une.

Isaías 43:21

Ti jteclum ti chapal cu'une, ta svinajesbeic slequilal yutsilal ti jc'oplale.

Isaías 45:17

Ja'uc ti Israele pojbil coltabil c'otic yu'un ti Diose, ti j'ech'el pojbil c'otique. Mi ja'uc jutebuc peq'uel ti sc'oplalique, ti ta xac' sbaic ta lo'il maxile.

Zacarías 8:19

“Ta xjoybij liquel ta muyubajel sc'oplal ti ictaej vaj c'alal ta xc'ot sc'ac'alil ti jujun chanchan (4) ue, ti yo'obal (5) ue, ti yucubal (7) ue, ti slajunebal (10) ue. Ta xc'ot liquel ta q'uin ta smuyubajel yo'ntonic snitilultac ti Judae. ¡Ja' yu'un un cha'e, oyuc ta avo'ntonic ti bu ja' melele, xchi'uc ti lamajem ti c'op avu'unique!”

San Lucas 1:71

ta xispojotic loq'uel ta yoc ta sc'ob ti cajcontratique, xchi'uc ti buch'u xti'et sjolic ta jtojoltique.

San Lucas 1:73

Le'e, ja' c'ot ta pasel ti xi ono'ox laj sva'an sba ta yalel ta stojol ti jmolmuc'totic Abrahame,

San Lucas 1:75

Oyuc cutsil jlequiltic ta stojol ti c'u sjalil cuxulotique.

Romanos 6:22

Ti jech lacolic loq'uel ta mosovinel yu'un ti mulil avi tana le'e, la'ochic ta yajtunel ti Diose. Ti jech taje, xloc' venta, yu'un ta xavac' abaic ta tunel yu'un ti Diose. Ts'acal to un, ta xataic acuxlejalic sbatel osil.

Romanos 8:15

Ti Ch'ul Espíritu ti la'ac'bat avich'ique, ma'uc ta stic'oxuc ta mosovinel, ta yac'beloxuc xi'el. Yu'un ta sventa ti Ch'ul Espíritue lac'otic ta xnich'nabtac ti Diose. Ta sventa ti Ch'ul Espíritu taje, xichi ta xic'opoj ta xiti'ine: “Jch'ul tot, Cajval.”

2 Timoteo 1:7

Yu'un laj to c'op ma' ti ta xac' xi'el ta co'ntontic ma' ti Diose, yu'un ti Diose ta xac' yip stsatsal co'ntontic, syail xc'uxul co'ntonic, lec snopbenal.

Hebreos 2:15

Ti jech taj une, tal spoj scolta ti buch'utic u'ninbil ta xi'el ta xa'iic ta scoj ti lajel tubel ti c'u sjalil li' cuxulique.

Hebreos 9:14

Ti mi ja' jech taj une, buc xa la xch'ich'el ti Cristo ti ja' x'ech' to jelavem ti yip xu' yu'une. Ti jech coltabil yu'un Ch'ul Espíritu ti sbatel osil cuxule, ti Cristoe laj yac' sba ta milel ta stojol Dios ti c'ot ta jun matanal ti mu'yuc xchopolale, yo' ta xcac' jbatic ta tunel ta stojol ti Dios ta sventa ti tun ti xch'ich'el ta spoquel stusel ti sbolil jol co'ntontic ti naca ch'ayel jq'uelojtic batel yu'une.

Apocalipsis 2:10

Mu xaxi' yu'un ti avocol ta xc'ot ta atojole, yu'un oy jlom avu'unic ta xatiq'ueic ta chuquel yu'un ti pucuje, yo' jech ta xich' q'uelel ti avo'ntonique. Yu'un ta xavich' avocolic lajuneb c'ac'al. Staojuc yav avo'ntonic xacham xalajic, ta xcac'boxuc ti acuxlejalic ti ja' amotonique.