San Lucas 1:6 - Bible in Tzotzil de Chamula

⁶ Xchibalic staojic ti lec x'ileic yu'un ti Diose, xch'unojic lec ta spasel mantal xchi'uc ti oy c'usi tsots sc'oplal albil yu'un ti Diose, ti mu'yuc buch'u jun sa'bun ti smulique.

Tzotzil Zinacantan

⁶ Ti Cajvaltique yiloj ti lec yoꞌon xchiꞌuc yajnil ti Zacaríase. Yuꞌun la xchꞌunojic ti cꞌusitic yaloj ti Cajvaltique, yechꞌo ti chꞌabal smul iꞌileique.

LEQUIL ACH' C'OP

⁶ Xcha'va'alic lec scotol li c'usitic tspasic ta stojol ti Rioxe, ta sjunul yo'on tspasic ti c'usi chal li mantaletique, xchi'uc li yan mantaletic albilic yu'un ti Cajvaltique.

Bible in Tzotzil de Chenalhó with Deuterocanon

⁶ Li Zacarías xchi'uc yajnile lec tuc' yo'ntonic ta stojol Dios, xchi'uc lec xch'unojbeic li smantaltac Diose xchi'uc li c'usitic yan yaloje.

Tzotzil San Andres

⁶ Li Diose sqꞌueloj ti tucꞌ yoꞌonic schiꞌuc yajnil li Zacaríase. Yuꞌun schꞌunojic li cꞌusi yaloj li Cajvaltic Diose, jech muꞌyuc smul iꞌileic yuꞌun Dios.

Tzotzil de Huixtán

⁶ Toj yo'ntonic ti xcha'va'alique laj yil ti Diose. Xch'unojbeic scotol smantal, scotol sc'op ti Cajvaltic Diose. Mu'yuc smulic laj yil ti Diose.

San Lucas 1:6 Iomraidhean Croise

Génesis 17:1

C'alal yich'oj xa balunlajuneb yo'vinic (99) jabil ti Abrame, laj yac' sba iluc ti Dios ta stojolal ti xi albate: —Vu'un Diosun ti scotol xu' cu'une. Tamo ta spasel ti c'usi lec tuc' ta xquil ta jba ta jsate.

Génesis 6:9

Ti li'e, ja' sc'oplal ya'yejal ti Noee: Ti Noee lequil vinic, yu'un tey ono'ox ta spas ti c'usi ta sc'an ti Diose. Ti ta scotol ti jnaclejetic ti jech ora taje, ja' no'ox stuc ti yac'oj yo'nton ta spasel ti c'usi oy ta yo'nton ti Diose.

Génesis 7:1

Ts'acal to un, ti Diose xi laj yalbe ti Noee: “Ta scotol ti jnaclejetic avi tana li'e, ja' no'ox vo'ot laj apas ti c'usi ta jc'ane. Ja' yu'un un, jmoj ochanic batel ta barco ti c'u avepalic ta nacleje.

1 Reyes 15:5

Yu'un ti Davide toj lec laj stuc'ulan sba ti jun yutsil laj yil ti Diose. Mu'yuc laj stub ta yo'nton ti c'u s'elan albat yu'un ti smantaltac ti Dios ti jayib c'ac'al cuxule. Ja' no'ox laj sta smul ti oy c'usi laj spasbe ti Urias ti hititae.

1 Reyes 9:4

Mi jech ta xatuc'ulan aba ta jba ta jsat jech c'u cha'al laj spas ti David ti atote, ti mu yanijemucote, ti lec avo'ntone, ti ta xavac'be yipal ta spasel ti c'u s'elan laj calbote, ti ta xach'un ta spasel ti jbel ti c'usi albile, ti c'usi nopbil cu'une, toj lec ta j'ech'el.

2 Reyes 20:3

“Cajval, avocoluc, mu xch'ay xava'i ti sjunul co'nton laj cac' jba ta tunele, ti jamal lec co'nton laj jpas c'usi ta xac'ane.” Lic smil sba ta oq'uel un.

2 Crónicas 17:4

C'ajomal no'ox laj sbic'tajes sba ta yich'el ta muc' ti Dios yu'un ti stote, ti laj c'otuc ta pasel yu'un ti smantaltaque. Mu ja'uc laj sts'acli ta spasel jech c'u cha'al ta spasic ti jnaclejetic ta Israele.

Job 1:1

Ti ta yosilal jteclum Uze, nacal jun vinic ti sbiinoj Jobe, ti lec stuc'ulanoj sbae. Lec ti xcuxlejale. Jun lequil yajtunel Dios ti xchabioj sbae, ti mu'yuc buch'u oy c'usi chopol ta spasbee.

Job 1:8

Va'i un, xi albat yu'un ti Diose: —¿Mi mu atuc'ulanojuc lec ti cajtunel Jobe? Mu'yuc xa yan jech ta banomil, ti yutsil yo'nton ta xac' sba ta tunel ta jtojole, ti xchabioj sba ta spasel ti c'usi oy yutsile, ti stuc'ulanoj sba leque, ti mu'yuc buch'u oy c'usi chopol ta spasbee.

Salmos 119:6

Yu'un mi ta jch'un ta spasel scotol ti c'usi sc'an ti amantaltaque, mu xc'ot ta jtojol ti nijilun ta xicom ta q'uexlale.

San Lucas 1:7

Ja'uc le'e une, ch'abal ti yalab xnich'nabique, mu sna' x'alaj ti Elisabete, yu'un me'el molic xa.

San Lucas 16:15

Ti Jesuse xi laj yalbee: —Ti vo'oxuque jun xa yutsil ta xapas abaic ta stojol ti buch'uuc no'oxe. Ti Diose yiloj avo'ntonic c'u s'elan. Na'o abaic un, ti c'usi xatoyet xchi'uc ta stojol ti buch'uuc no'oxe, mu lecuc ta xil ti Diose.

San Lucas 2:25

Ti jech sc'ac'alil taje, oy jun vinic ventainbil yu'un ti Ch'ul Espíritu ti nacal ta Jerusalén, ti sbiinoj Simeone, ti oy slequil yutsil ti yich'oj ta muc' ti Diose, xchi'uc ti smalaoj spojel scoltael ti israeletique.

Hechos 2:25

Ti ajvalil Davide xi ono'ox laj yalbe sc'oplal ti Jesuse: ‘Va'al ono'ox ta jtojol laj quil ma' ti Cajvale. Mu'yuc buch'u xistsiq'uesbun co'nton, yu'un va'al ta sts'el jbats'i xocon.

Hechos 23:1

Ti Pabloe laj sq'uel batel ti jchapanvanejetique, xi laj yale: —Jchi'iltac, ti c'usi laj xa jpas talele, mu'yuc jmul xca'i ta stojol ti Diose.

Hechos 24:16

Jech o xal ta xcac'be yipal ta sq'uelel stuc'ulanel jba yo' mu jta jmul ta stojol ti Diose xchi'uc ta stojol ti jnaclejetic ta banomile.

Hechos 8:21

Mi jutebuc c'otem ta aventa ta yich'el. Mu'yuc stuq'uil yutsil avo'nton ta sba ta sat ti Diose.

Romanos 8:4

Jech laj spas un yo' jech xu' cu'untic ta xch'unel ti c'u s'elan ta xal ti oy c'usi tsots sc'oplal albile, yu'un ma'uc xa ta jpas jba ta mantal jtuctic, ja' xa ti c'u s'elan ta xac' ta na'el ti Ch'ul Espíritue.

1 Corintios 11:2

Ximuyubaj xa avu'unic, jchi'iltac, ti mu'yuc ach'ayojicun ta avo'ntonique, ti staoj yav ach'unojic ti c'u s'elan laj jchanubtasoxuque.

2 Corintios 1:12

Oy jun ti ximuyubajcutic xa yu'une, ja' ti ta xac' ta na'el ti jol co'ntoncutic ti laj jchabi jbacutique, ti laj jtuc'ulan jbacutic ti bu li'abtejcutique, xchi'uc ti tsots sc'oplal laj jq'uel jbacutic li' ta atojolique. Ti jech li'abtejcutic taje, ma'uc ta jbijil jtuccutic, yu'un coltabiluncutic ta sventa xc'uxul yo'nton ti Diose.

Deuteronomio 5:33

Ja' tamic ech'el sbelel ti c'u s'elan laj xchanubtasoxuc ti Ajvalil Dios avu'unique yo' jech lec ac'oplalic, ti jal jabil ta xach'i xac'opojic ta banomil ti bu ta xayac'boxuc ti arextoique.

Filipenses 2:15

yo' jech mu xatabat amulic achopolalic, yo' jech bats'i xnich'nabucoxuc Dios ta stojol ti jnaclejetic ta banomil ti mu'yuc xch'ulel xa'i sbaique. Co'oluc a'elanic ta stojol jech c'u cha'al junuc c'anal ti xojobin ta ic'al osile,

Colosenses 1:22

Avi tana une, ch'abal xa amulic ta xayiloxuc ti Diose ta sventa ti laj yich' svocol ta sbec'tal stacopal c'alal cham ta curus ti Cristoe. Jech laj spas ti Diose yo' mu'yuc amulic, yo' oy alequil avutsilic ta xc'ot ava'an abaic ta stojol.

1 Tesalonicenses 3:13

Ti stuque ac'o yac'boxuc yip avo'ntonic yo' mu'yuc c'usi quechel mac avu'unic, yo' mu'yuc amulic ta xc'ot ava'an abaic ta stojol ti Jtotic Dios cu'untique c'alal ta xcha'sut talel ti Cajvaltic Jesucristoe xchi'uc ti yu'untaque.

2 Pedro 3:14

Ti jech yacaloxuc ta smalael taje, jech o xal, Jchi'iltac, ti c'uxoxuc ta co'ntone, lecuc scotol ti c'usitic ta xapasique yo' lamajem avo'ntonic ta xvul staoxuc ti Diose, yo' mu'yuc c'usi quechel mac avu'unic, mi ja'uc acuchoj amulic.

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 2:3

Mi ta jch'unbetic smantal ti Diose, jna'tic lec unbi ti xcojtiquintic leque.

1 Juan 3:7

Jnich'nab, mu me buch'u xaslo'laoxuc. Ti buch'u yacal ta spasel ti c'usi leque, oy slequil stuq'uil, yu'un ti Jesucristoe oy slequil stuq'uil ec.