San Lucas 1:55 - Bible in Tzotzil de Chamula

⁵⁵ Yu'un jech ono'ox laj yal ta stojol ti jtot jme'tique, ta stojol ti Abrahame xchi'uc ti yalab xnich'nab ti ta xvul ta loq'uele.”

Tzotzil Zinacantan

⁵⁵ Iꞌalbat onox ti jmucꞌtatotic Abraame ti ta xcꞌuxubinat ta sbatel osil xchiꞌuc voꞌotic li smomotique, xi la ti Maríae.

LEQUIL ACH' C'OP

⁵⁵ Ja' ono'ox yech albil ti jmuc'tatotic Abraame, ti ta xc'uxubinat ta sbatel osil xchi'uc li smomtaque.» —Xi ti Mariae.

Bible in Tzotzil de Chenalhó with Deuterocanon

⁵⁵ Jech chac c'u cha'al yalojbe ono'ox jmoltotic Abraham ti chc'uxubin xchi'uc smomnich'nabtac ta sbatel osile”, xi li Mariae.

Tzotzil San Andres

⁵⁵ Yuꞌun laj yalbe onoꞌox li jtotic jmeꞌtic Abraham ta voꞌone ti ta scꞌuxubin sbatel osil schiꞌuc li snitilultaque, xi li Maríae.

San Lucas 1:55 Iomraidhean Croise

Génesis 12:3

Ti buch'utic lec ti c'usitic oy ta ye ta sti'ic ta atojole, naca c'uxubinel oy ta que ta jti' ta stojolic ec. Yan ti buch'utic naca chopol ti c'usitic oy ta ye ta sti'ic ta atojole, oy ta que ta jti' ti chopol sc'oplalic cu'un eque. Yu'un ja' ta aventa ta staic c'uxubinel ti lec que jti' ta stojol ta jujuchop scotol ti jnaclejetic ta banomile.”

Génesis 17:19

Xi tac'bat talel yu'un ti Diose: —Ti c'usi laj xa calbote, yu'un ta xc'ot ta pasel. Yu'un ti avajnil Sarae ta xavilbe sat jun aquerem yu'un. Jech ti vo'ote, Isaac, ta xavac'be sbi. Yu'un ja' ta xcom o cu'un ta stojol ti jtratee. Taje, j'ech'el ta xcom o ta stojolic ec ti snitilultaque.

Génesis 17:7

Ti jtrate ti ta jpas ta atojole xchi'uc ta stojol ti anitilultac ti ts'acal to ta xch'i xc'opojic talele, j'ech'el ta xic'ot ta Dios yu'unic, yu'un lic'ot ta Dios avu'un.

Génesis 22:18

Yu'un scotol ti muc'tiquil lumetic oy ta banomile, ta staic xc'uxubinelic ta sventa ti stuquique. Yu'un ti vo'ote laj ach'un ti c'usi laj calbote.”

Génesis 26:4

Yu'un ta xquepajes ta j'ech'el ti anitilultac jech c'u cha'al ti c'analetic ti oy ta vinajele. Ta xcac'beic ti banomil li'e. Ta sventa ti anitilultaque, ta staic c'uxubinel scotol ti muc'tiquil lum ti oy ta banomile.

Génesis 28:14

Jech ti stuquique ta x'epajic jech c'u cha'al spucuquil ti banomile. Ta xtanijic batel ta xchanjechal banomil. Ta aventa vo'ot xchi'uc ti anitilultac eque, ta staic slequilal Dios scotol ti jujuchop jnaclejetic ta sbejel banomile.

San Lucas 1:54

Laj stic' sba ta scolta ti slumal Israele, ti ja' yajtunele. Mu'yuc laj xch'ay ta yo'nton ti c'ux ta xa'ie.

San Lucas 1:56

Joc'tsaj nan oxibuc u ti María ta sna ti Elisabete. Ts'acal to un, sut batel ta sna.