San Lucas 1:32 - Bible in Tzotzil de Chamula

³² Tsots cajal sc'oplal ta xc'ot, ti ta x'albat sc'oplal ti ja' Xnich'on ti cuxul Dios oy ta vinajele. Ta x'ac'bat yabtel ta ajvalilal yu'un ti Ajvalil Diose jech c'u cha'al ech' ti amolmuc'totic David ta vo'nee.

Tzotzil Zinacantan

³² Jaꞌ Xchꞌamal Riox ta vinajel. Jaꞌ chtal tunuc yuꞌun Riox liꞌ ta sba balamile. Jaꞌ ch-och ta pasmantal. Jaꞌ chaspasic ta mantal chac cꞌu chaꞌal ispas ta mantal achiꞌiltac ti amucꞌtatot David ti ta voꞌnee.

LEQUIL ACH' C'OP

³² Ich'bil ta muc' chc'ot, ja' Xch'amal Riox ta vinajel xi sc'oplal, li Riox ti ja' Cajvaltique, ta xac' ochuc ta Reyal, ja' chac c'u cha'al ti amuc'tatotic Davide,

Bible in Tzotzil de Chenalhó with Deuterocanon

³² Ta to x'ich'at ta muc'. Ja' Xnich'on Dios ta vinajel, xi sbi chc'ot. Li Diose ta xac' ochuc ta ajvalilal jech chac c'u cha'al li smoltot David ta vo'onee.

Tzotzil San Andres

³² Ta xꞌichꞌe ta mucꞌ yuꞌun jaꞌ Snichꞌon Dios ta vinajel. Ta xꞌaqꞌue yuꞌun Dios ti ch‐och ta ajvalilale. Jaꞌ chlic spasoxuc ta mantal jech chac cꞌu chaꞌal la spas ta mantal achiꞌiltac ta voꞌone la amoltotic Davide.

Tzotzil de Huixtán

³² Tspasat ti muc' ti avole. Snich'on Dios ti cajal, xchiic ti crixchanoetique. Ti Cajvaltic Diose ja' chac' ochuc ti ajvalil. Ja' tstsacbe comel yabtel ti antiguo statamole, ja' ti Davide.

San Lucas 1:32 Iomraidhean Croise

2 Samuel 7:16

Ti anitilule, ti avabtele, ta j'ech'el mi ja'uc xtub sc'oplal ti chabibil cu'un ta yolon jqueoval caxinale, ti j'ech'el mu xtub sc'oplal xtoc ti laventainvane.’ ”

Salmos 132:11

Ti Diose laj sva'an sba ta yalel strate ta stojol ti Davide, ti xi s'elan ti mu xu' ta sutes yee:

Salmos 132:12

Ti bu apasob mantale, ta xcac' chotiuc ta pas mantal junuc ti anitilultaque. “Mi ta xc'ot ta pasel yu'unic anich'nabtac ti jtratee xchi'uc ti jmantaltac ti ta jchanubtasique, jech ec xquechet ta x'ech'ic ti xnich'nabique, ta xcac' chotiicuc ti bu la'ech' ta pas mantale.”

Isaías 16:5

va'i un, ti jun snitilul ti Davide, ta xlic ochuc ta ajvalilal, ti mu'yuc spajeb stsutseb ta x'och ta ajvalilal ti ayanem ta yutsil slequil o'ntonale. Jun jchapanvanej ti tuc' sjol yo'ntone, ta xlic ta xchapel ti c'usitic oy ta sventa ti jujune, ti ta xc'ot no'ox yorail ti lequil chapanele.

Jeremías 17:25

Mi jech ta xapasic une, va'i unbi, oy ono'ox ajvaliletic ti ta xchotiic ti bu choti ti Davide, ti ta x'ochic talel ta ti'naetic yu'un ti jteclum li'e, xchi'uc ti scarretaique, xchi'uc ti sca'ique, ti chi'inbilic ta xtalic yu'un ti banquilaletic yu'un ti jnaclejetic ta Judae, xchi'uc ti ta jteclum Jerusalene. Ti Jerusalene, oy ono'ox ti jnaclejetic yu'une.

Daniel 2:44

Ti c'u sjalil ta x'ech'ic ta ajvalilal ti ajvaliletic taje, ti Dios ti oy ta vinajele, ta xlic sva'an jun ajvalil ti mu'yuc buch'u xu' ta xliline yu'une. Mi ja'uc ta spase ta canal yu'un junuc ti yan muc' ta lume. Yu'un ti stuque, c'ajomal no'ox ta stsutses ta j'ech'el scotol ti yan ajvaliletique. Sbatel osil cuchem yu'un.

San Mateo 1:1

Ti biiletic li'e, ja' sbitac smolmuc'totac ti Jesucristo ti lic talel ta stojol ti Abrahame, ti c'ot ta stojol ti Davide.

San Mateo 12:42

Ja' jech xtoc ti jun me' ajvalil ti liquem tal ta xocon sloq'ueb c'ac'ale, mu'yuc smul ta x'ilat yu'un Dios c'alal ta sta sc'ac'alil ti chapanele, yu'un ti antse nom ital, tal ya'ibe sbijil ti ajvalil Salomone. Ti vo'oxuc li' ta banomile, ep amulic ta xa'ilatic yu'un ti Diose, ja' ti mu xavich'icun ta muc' ti vu'un tsots cabtel quich'oje, ti ja' mu sta ti ajvalil Salomone.

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Mateo 3:11

Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

Marcos 14:61

Ja'uc ti Jesuse ts'ijil com, mu'yuc laj stac' jbeluc. Jech ti banquilal palee xi lic xcha'jac'be: —¿Mi vo'ot ti Cristoe, Xnich'onot ti ch'ul lequil Diose?

Marcos 5:7

Xi lic yavtae: —Jesús, Xnich'onot Dios ti oy ta cajale, mu xatic' aba ta jtojol. Avocoluc, yu'unuc ti Diose, mu xavac'bun quich' jvocol.

San Lucas 1:15

Yu'un cajal ta xc'ot sc'oplal ti anich'on ta stojol ti Diose. C'alal mu'yuc to ta xvoq'ue, ventainbil ono'ox yu'un ti Ch'ul Espiritue. Mu stac' xuch' ti vinoe, mi ja'uc ti poxe.

San Lucas 1:35

Xi tac'av ti anjele: —Ta xtal ta atojol ti Ch'ul Espiritue. Ta svoliot ta smuc'ul stsatsal ti Dios oy ta vinajele. Jech o xal ti ch'ul olol ta xvoc' ta atojole, ta x'albat sc'oplal ja' Xnich'on ti Diose.

San Lucas 1:76

Ti vo'ote, cuni nich'on, ta xa'albat j'alc'op yu'un Dios ti oy ta toyole. Jba'be ta xabat yu'un ti Cajvaltique. Ta xameltsanbe ti beetic yu'une.

San Lucas 3:16

Ja'uc ti Juane xi laj yalbe ya'i scotolique: —Ta melel, vo' no'ox ta xcac' avich'ic ti vu'une. Ja'uc ti Buch'u ta to xtale, ta xac'boxuc avich'ic ti Ch'ul Espíritu ti co'ol s'elan c'oq'ue. X'ech' to xu' yu'un, ja' mu sta ti vu'une, yu'un mu xic'ot o ta sjitunbel ti yaq'uil xonobe, yu'un mu'yuc jlequilal cutsilal ta stojol.

San Lucas 6:35

Ti vo'oxuque tsots sc'oplal c'uxubinic ti avajcontraique. Pasic ti c'usi leque. Ac'beic xch'amun ti c'usi xtun yu'unique, ti mu amalaojuc xa ta sutesbot talele. Mi jech ta xapasique, ja' jech yepal ta xata ti amotonique xchi'uc c'otemoxuc ta yalab xnich'nab Dios ti oy ta vinajele. Yu'un ti Diose oy yutsil slequil yo'nton ta stojol ti buch'u jsa'muliletique xchi'uc ti buch'u mu xal coliyale.

San Juan 12:34

Xi laj staq'uic ti jnaclejetic ta banomile: —Ta sventa ti oy c'usi tsots albil sc'oplale, oy bu ca'binojcutic ti cuxul sbatel osil ti Cristoe. Mi vo'ot ti Cristoote, ¿c'u cha'al ta xaval ti ta xquich' milel ti vu'un co'ol j'elantique? ¿Buch'uot un cha'e?

San Juan 6:69

Ti vu'uncutique c'ot xa ta co'ntoncutic ta xch'unel. Yu'un laj xa jna'cutic vo'ot ti Cristoe, Xnich'onot ti cuxul Diose.

Hechos 16:17

Ti tseb taje xi x'avet ta xal ti sts'aclioj batel ti Pabloe xchi'uc ti vu'uncutique: —Ti viniquetic le'e, ja' yajtuneltac ti cuxul Dios ti oy ta vinajele, ti ta xalboxuc ava'iic sc'oplal ti pojel colele.

Hechos 2:30

Ti Davide, ja' jun j'alc'op, yu'un laj sna' ti ja' stuc Dios laj sva'an sba ta yalel ti oy jun snitilul ta x'och ta ajvalile.

Hechos 2:36

“Sna'icuc scotol ti jteclum Israele, ti Jesús ti Buch'u laj avaq'uic ta milel ta curuse, ti Diose laj xa sva'an ta Ajvalil ta Jcoltavanej.”

Hechos 7:48

Ti Dios ti oy ta toyol cajale, mu xnaqui ta ch'ulna ti meltsanbil yu'un viniquetique jech c'u cha'al xi laj yal ti jun j'alc'ope:

Romanos 1:4

Vinajesbat sc'oplal yu'un ti Ch'ul Espíritu ti oy smuc'ul stsatsale, ti yich'ojbe stalel ti Diose, ti ja' Xnich'on Dios ta sventa ti cha'cuxie.

Apocalipsis 3:7

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Filadelfiae: “Xi ta xal ti Buch'u stalel oy slequil stuq'uile, ti jbel xc'ot xc'opoje, ti oy ta sc'ob syavi ti ajvalil Davide. Mi laj sjam ti ti'nae, mu'yuc buch'u xmac yu'un. Mi laj smaque, mu'yuc buch'u ta xjam yu'un.