San Lucas 1:22 - Bible in Tzotzil de Chamula

²² Ta sjalil un, loc' talel, mu xa stac' xc'opoj ta stojolic. Va'i un, laj sna'ic ti oy c'usi laj sta ta ilel ta yut ch'ulnae. Ja' no'ox ta spasolan senyail ta sc'ob yu'un pasem xa ta uma' loc' talel.

Tzotzil Zinacantan

²² Ti cꞌalal ilocꞌ tale, umaꞌ xa la. Ta scꞌob xa la iyacꞌ iluc ti cꞌusi ispase. Jaꞌ la iyul o ta sjolic ti oy cꞌusi iꞌacꞌbat yil ta yut templo yuꞌun ti Rioxe.

LEQUIL ACH' C'OP

²² Ti c'alal iloc' tale, mu xa xloc' xc'opoj; ja' iyaq'uic o cuenta ti oy c'usi i'ac'bat yil tey ta ch'ul cuartoe, yu'un naca xa ta senya chac' iluc ti c'usi ta x'albatique ja' to yech icom o ti mu xc'opoje.

Bible in Tzotzil de Chenalhó with Deuterocanon

²² C'alal iloc' tale, mu xa xloc' xc'opoj. Te la sna'ic ti yu'un oy c'usi i'ac'bat yil yu'un Dios ta yut ch'ulnae. Ta sc'ob xa no'ox ta spasbe senyail, yu'un ipas ta uma'.

Tzotzil San Andres

²² Cꞌalal ilocꞌ talel li Zacaríase, mu xa xcꞌopoj, macal xa ye. Jech la snaꞌic o ti oy cꞌusi iꞌacꞌbat yil yuꞌun Dios te ta yut li mucꞌta chꞌulnae. Jaꞌ xa noꞌox la syeꞌulan scꞌob yoꞌ chacꞌ ta ilel li cꞌusi ispase, yuꞌun ipas ta umaꞌ.

Tzotzil de Huixtán

²² C'alal iloc' tal ti Zacaríase, mu xu' tsc'opon ti crixchanoetique. Hech laj sna'ic ti oy c'usi jchop o laj sq'uel te ti yut templo. Ja' no'ox laj yac' señail ti sc'ob ti c'usi ic'ot ti pasel, yu'un uma' ic'ot ti mero melel.

San Lucas 1:22 Iomraidhean Croise

Ezequiel 3:26

Ma'uc no'ox taje, ta spac' sba ta apac'ob cu'un ti avoc' ti uma' ta xac'ot yu'une. Manchuc mi toyobba ti jteclume, laj c'op ma' ti xajajet ta svulele.

San Lucas 1:21

Ti jteclum ti yacal ta smalael c'usi ora ta xloc' talel ti Zacariase, labal ta xa'iic, ta sjac'olanbe sbaic c'u cha'al jalij ti mu xloc' talel ta ch'ulnae.

San Lucas 1:23

C'alal ech' sc'ac'alil c'u sjalil ta xtunilan ta ch'ulna ti Zacariase, bat ta sna.

San Lucas 1:62

Va'i un, ta naca senyail laj spasic ta stojol stot ti olole yo' jech ta sna'ic c'usi ta xac'be sbiin.

San Juan 13:24

Ti Simón Pedroe lic spas senya ti ac'o sjac'be Jesús buch'u sc'oplal ta xalbe taje.

Hechos 12:17

Jech ti Pedroe laj spas senyail ta sc'ob ti ac'o ts'ijlicuque. Lic yal c'u s'elan loq'uese ta chuqinab yu'un ti Diose. Oy to ti xi laj yale: —Albeic ya'i ti Santiagoe xchi'uc ti yan jch'unolajeletic ti va'i s'elan taje. Ts'acal to un, ti Pedroe loc' batel, slecoj bu bat.

Hechos 19:33

Oy jlom laj yalic ac'o sva'an sba ta yalel smelol c'op ti Alejandroe, ta sba ta sat scotolic ti xuje ochel yu'un ti israeletique. Ti Alejandroe lic sva'an sc'ob ta spajtsanel ti jnaclejetique, ta spacbel sc'oplal ti israeletic ti oyic ta jteclume.

Hechos 21:40

Ti jpas-mantal yu'un soldadoe laj yac' ye sti' c'opojuc ti Pabloe. Ti stuque laj sva'an sba ta scojol cojol tec'obal. Laj sva'an sc'ob ta yaq'uel senyail ti ts'ijlicuc ti jnaclejetique. C'alal ts'ijiique, xi laj yal ta hebreo c'ope: