San Lucas 1:2 - Bible in Tzotzil de Chamula

² Laj xchanubtasotic ti buch'utic laj yilic ta sliquebale, ja' ti buch'utic laj scolta sbaic ta xcholel ta yalel ti lequil c'op a'yeje.

LEQUIL ACH' C'OP

² ja' ti c'u x'elan li yalboticotic ti much'utic ta sliquebal ono'ox iyil ta sat stuquique, xchi'uc ti ta tsacal to i'albatic ti ac'u yalic a'yuc ti c'usitic iyal ti Cajvaltic Jesucristoe.

Bible in Tzotzil de Chenalhó with Deuterocanon

² Jech chac c'u cha'al laj yalbun ca'icutic li boch'otic laj yilic lec ta satic ta sliquebale, ja' li boch'otic laj yich' yabtelic ta xcholbel sc'ope.

San Lucas 1:2 Iomraidhean Croise

Marcos 1:1

Sc'oplal sliquebal ti lequil c'op yu'un ti Jesucristo Xnich'on ti Diose.

Marcos 16:20

Jech ti stuquique loq'uic batel ta yalel ta scotol banomil ti lequil ach' c'op ti ja' sventa colele. Ti jchanc'opetique chi'inbilic yu'un Jesús yo' ta xvinaj ti oy c'usi ta spasic ti ch'ayal ta xc'ot o'ntonal yu'unique. Jechuc.

Marcos 4:14

Ti buch'u ta sts'une co'ol jech c'u cha'al ti buch'u ta xal ti lequil ach' c'ope.

San Lucas 24:48

Rexticooxuc ti jech c'ot xa ta pasele.

San Juan 15:27

Ta xavalbeicun jc'oplal ec un, yu'un ta sliquebal ono'ox laj achi'inicun talel.

San Juan 16:4

Jech ta xcalboxuc ava'iic yo' xavules ta ajolic ti c'alal ta sta yoraile, ti jech ono'ox laj calboxuc ava'iique. “Ti ta sliquebale, mu'yuc laj calboxuc ava'iic ti ta xavich'ic ilbajinele, yu'un li' to jchi'inojoxuque.

Hechos 1:3

Ti jech x'ech' xnel xa svocol ti Jesuse, laj yac' sba iluc ta stojol ti yajcholc'optaque, laj yac' sba iluc ti cuxule. Cha'vinic (40) c'ac'al laj yac' sba iluc ta stojolic xchi'uc laj yalilanbe sc'oplal ti ventainel yu'un ti Diose.

Hechos 1:8

Ja'uc ti c'alal ta xavich'ic ti Ch'ul Espiritue, ta xac'boxuc atsatsalic avipic yo' jech ta xaloq'uic batel ta yalel ti jc'oplale. Ta xlic avalic liquel li' ta Jerusalene, ta sjunul slumal ti Judeae, ta sjunul slumal ti Samariae, ta sjoylej ti banomile.

Hechos 14:25

Laj yalic ti lequil ach' c'op ta Perge jteclume. Batic c'alal to Atalia jteclum.

Hechos 16:6

Ti Ch'ul Espiritue mu'yuc xac' ochuc batel ti Pablo ti Silase ta yalel ti lequil ach' c'op ta Asia banomile. Jech o xal jelavel ijelavic ta Frigia, ta Galacia banomil.

Hechos 17:11

Ti israeletic teye ja' lec yo'ntonic, ja' mu sta ti oyic ta Tesalónicae, yu'un ta yutsil yo'ntonic laj yich'ic ta muc' ti lequil ach' c'ope. Yu'un jujun c'ac'al ta sq'uelic ta sc'op Dios yo' ta sna'ic mi melel ti c'usi ta x'albatique.

Hechos 26:16

Ja'uc le'e, lican, va'lan, ti jech laj cac' jba iluc ta atojole, yu'un ta xatun cu'un yo' rextico ta xac'ot ti c'usi laj avil li'e, xchi'uc ti c'usi ta to xavil batele.

Hechos 4:20

Ti vu'uncutique mi ja'uc xquicta jbacutic ta yalel ma' ti c'usi quilojcutique, ti c'usi ca'yiojcutique.

Hechos 8:4

Ti buch'utic loq'uic ech'el ta Jerusalene, ti buyuc no'ox ta xanavique, ta xalic ti lequil ach' c'op sc'oplal ti colebale.

Romanos 15:16

Vu'un yajtunelun ti Jesucristo ta sventa slequilal yutsilalic ti jyanlumetique. Ja' cabtelinoj ta yalel ti lequil ach' c'op yu'un ti Dios ta sventa ti c'otuc ta pasel ta stojol ti jyanlumetic ti junuc yutsil c'otuc sva'an sbaic ta stojole, ti ventainbiluc yu'un ti Ch'ul Espíritue.

1 Corintios 4:1

Bisuncutic no'ox ta yajcoltaobba Cristo, ti oy ta jventacutic ta yalel ti c'usi mucul to ox snopoj ti Diose.

Hebreos 2:3

¿C'usi xa ono'ox ta xcutic yo' ta jpoj jbatic un cha'e mi mu jtuc'ulantic lec ti muc'ul coltaele? Yu'un ja' laj yal ba'yel stuc ti Cajvaltic sc'oplal ti pojel colele. Lic yalbotic ec ti buch'utic laj ya'iic ba'yel ti sc'oplale.

1 Pedro 5:1

Ti jech quich'oj cabtel ta sbainel ti jch'unolajeletique, xchi'uc ti rexticoun ti c'u s'elan laj yich' svocol ti Cristoe, xchi'uc ti oy ta jventa ta yich'el ti slequil ti c'alal ta xvul ta loq'uele, xi ta jbijubtas ti jchi'iltac ti buch'utic co'ol quich'oj cabtelcutic ta sbainel ti jch'unolajeletic ti oy ta tsobobbail avu'unique:

2 Pedro 1:16

Ti laj calcutic ava'iic ti ta xtal xchi'uc smuc'ul stsatsal ti Cajvaltic Jesucristoe, mu jeche'uc no'ox lo'il ti nopbile. Yu'un laj quilcutic ta jba ta jsatcutic yutsilal slequilal ti Cajvaltique.