San Lucas 1:16 - Bible in Tzotzil de Chamula

¹⁶ Ta sventa ti stuque, yepal israeletic ta sutic talel ta stojol ti Ajvalil Dios yu'unique.

Tzotzil Zinacantan

¹⁶ Ep achiꞌiltac ta israelal ta xictaic spasel li cꞌusitic chopole ti cꞌalal xꞌalbatic yuꞌun ti Juane, jaꞌ chichꞌic ta mucꞌ li Rioxe.

LEQUIL ACH' C'OP

¹⁶ Ja' ta scuenta ti ep achi'iltac ta israelal ta sutes yo'onic ta stojol ti Rioxe.

Bible in Tzotzil de Chenalhó with Deuterocanon

¹⁶ Ja' ta sventa ta xlic sutes yo'ntonic ta stojol Dios ep achi'iltac li' ta Israel.

Tzotzil San Andres

¹⁶ Oy ep achiꞌiltac ta israelal ta xictaic smulic ta sventa li Juane, jaꞌ ta xacꞌ sbaic ta scꞌob li Diose.

Tzotzil de Huixtán

¹⁶ Ep tsutesbat yo'ntonic yu'un ti Juane ti achi'iltaque, ho'oxuc ti yelnich'onoxuc ti Israele. Tsutesbat yo'ntonic ti stojol ti Cajvaltic Diose, ja' ti Dios cu'untique.

San Lucas 1:16 Iomraidhean Croise

Isaías 49:6

Ti Diose xi no'ox lic yalbune: “Ma'uc no'ox ma' ti cajtunelot ta stamel liquel snitilultac ti Jacobe, ti ta sutic talel ta jtojol avu'un ti c'u yepal c'uxul to ti Israele. Ja' jech xtoc ta xac'ot cu'un ta saquilal osil yu'un ti muc'tiquil lumetique, yo' jech ta xavich' batel scoltaelic cu'un ti buch'utic oyic ta namal banomile.”

Daniel 12:3

Ti bijil viniquetic ti ep cuch yu'unic ta stojobtasel batel ta lequil be ti yane, xlaplun no'ox yutsilic ta q'uelel jech c'u cha'al ti yaxts'ijan vinajele. Sbatel osil xojobinic no'ox jech c'u cha'al ti c'analetique.

Malaquías 3:1

Ti Dios ti scotol xu' yu'une xi ta xale: “Ta jtac jelavel talel ti caj'al-mantal j'ich'-c'ope yo' jech ta xchapanbun ti jbee. Ti Dios taje, ja' ti Buch'u yacal ta xasa'ilanique. Mu xa jaluc sc'an ti ta x'och ta xch'ulnae. Ta xvul xa ta loq'uel ti j'al-mantal j'ich-c'op yu'un ti trate ti oy ta avo'ntonic amalaojique.”

San Mateo 21:32

Ti Juan j'ac'-ich'-vo'e tal xchanubtasoxuc c'u s'elan ta pasel yo' lec oyoxuc. Ti vo'oxuc une mu'yuc laj ach'unic. Ja'uc ti jc'an-patan-taq'uinetique xchi'uc ti antsetic sna' sbolomalin sbaique, laj yich'ic ta muc'. Manchuc mi jech laj avilic un, mu'yuc bu laj ava'i abaic yo' ta xavich'ic ta muc'.

San Lucas 1:76

Ti vo'ote, cuni nich'on, ta xa'albat j'alc'op yu'un Dios ti oy ta toyole. Jba'be ta xabat yu'un ti Cajvaltique. Ta xameltsanbe ti beetic yu'une.

San Lucas 3:3

Ti Juane ech' ta sjunul ti' uc'um Jordán bu oy ti jnaclejetique, ta yalbel ya'iic ti suticuc talel ta stojol ti Diose, xchi'uc ti yich'icuc vo' yo' ta xch'aybat smulic yu'un ti Diose.