Levítico 9:7 - Bible in Tzotzil de Chamula

⁷ Laj taj une, ti Moisese xi laj yalbe ti Aarone: “Nopajan batel ta sts'el ti altare. Ac'o ti c'usi ta xich' milel ta scoj ti mulile, ja' ti chon bolom ti ta xavac' ta chiq'uel ta sventa ti xch'ayobil ti amule, xchi'uc sventa xch'ayobil smulic ti israeletique. Chapano xtoc ta yaq'uel ti matanal sventa xch'ayobil smulic ti israeletique jech c'u cha'al yaloj mantal ti Diose.”

Bible in Tzotzil de Chenalhó with Deuterocanon

⁷ Li Moisese jech laj yalbe li Aarone: “Nopajan batel ta sts'el li scajleb smoton Diose. Milbo smoton Dios ta sventa li mulile, xchi'uc li yan jcot tsc'an chachic' sventa chach'aybat amule xchi'uc sventa chch'aybat smulic li jchi'iltactic ta israelale. Ac'o ta stojol Muc'ul Dios noxtoc li matanal sventa chch'aybat smulic jech chac c'u cha'al yaloj ono'ox Muc'ul Diose”, xut.

Levítico 9:7 Iomraidhean Croise

Levítico 16:11

“Jech ti Aarone ta xlic yac' ti ch'iom tot vacax ti ta xich' svocol yu'un ti smul stuque yo' jech ta sta ti ch'aybil ta xc'ot ti smul stuque, xchi'uc ti c'u yepal oy ta snae.

Levítico 16:24

Ti bu ono'ox oy ti ta Bats'i Cuxul Ch'ul Cuartoe, ta spoc sba ta vo'. Mi laj taj une, ta xlic slap ti sc'u'e. Ta xloc' talel un yo' jech ta xchic' ti c'usi ta xac' ta sventa ti stuque, xchi'uc ti c'usi tsots sc'oplal ta xaq'uic ta chiq'uel ti jteclume. Ja' to jech ta stabe talel ti ch'aybil ta xc'ot ti smul stuque xchi'uc smul ti jteclume.

Levítico 16:6

Va'i un, ti Aarone ta xlic yac' ti ch'iom tot vacax ti ta xich' svocol ta scoj ti smul stuque yo' jech ta sta ti ch'aybil ta xc'ot ti smul stuque, xchi'uc ti c'u yepal oyic ta na yu'une.

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 8:34

Yo' jech ta xich' tael ti ch'aybil ta xc'ot ti amulique, ti Diose laj yalbun mantal ti jech me ta xich' pasel o jech c'u cha'al laj yich' pasel avie.

Levítico 9:2

Xi laj yalbe ya'i ti Aarone: “Tsaco talel jcotuc ti ch'iom tot vacax ti ta xich' milel ta scoj ti mulile, xchi'uc jcotuc tot chij ti mu'yuc jutebuc ti xchopolile, ti ta xich' aq'uel ta chiq'uele, ti ta xich' aq'uel xtoc ta stojol ti Diose.

Hebreos 5:1

Ti jujun banquilal pale ti ta x'ech'ique, t'ujbilic loq'uel ta stojol ti viniquetique, ti va'anbilic ta j'et'esej-c'op yu'un ti jnaclejetic ta banomil ta stojol ti Diose, ti c'otem ta sbaic ta sjelubtasel ti matanale, xchi'uc ti c'usitic ta xich' milel sventa stojol ti smulique.

Hebreos 5:3

Ta scoj ti jech oy svocol yu'un ti sbec'tal stacopale, jech o xal un, tsots sc'oplal ta xac' stojol smul ta stojol ti Diose jech c'u cha'al ta xet'esbe stojol smulic ti jnaclejetique.

Hebreos 9:7

Ti ta xcha'c'olale, ja' no'ox ta x'och batel jcoj ta jabil ti banquilal palee. C'alal ta x'och batele, tsots sc'oplal ta xich' ochel xch'ich'el chon bolometic ti ta xac' ta sventa stojol smul ti stuque, xchi'uc stojol smulic ti jteclum ti bu mu'yuc laj ya'iic laj sta ti smulique.

1 Samuel 3:14

Ja' yu'un un, laj xa jva'an jba ta yalbel ta jamal ta scontrainel ti mu lecuc ta xquil xnich'nab ti Elie. Mi ja'uc ti milbil matanale, mi ja'uc ti yan matanal ta xtub ti smulic ti c'usi chopol laj spasique.