Levítico 9:3 - Bible in Tzotzil de Chamula

³ Yan ti israeletique, albo ya'iic ti ac'o stsaquic talel jcotuc tot tentsun ti ta xich' svocol ta milel ta scoj ti mulile, jcotuc tot vacax xchi'uc jcotuc tot chij ti jun to jabil yich'oje, ti mu'yuc jutebuc ti xchopolile yo' jech ta xich' aq'uel ta chiq'uele.

Bible in Tzotzil de Chenalhó with Deuterocanon

³ Albo ya'yic li jchi'iltactique, ac'o yiq'uic tal jcotuc tentsun; ja' matanal sventa mulil. Xchi'uc ac'o yiq'uic tal jcotuc ch'ium vacax, xchi'uc jcot ch'ium chij ti jun to jabil svoq'uel, ti bu ven leque yu'un ja' ta jchic'betic sventa smoton Dios.

Levítico 9:3 Iomraidhean Croise

Génesis 37:31

Jech ti yane laj stsacbeic sc'u' ti Josee. Lic sbonbeic ta xch'ich'el tentsun ti laj smilique.

Esdras 10:19

Taje, laj yalic ta jamal ti ta slequil-taquic batel ti yajnilique. Laj yaq'uic jcot chij ta sventa matanal ta scoj ti smulique.

Esdras 6:17

Ti yorail taje, laj yaq'uic milbil matanal vo'vinic (100) ta cot ch'in tot vacaxetic, lajunvinic (200) ta cot chijetic, xchi'uc chanib ciento (400) ta cot ch'iom tot chijetic. Ma'uc no'ox taje, laj to yaq'uic lajcha'cot (12) tentsun, jujucot yu'unic ti jujuvoc' snitilultac ti israeletique, ti c'ot ta stojol mulil yu'un sjunul ti Israele.

Éxodo 12:5

Jech ti chon bolometic ti ta xamilique, sc'an ti jun to no'ox jabil yich'oje, ti mu'yuc jutebuc xchopolile, ti mu'yuc xchamele. Xu' ta chij, mi ta tentsun, ipaluc ti mi ja' yuni tote.

Isaías 53:10

Ti Diose laj slamanbe ta sba ta yich'el ti vocole. Ti jech loc' ayan ta yo'nton ti c'ot ta matanal ta scoj ti mulile, ta sta ti mu'yuc spajeb ti xch'iel sc'opojele, ja' jech ta xilic ec ti snitilultac ta sventa ti stuque. Mu xch'ay ta be sc'oplal ti c'u s'elan chapanbil yu'un Dios ta stojolique.

Levítico 10:16

Va'i un, ti Moisese laj sjac'be sc'oplal ti jcot tot tentsun ti ta xich' svocol ta scoj ti mulile. C'u la chaval un, chic'bil xa c'ot sta. Jech o xal un, soc sjol ta stojol ti Eleazare xchi'uc ti Itamare, ti c'ajomal xa chib xnich'on ti Aarón comique, ti xi laj yalbe xtoque:

Levítico 12:6

“C'alal ta sta sc'ac'alil ti c'u sjalil ta xchabi sbae, c'usiuc no'ox ololal, mi querem, mi tseb, jech ti me'ile, ac'o yic' batel jcotuc tot chij ti yich'oj jun jabil ta ochebal sti' ti Axibalna ti bu nupel ta bee yo' jech ta xich' chiq'uel. Jech xtoc, ac'o yic' batel jcotuc paloma, mi mo'oje, ja'uc jc'otuc tortola ti ta xich' svocol ta sventa xch'ayobil ti mulil colo'ile ti ta xac'be ta yoc ta sc'ob ti palee.

Levítico 14:10

Ta xvaxaquibal c'ac'al un, ta xich' talel cha'cotuc chij ti mu'yuc jutebuc xchopolile, xchi'uc jcotuc ch'in me' chij ti mu'yuc jutebuc xchopolil ti ja' yich'oj jun jabile. Ta xich' talel xtoc o'lol yucubal kilo lequil t'ujbil harina ti vots'bil ta aceitee, xchi'uc jch'ac ta oxch'ac ti jun litro aceitee.

Levítico 16:15

Mi laj taj xtoc une, ta smil ti tentsun ti ta xich' svocol ta scoj smulic ti jteclume. Ta xich'be ochel xch'ich'el ta spat ti bu lich'il ti muc' ta poq'ue. Ti ta yut une, ta svij ta sba ta yeloval smac sti' ti caxae jech c'u cha'al laj spas xchi'uc xch'ich'el ti ch'iom tot vacaxe.

Levítico 16:5

“Ti c'u yepal ti israeletique ta xac'beic cha'cotuc tot tentsun ti Aarone, ti ta xich' svocol ta scoj ti mulile, xchi'uc jcot tot chij ti ta xich' chiq'uele.

Levítico 23:12

Ti sc'ac'alil ti ta xich' aq'uel ti jchuc ts'unubile, ja' o ta xac' xtoc jcot chij ti yich'oj jun jabile, ti mu'yuc xchopolile, ti ta xich' chiq'uel sventa yich'el ta muc' ti Diose.

Levítico 4:23

C'alal ta xil ti ja' mulil ti c'usi laj spase, tsots sc'oplal ac'o yic' batel ta matanal jcotuc tot tentsun ti mu'yuc jutebuc ti xchopolile.

Levítico 4:3

“Mi ja' laj sta smul ti banquilal palee, ti ta sta ta maquiel yu'un ti jteclume, tsots sc'oplal ta xac' ta stojol Dios jcotuc ch'iom tot vacax ti mu'yuc jutebuc xchopolile, ti ta xich' milel ta scoj ti smul ti laj stae.

Levítico 9:2

Xi laj yalbe ya'i ti Aarone: “Tsaco talel jcotuc ti ch'iom tot vacax ti ta xich' milel ta scoj ti mulile, xchi'uc jcotuc tot chij ti mu'yuc jutebuc ti xchopolile, ti ta xich' aq'uel ta chiq'uele, ti ta xich' aq'uel xtoc ta stojol ti Diose.

Levítico 9:4

Jech xtoc, ac'o stsaquic talel jcotuc tot vacax xchi'uc jcotuc tot chij yo' jech ta xich' milel ta stojol ti Diose, ti ta xich' aq'uel ta sventa ti lajesobil o'ntonale. Ac'o yich'ic talel xtoc matanal juch'bil sat ts'unubaletic ti vots'bil ta aceitee, yu'un ti Diose ta xac' sba iluc ta jtojoltic ti c'ac'al avi tana li'e.”

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

Apocalipsis 5:9

Xi s'elan lic sq'uejintaic jun ach' q'uejimol: “Vo'ot ac'otebal o xu' avu'un xajam ti balbil vune, xchi'uc stotsel loq'uel ti seyoale, yu'un laj avich' avocol ta milel, yu'un laj amanuncutic ta ach'ul ch'ich'el yo' licomcutic ta yu'un ti Diose, ti oyuncutic ta jujun lume, ti jujuchop ti jc'opcutique, ti jujun muc'tiquil lume, ti oyuncutic ta sjoylej banomile.