Levítico 8:9 - Bible in Tzotzil de Chamula

⁹ Laj xtoc un, laj sts'otbe ta sjol ti ts'ot jolile. Ti ta yeloval sbae, laj xnoch'anbe ti jayal pech-pech oro ti ta xac' ta na'el ti yich'oj xa yabtel ta paleale co'ol s'elan jech c'u cha'al yaloj mantal ti Diose.

Bible in Tzotzil de Chenalhó with Deuterocanon

⁹ Lic yac'be noxtoc li xpix sjole. Ta yeloval xpix sjol ta stuq'uil sti'bae te la spac' noxtoc li biq'uit pech'pech' taq'uin pasbil ta c'anal taq'uin ti lec c'upil sba sventa voc'bil o ta paleal jech chac c'u cha'al albil yu'un Muc'ul Dios li Moisese.

Levítico 8:9 Iomraidhean Croise

Éxodo 28:4

Ti c'u'iletic ti sc'an ta xich' meltsanele, xi s'elane: Ti uile, ti jayal saquil c'u'ile, ti mochibal poq'ue, ti luchbil loin c'u'ile, ti saquil poc' ts'otobil jolale, xchi'uc ti chuquile. Ja' jech ta xich' chapanel c'u'il sventa tunel yu'un ti achi'il ta voq'uel Aarone, xchi'uc ti xnich'nabe, yo' jech ta x'abtejic ta tunel ta cajpaletac.

Éxodo 29:6

Ts'otbo ta sjol ti ts'ot jolile. Ta sba ti ts'ot jolile, noch'anbo ti pech-pech taq'uin ti bu ta xal ti c'otem ta palee.

Éxodo 40:16

Jech laj spas scotol ti Moisés jech c'u cha'al albat mantal yu'un ti Diose.

Levítico 8:21

Laj taj une, laj sapbe ta vo' ti sbiquile xchi'uc yo' ti chije. Laj xchic' scotol ta altar ti ja' ti xchic'obil matanale, ti jun yutsil smuil ta xich' ac'bel ti Diose jech c'u cha'al yaloj mantal ti Diose.

Levítico 8:36

Jech ti Aarone xchi'uc ti xnich'nabe, ja' jech laj spasic scotol jech c'u cha'al yaloj mantal ti Dios ta sventa ti Moisese.

Zacarías 3:5

Laj taj xtoc une, laj yalbe mantal ti yajcoltaobbataque, ti ac'o yac'beic lequil poc' sts'ot sjol ti Josuee. Jech ti stuquic une laj sts'otbeic ti sts'ot sjole. Laj taj xtoc une, laj yac'beic slap ti pasob-q'uin c'u'ile. Jech ti ánjel eque, ch'an xi va'al o ta sts'el.