Levítico 8:8 - Bible in Tzotzil de Chamula

⁸ Laj taj une, laj yac'be yuin ti uile. Ti ta uile, laj stic' ti Urime xchi'uc ti Tumime.

Bible in Tzotzil de Chenalhó with Deuterocanon

⁸ Ja'o la snaban ta sba mocan c'u'il li vorxa poq'ue; te la stic' ochel li Urim xchi'uc li Tumime.

Levítico 8:8 Iomraidhean Croise

Esdras 2:63

Ma'uc no'ox taj une, laj yal mantal ti ajvalile ti mu xu' ta slajesic ti c'usitic ac'bil xa ta ventainele mi mu'yuc to ta st'un ti pale ta sventa ti Urime ti Tumime.

Nehemías 7:65

Ma'uc no'ox taje, laj yal mantal ti ajvalile mu xu' ta slajesic ti ve'liletic ti c'otem ta ventainele, ja' to ti mi c'ot ta nopel yu'un junuc pale ta xq'uelbat yorail ta sventa ti Urime xchi'uc ti Tumime.

Éxodo 29:1

“Yo' jech ta xava'an ta yich'el yabtel ti cajpaletaque, xi s'elan ta xapas ta stojolic jech c'u cha'al li'e: ic'o talel jcotuc ch'iom tot vacax, xchi'uc cha'cot tot chij ti mu'yuc jutebuc xchopolile.

Cantares 8:6

Na'un ta avo'nton un, sbelucun avoc ac'ob. Ti mu tuch'baj ta o'ntonal ta xca'i jbatique, mu xtub ta be jech c'u cha'al ta xch'acvan ti chamel lajele. Ti vocolal yu'un ti sc'upijele, ta x'ic'van ta j'ech'el jech c'u cha'al ti muquinale. Yip ti mu tuch'baj ta o'ntonal xca'i jbatique, ja' jun ch'ul c'oc' ti natic no'ox sleb ta j'ech'ele.

Isaías 59:17

Co'ol s'elan macobbail sloinoj c'ot ti cuchem yu'une. Co'ol s'elan bin jolal slapoj c'ot ti colebale. Co'ol s'elan loin c'u'il slapoj c'ot ti jbel xal ta tsalvaneje. Co'ol s'elan jilich' poc' laj svol sba ti sc'ac'al yo'nton xchi'uque.

Números 27:21

Ja'uc le' une, ti Josuee tsots sc'oplal ta sjac'be ti pale Eleazar ti c'usi sc'an pasele. Ja'uc ti palee ta st'un ta sventa ti Urim ti c'usi sc'an pasele. Scotol ti c'usitic xu' ta spasic ti israeletique, ja' ta x'albatic mantal yu'un ti Josuee.

Efesios 6:14

Jechuc chaplanic jech c'u cha'al soldado ti yich'oj lec yip ti lec chucul ta xch'ut ti xchuque. Jechucoxuc ec un ti ja'uc c'otemuc ta apojobbailic ti c'usi melele, ti oy slequil yutsil avo'ntonique.

Deuteronomio 33:8

Ta sventa sc'oplal ti Levie, xi albate: “Ja' avu'untac, Ch'ul Dios, ti buch'u yich'oj ti Tumime ti Urime. Ja' avu'untac ti vinic ti buch'u jun yo'nton ta atojole, ti laj aq'uelbe yo'nton ta Masae, ti laj avul abaic xchi'uc ta vo' ti oy ta Meribae,

1 Tesalonicenses 5:8

Yu'un ti vo'otique oyotic xa ta saquilal osile, cuxuluc lec ti co'ntontique. Ja'uc me c'otemuc ta jpojobbailtic ti c'otem ta co'ntontic ta xch'unel ti Cajvaltique, ti oyuc ti syail xc'uxul o'ntonale, ti c'otemuc ta jpojobbailtic ti jmalatic ti jbel sc'oplal ta xijcole jech c'u cha'al ti soldado lec smacoj sti' yo'nton sjol yu'un ti smacobbaile.

1 Samuel 2:28

Ti ta scotol ti jaychop snitilultac ti Israele, laj jt'ujoxuc loq'uel yo' ta xacomic ta cajpaletac, yo' jech ta xavac'beicun chic'bil matanal ta caltar xchi'uc ta xachic'beicun pom, ti alapojic ochel ti luchbil jayal saquil c'u'il ta jtojole. Ma'uc no'ox taje, laj cac' que ta stunesel ti amolmuc'totic scotol ti matanaletic ta xchiq'uic ti israeletic sventa quich'el ta muc' ti vu'un Diosune.

1 Samuel 28:6

Va'i un, lic sjac'be Dios ti c'usi xu' ta spase. C'u stu un, mu'yuc c'usi xtac'bat yu'un ti Diose, mi ja'uc ta vaichil, mi ja'uc ta sventa ti Urime, mi ja'uc ta sventa ti j'alc'opetique.