Levítico 8:6 - Bible in Tzotzil de Chamula

⁶ Laj taj une, jech ti Moisese laj snopajes talel ta sts'el ti Aarone xchi'uc ti xnich'nabe, laj yatintas.

Bible in Tzotzil de Chenalhó with Deuterocanon

⁶ Li Moisese lic yic' ta stojol li Aarón xchi'uc xnich'nabe. Laj yatintasan.

Levítico 8:6 Iomraidhean Croise

Salmos 26:6

Pocbil xa c'otem ti jc'ob une, mu'yuc xa jmul jcolo'; jc'an xa ca'i xinopaj ta sts'el ti avaltare, Cajval.

Salmos 51:2

Meso tuso loq'uel ti jchopolale. Meso tuso loq'uel ti mulil oy ta jtojolale.

Salmos 51:7

Mesun tusun ta hisopo te', mesbil ta xic'ot unbi; pocun un, x'ech'uc to sac lapanel ta xicom jech c'u cha'al ti bote.

Éxodo 29:4

Ts'acal to un, ti Aarone xchi'uc ti xnich'nabe, ic'o talel ta sti'il ochebal Axibalna ti bu nupel ta bee, ac'o atinicuc avu'un.

Éxodo 30:19

Jech ti Aarone xchi'uc ti xnich'nabe tey ta spulic loq'uel ti vo'e yo' jech ta spoc ti sc'obique, ti yacanique.

Éxodo 30:20

Yu'un pocbil lec yoc sc'obic ta x'ochic batel ta Axibalna ti bu nupel ta bee, xchi'uc ti c'alal ta xnopajic batel ta sts'el altar ti ta xtunic ta yaq'uel xchic'bel smoton ti Diose. Ja' jech mu xchamic.

Éxodo 40:12

“Ta ts'acal to un, ic'o batel ti Aarón xchi'uc ti xnich'nab ta sts'el sti' ti Axibalna ti bu nupel ta bee. Ac'o atinicuc avu'un.

Isaías 1:16

Poco, tuso abaic. Tenic jipic loq'uel ta jba ta jsat ti achopolalique. Ictao abaic ta spasel ti chopole.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Levítico 16:4

Tsots sc'oplal ac'o slap ti tunco saquil c'u'il sventa abtelale, ti com-com saquil vexile, ti chuquile, xchi'uc ti saquil ts'ot jolile. Taje, ja' ti ch'ul c'u'il sventa abtelale. Ja' yu'un un, ti c'alal mu to ta slape, tsots sc'oplal ac'o spoc sba ta vo'.

Levítico 8:5

Ja' yu'un un, ti Moisese xi laj yalbe ti israeletique: “Ti vi s'elan le'e, ja' yaloj mantal ti Dios ti jech ac'o yich' pasele.”

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Efesios 5:26

Jech laj spas ti Cristoe yo' jech ta xc'otic ta yu'untac Dios c'alal pocbil tusbil c'otic yu'un ti sc'ope.

Hebreos 10:22

Jech o xal un, sjunuluc co'ntontic nopajcutic batel ta stojol ti Diose, ti j'ech'eluc ta jch'untic oe, ti pocbil xa c'ot ti c'usitic chopol laj snop ti jol co'ntontique, xchi'uc pocbil xa ta ch'ul vo' ti jbec'tal jtacopaltique.

Hebreos 9:10

Yu'un spat xocon no'ox, naca sc'oplal ve'liletic, uch'bolaletic, xchi'uc c'u s'elan ta stus ta spoc sbaic. Yu'un naca mantal ti ja' no'ox itun ti c'u sjalil mu'yuc to ta xc'ot ta jelel yu'un ti Diose.

Apocalipsis 7:14

—Yojtot, xana' atuc bu talemic —xcut. Xi laj stac'bune: —Le'e, ja'ic ti buch'utic cuch yu'un ti tsots svocolique, yu'un laj yaq'uic ta chuq'uel ti sc'u'ique, xchi'uc laj yaq'uic ta sacubtasel ta sventa xch'ich'el ti jcot ta Uni Chije.