Levítico 8:4 - Bible in Tzotzil de Chamula

⁴ Jech ti Moisese jech laj spas jech c'u cha'al albat yu'un ti Diose. Laj stsob sbaic ti israeletic ta ochebal sti' ti Axibalna ti bu nupel ta bee.

Bible in Tzotzil de Chenalhó with Deuterocanon

⁴ Li Moisese la spas jech chac c'u cha'al i'albat yu'un li Muc'ul Diose. La stsob tal te ta ti'ch'ulna pasbil ta nucul scotol li xchi'iltac ta israelale.

Levítico 8:4 Iomraidhean Croise

Éxodo 39:1

Ti jalbil c'u'il sventa ta xtun ta Axibalnae, meltsano ta ic'-ic' losantic tsajal poc', ta yax'elan yaxal poc', xchi'uc ta tsajal poc'. Ja' jech ta xich' meltsanel xtoc ti tunelal c'u'il ta sventa ti Aarone jech c'u cha'al albat mantal ti Moisés yu'un ti Diose.

Éxodo 39:21

Ts'acal to un, ta slot ta jmoj ti xot-xot oro yu'un ti uile xchi'uc ti xot-xot oro yu'un ti jayal saquil c'u'ile, ti ta slotic xchi'uc ti ic'-ic'-losantic sba tsajal no ti ta xac'beic yaq'uiline, yo' jech ti uile joc'ol ta xc'ot ta yac'ol chuquil yu'un ti jayal saquil c'u'ile, yo' jech jmoj tsacal. Jech ta spas jech c'u cha'al albat mantal ti Moisés yu'un ti Diose.

Éxodo 39:26

Yu'un xi s'elan ti mochibal c'u'il sventa ti jtunele: Capbil ta xich' cholel batel, jun campana, jbej granada, yu'un jelolanbil ta smeltsanic batel jech c'u cha'al albat mantal ti Moisés yu'un ti Diose.

Éxodo 39:29

Ti chuquil xtoque, ta xich' meltsanel ta ts'otbil sat saquil poc', ta ic'-ic' losantic sba tsajal poc', ta yax'elan yaxal poc', ta tsajal poc ti ta xich' nichimtasel ta luchel jech c'u cha'al albat mantal ti Moisés yu'un ti Diose.

Éxodo 39:5

Ti chuquil ti ja' stsinobil ti jayal saquil c'u'ile, xi s'elan ta xich' meltsanele: ta xich' oro, ic'-ic' losantic poc', yax'elan yaxal poc', tsajal poc', saquil poc' ti polajtic sts'otbenale. Yu'un ja' jech ta xich' meltsanel jech c'u cha'al albil mantal yu'un Dios ti Moisese.

Éxodo 39:7

Ts'acal to un, ti Bezaleele ta xnoch'anan ta stimtac ti saquil c'u'ile yo' jech vulesbil ta o'ntonal xnich'nabtac ti Israele. Yu'un jech ta xich' pasel jech c'u cha'al albat mantal yu'un Dios ti Moisese.

Levítico 8:13

Ja' jech laj spas xtoc ta stojol xnich'nab ti Aarone. Laj yac' nopajuc talel ta stojol. Laj slapbe ti jayal c'u'ile. Laj stsinbe lec ti xchuquilal xtoque. Laj sts'otbe ti sts'ot sjole jech c'u cha'al albil mantal yu'un ti Diose.

Levítico 8:17

Ja'uc ti scomelal sbec'tal ti ch'iom tot vacaxe, ti xcaltique, ja' ti snuculile, ti sbec'tale, xchi'uc ti c'usi ch'aybil ta xbate, laj xchic' ta c'oc' ta sti'il ti bu lamalic ta naclej ti israeletique jech c'u cha'al albil mantal yu'un ti Diose.

Levítico 8:29

Ts'acal to un, ti Moisese laj stsac ti xpechel sti' yo'nton ti chije. Laj sye'ilanbe ta stojol Dios ta sventa ti nupob abtelale. Ti xpechel sti' yo'nton ti chij taje, ja' c'ot ta spuculal ti Moisese jech c'u cha'al yaloj mantal ti Diose.

Levítico 8:3

Va'i un, tsobo talel xtoc scotol ti israeletic ta ochebal sti' ti Axibalna ti bu nupel ta bee.”

Levítico 8:35

Ac'o mi jech un, ja'uc ti vo'oxuc une, tsots sc'oplal, vucub c'ac'al, vucub ac'ubal sjalil, ta xacomic ta ochebal sti' ti Axibalna ti bu Nupel ta bee. Ich'biluc ta muc' c'otuc avu'unic smantal ti Diose, yu'un ja' jech laj quich' talel ti mantale yo' jech mu xachamic.”

Levítico 8:5

Ja' yu'un un, ti Moisese xi laj yalbe ti israeletique: “Ti vi s'elan le'e, ja' yaloj mantal ti Dios ti jech ac'o yich' pasele.”

Levítico 8:9

Laj xtoc un, laj sts'otbe ta sjol ti ts'ot jolile. Ti ta yeloval sbae, laj xnoch'anbe ti jayal pech-pech oro ti ta xac' ta na'el ti yich'oj xa yabtel ta paleale co'ol s'elan jech c'u cha'al yaloj mantal ti Diose.

San Mateo 28:20

Chanubtasic ta spasel scotol ti c'u s'elan laj xa calboxuc ava'iique. Jech ti vu'un ec une, jchi'inojoxuc scotol c'ac'al c'alal to ta slajebal c'ac'ale. Jechuc.

1 Corintios 11:23

Ja' laj yac'bun jna' stuc ti Cajvaltic ti c'u s'elan laj jchanubtasoxuque. Ta yac'ubalil ti c'alal aq'ue ta c'abal ti Cajvaltic Jesuse, laj stsac ti jbej pane.

1 Corintios 15:3

Ti laj calboxuc ava'iic ta sliquebale, ja' laj jchanubtasoxuc ti c'u s'elan li'ac'bat jnae, ja' ti cham ti Cristo ta scoj ti jmultique jech c'u cha'al ts'ibabil ta ch'ul c'ope.

Deuteronomio 12:32

“Lic abtelanic ta spasel scotol ti va'i s'elan laj calboxuc ava'iique. Mi ja'uc xavepaltasic. Mi ja'uc xach'ayic jutebuc ti c'u yepal albil ono'oxe.