Levítico 8:22 - Bible in Tzotzil de Chamula

²² Laj taj une, jech ti Moisese laj yal mantal ti ac'o taluc ti jcot chij ti oy sc'oplal ta xtun ta sventa ti nupob abtelale. Ti Aarón xchi'uc ti xnich'nab xtoque laj scajan sc'obic ta sjol ti chije.

Bible in Tzotzil de Chenalhó with Deuterocanon

²² Li Moisese laj yal mantal ti ac'o yiq'uic tal noxtoc li yan chije, ja' li chij chtun ta sventa ich'ub abtelale. Li Aarón xchi'uc xnich'nabe la scajan sc'obic ta sjol li chije.

Levítico 8:22 Iomraidhean Croise

Levítico 7:37

Taj une, ja' bijubtasel ta sventa ti c'usi ta xich' chiq'uele, ti matanal sat ts'unubile, ti c'usi ta xich' milel ta scoj ti mulil colo'ile, ti matanal sventa ti ich' abtelale, ti c'usi ta xich' svocol ta sventa ti lajesobil o'ntonale.

Levítico 8:2

“Ti Aarón xchi'uc ti xnich'nabe, ic'o talel. Ich'o talel xtoc ti c'u'iletic sventa paleale, ti jtunel aceite sventa nupob abtelale, ti ch'iom tot vacax ti ta xich' svocol ta scoj ti mulile, ti cha'cot tot chije, ti jun moch pan ti mu'yuc ac'bil spajubtasobile.

Levítico 8:29

Ts'acal to un, ti Moisese laj stsac ti xpechel sti' yo'nton ti chije. Laj sye'ilanbe ta stojol Dios ta sventa ti nupob abtelale. Ti xpechel sti' yo'nton ti chij taje, ja' c'ot ta spuculal ti Moisese jech c'u cha'al yaloj mantal ti Diose.

San Juan 17:19

Ventainbiluc c'otuc avu'un ta sventa ti melel ta xcac' ta na'ele, jech c'u cha'al ventainbil lic'ot avu'un ec ti laj cac' jba ta tunele.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Efesios 5:25

Viniquetic ti vo'oxuc nupul ts'acaloxuque, c'uxubino ti avajnilique jech c'u cha'al ti Cristo ta xc'uxubin ti jch'unolajeletique, yu'un laj yac' sba ta milel ta sventaic.

Efesios 5:27

Jech laj spas ti Cristoe yo' jech mu'yuc c'usi quechel macal yu'unic, mi jutebuc xchopolalic, mi jutebuc oy c'usi soquem yu'unic, jun yutsil, jun slequil scotol ti jch'unolajeletic ta xc'ot sva'an sba yu'un ta stojol ti Diose.