Levítico 7:7 - Bible in Tzotzil de Chamula

⁷ “Ti c'usi ta xich' svocol ta scoj ti colo'ile, co'ol sc'oplal xchi'uc ti ta xich' svocol ta scoj ti mulile, co'ol s'elan ti xi s'elan ti bijubtasel yu'un ti xchibale: Ti c'usi ac'bil xae, ja' yu'un ti pale ti c'alal ja' o yacal ta spas yabtel ta xch'ayel ti mulile.

Bible in Tzotzil de Chenalhó with Deuterocanon

⁷ “Li matanal sventa bu chajelovic ta jtojole ja' co'ol xchi'uc li matanal ta sventa mulile. Ja' yu'un jun no'ox mantal ta sventa xchibal: li matanale ja' yu'un chc'ot o li pale ti laj yac' ta ch'ayel mulile.

Levítico 7:7 Iomraidhean Croise

2 Reyes 12:16

Ma' ti matanal taq'uin ti ta xich' aq'uel ta sventa ti mulil colo'ile, mu'yuc ta xich' ich'el batel ta sventa ti ch'ulnae. C'otem ta yu'unic ti paleetique.

2 Reyes 12:17

Ti jech yorail ta vo'ne taje, ti Hazael ajvalil yu'un ti Siriae, lic stsac ta leto ti lum Gate, laj yu'nin. Laj stam batel sbe ta stsaquel ta leto ti lum Jerusalén ta ts'acal to une.

Levítico 14:13

Tsots sc'oplal ti ac'o smil ti ch'iom chij ta yavil ti bu ono'ox ta xich' c'ocbel snuc' ti chon bolometic ti ta xich' svocol ta scoj ti mulil colo'ile, xchi'uc ti ta xich' chiq'uele. Ti c'usi ta xich' svocol ta scoj ti colo'ile, xchi'uc ti c'usi ta xich' svocol ta scoj ti mulile, ja' xa c'ot ta spuculal ti palee, ja' ti c'ot ta ch'ul matanal ta j'ech'ele.

Levítico 2:10

Scomelal ti matanale, ti ja' c'ot ta yu'un Dios ti ta xich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Levítico 2:3

Scomelal smoton ti Diose, ti ja' c'ot ta yu'un Dios ti laj yich' chiq'uel ta sventa yich'el ta muc' ti Diose, ja' xa ta xich' ti Aarón xchi'uc ti xnich'nabe.

Levítico 6:17

Tsots sc'oplal ti mu me sta'ajesic xchi'uc ti spajubtasobile, yu'un laj cac'beic scomelal jmoton ti ta xich' chiq'uele, ti ja' jun matanal ti tsots sc'oplal ventainbil xc'ote, xchi'uc ti matanal ti ta xich' milel ta scoj ti mulil colo'ile.

Levítico 7:8

Ja' jech ec ti pale ti buch'u laj smil ti chon bolom ti oy buch'u laj yac' yo' jech ta xich' chiq'uele, xu' ta xich' comel snuculil ti chon bolome.

Números 5:8

Yan ti mi chamem xa ti buch'u oy c'usi laj yich' soquesbele, ti mi mu'yuc yuts' yalal ti xu' ta xich' ti c'usi ta xich'be stojole, ja' xa ta xcom ta yu'un ti Diose yo' jech ta xtun yu'un ti palee. Ma'uc no'ox me un, yu'un ti palee, ac'o ono'ox me yac' ti chij ti ta xjelav ta xch'ayobil smul ti buch'u taje.

1 Corintios 10:18

Nopic lec ti xi s'elan laj spasic ti israeletique: Ti buch'utic ta sti'ic ti chon bolometic ti laj yich' milel ta sventa smoton ti Diose, ja' svinajeb ti jun yo'ntonic xchi'uc ti Diose.

1 Corintios 9:13

Xana'ic lec xtoc ti buch'utic ta x'abtejic ta jtuneletic yu'un ti ch'ulnae, ja' cuxulic o ti c'usi ta x'och talel ta ch'ulnae. Ti xcaltique, ja' ti buch'utic sbainojic ta yaq'uel ti milbil matanal ta sba ti altare, c'otem ta sventaic ta stunesel ta slajesel ti chon bolom ti ta xich' milel ti bu taje.