Levítico 7:21 - Bible in Tzotzil de Chamula

²¹ “Ti buch'u ta spic jtosuc ti c'usi na'bil ta soquesvane, mi ja' ti c'usi xcuchinoj ti yane, mi ja' ti c'usi xcuchinoj ti chon bolome, c'usiuc no'ox yan ti toj chopol sba ta j'ech'ele, jech xtoc un, mi ts'acal to mi utsuc xa slajesbe sbec'tal ti c'usi laj yich' svocol ta sventa ti lajesobil o'ntonal ti c'alal c'ot ta yu'un ti Diose, tenbil ta xloc' ta stojol ti xchi'iltaque.”

Bible in Tzotzil de Chenalhó with Deuterocanon

²¹ “Jech noxtoc li boch'o ta spic c'usiuc no'ox chopole, me ja' c'usi chopol yu'un xchi'ile, o me ja' c'usi chopol yu'un chonbolom, o me oy c'usi yan toj chopol, me la sti' li milbil matanal sventa co'ol co'ntontique, ac'o yich' loq'uesel ta atojolic”, xi li Muc'ul Diose.

Levítico 7:21 Iomraidhean Croise

Génesis 17:14

Yan ti buch'u mu xich' ti circuncisione, tsots sc'oplal ac'o yich' ch'aquel loq'uel ta atojolic ta scoj ti mu xac' ta venta ti jtratee.

Éxodo 12:15

Vucub c'ac'al sjalil ta xave'ic pan ti mu'yuc yich'oj ti spajubtasobile. Yu'un ta xlic ta sliquebal sba c'ac'al ti ch'abal xa yich'oj spajubtasobil ti pan ta anaique. Buch'uuc no'ox ta sve' pan ti yich'oj spajubtasobil ti vucub c'ac'al taje, tenbil ta xloc' ta stojol ti israeletique.

Éxodo 12:19

Vucub c'ac'al sjalil mi ja'uc jset'uc ta xavac'beic spajobtasobil ti pane. Buch'uuc no'ox ta sve' pan ti yich'oj spajubtasobile, ta xich' jipel loq'uel ta stojol ti Israele, manchuc mi ja' jyanlum, mi ja' israel.

Ezequiel 33:25

“Xi xavalbe ya'iic ma' taj une: ‘Xi ta xal ti Diose: Ti vo'oxuque, capal xchi'uc xch'ich'el ti beq'uet ta xalajesique. Naca xyal no'ox avoc ac'obic ta milvanej. Quejel chimiloxuc ta yich'el ta muc' ti c'usitic meltsanbil ta c'abale ¿Mi xc'ot to o avalojic ta xac'otic ta yajval jun muc' ta lum une?

Ezequiel 4:14

Xichi laj jtac'bee: “Le' une, Cajval, ti c'u xa sjalil jch'iel jc'opojel talele, j'ech'el mu'yuc jpicoj ti albil sc'oplal mu stac' piquele. J'ech'el mu'yuc jlajesoj ti chon bolometic ta xcham stuque, mi ja'uc ti milbil yu'un ti jti'oval chon bolometique. Mu'yuc jlajesoj ti beq'uet albil sc'oplal mu stac' lajesele.”

Levítico 11:20

“Scotol ti c'usitic bic'tal chonetic ti ta xvile xchi'uc ti ta xanave, c'otuc ta o'ntonal ti albil mu stac' ti'ele.

Levítico 12:1

Ti Diose xi laj yalbe ti Moisés ti c'alal laj sc'opon talele:

Levítico 17:10

“Ta jcontrain scotol ti israeletique, mi ja' ti jyanlum ti nacal ta atojolique, ti c'uc no'ox s'elan ta stun ta slajes ti ch'ich'e. Ta jten loq'uel ti ta ateclumalique.

Levítico 17:14

Yu'un ti ch'ich'e, ja' xcuxlejal scotol ti c'usi xvic'lajet sate. Jech o xal un, laj calboxuc ava'iic ti mu xu' xatun xalajesic ti ch'ich'e. Yu'un ti buch'uuc no'ox ta stun ta slajes ti ch'ich'e, tenbil ta xloc'.

Levítico 18:29

Ti buch'uuc no'ox ta spas jtosuc ti va'i s'elan toj chopol taje, ta xtenat loq'uel yu'un ti steclumale.

Levítico 19:8

Ja'uc ti buch'u ta sti'e, cajal ta xc'ot ta sba ti smule. Tenbil ta xloc' yu'un ti slumal ta scoj ti laj soquesbe sc'oplal ti c'usi c'ot ta yu'un ti Diose.

Levítico 20:3

Ta jcontrain ti vinic taje. Ta jten loq'uel ti jech oy ta jteclum ta scoj ti ta soquesbun ti Axibalnae, xchi'uc ti ta soquesbun ti jc'oplal ti c'alal ta xac' junuc xnich'on ta stojol ti dios Moloque.

Levítico 22:3

“Albo ya'i ti li' ta xlic batel ti buch'uuc no'ox junucal snitilultac ti soquesoj sba xchi'uc jtosuc ti albil sc'oplal ti mu staq'ue, mu xu' ta sva'an sba ta yaq'uel ti c'usitic ta xaq'uic ta stojol Dios ti israeletique. Tenbil ta xloc' ta jtojol. Yu'un vu'un ti Ajvalilune.

Levítico 22:4

“Mi junuc snitilultac ti Aarón mi ip ta xa'i ta c'a'emale, mi snuptanoj vocol ti xmalmun ti c'usi xjelav ta yichone, mi ja'uc xu' ta sve' ti c'usi c'otem ta yu'un ti Diose ja' to ti mi laj yich' poquel tusele. “Ti buch'u ta spic ti c'usi ta soquesvan ta scoj ti chamem xae, mi ta spic jun vinic ti oy svocol yu'un ti c'usi xjelav yu'une,

Levítico 23:29

Ti buch'u mu xicta yot ti jech c'ac'al taje, buch'uuc no'ox, tenbil ta xloc' ta stojol ti slumale.

Levítico 7:20

“Ja'uc ti buch'u soquesoj sba xchi'uc jtosuc ti soquesvaneje, ti ta sti'be sbec'tal ti c'usi laj yich' svocol ta sventa ti lajesobil o'ntonal ti c'alal ja' c'ot ta yu'un ti Diose, tenbil ta xloc' ta stojol ti xchi'iltaque.

Levítico 7:22

Ti Diose xi laj yalbe ti Moisés ti c'alal laj sc'opon talele:

Levítico 7:25

“Buch'uuc no'ox ti ta sti'be xepu'al ti chon bolom ti ac'bil ta stojol Dios ti ta xich' chiq'uel ta sventa ti matanale, tenbil ta xloc' ta stojol ti xchi'iltaque.

Levítico 7:27

Ti buch'u ta sti'be xch'ich'el ti c'usiuc no'ox jtosucale, tenbil ta xloc' ta stojol ti xchi'iltaque.”

Números 19:22

Scotol ti c'usi picbil ta xc'ot yu'un ti buch'u xcuchoj ti sbolile, ta xcuchbe sbolil ec. Ti buch'u tijil ta xc'ot ta stojol ti buch'u mu stac' nopele, ta smalil to c'ac'al ta xlaj yip xcuchojbe ti sbolile.”

Deuteronomio 14:10

Ja'uc ti mu'yuc ti snene' xiq'uique, xchi'uc ti mu'yuc smic'ale, c'otuc ta o'ntonal ti mu stac' ti'ele.

Deuteronomio 14:3

“Mu xati'ic ti albil sc'oplal mu stac' ti'ele.

1 Samuel 20:26

Mu'yuc c'usi laj yal ti Saúl ti jech c'ac'al taje. Laj snop ti oy c'usi spasoj ti mu'yuc to spocoj stusoj sba ti Davide.