Levítico 7:2 - Bible in Tzotzil de Chamula

² Ti chon bolom ti ta xich' aq'uel ta scoj ti mulile, tsots sc'oplal ta xich' c'ocbel snuc' ti bu ta xich' milel ti chon bolometic ti ta xich' aq'uel yo' ta xich' chiq'uele. Ti xch'ich'el xtoque, ta xich' vijel ta sba xchi'uc ta sjoylej ti altare.

Bible in Tzotzil de Chenalhó with Deuterocanon

² Li matanal ta sventa bu chajelovic ta jtojole te ac'o yich' milel yo' bu chich' milel li yantic matanaletic chich' chiq'uele. Li xch'ich'ale ac'o yich' vijel ta sba scajleb jmoton xchi'uc ta spat xocon.

Levítico 7:2 Iomraidhean Croise

Isaías 52:15

Ja' jech xtoc ep muc'tiquil lumetic ti ch'ayal ta xc'ot ti yo'ntonique. C'alal ta xlic yilic ti ajvaliletique, mi ja'uc xa xtal ta sjolic ti c'usi xu' ta xloc' ta yeique. Yu'un ja' to ta xlic yilic, ta xlic ya'ibeic jutebuc smelol ti c'usi mu'yuc ya'yiojique.

Ezequiel 36:25

Ta yax jipan vo' ta jpocoxuc. Ta jmes ta jtus loq'uel ti c'usitic mu xtun oy ta atojolique, xchi'uc ti sbolil laj ach'ambeic ti laj anijan abaic ta yich'el ta muc' ti c'usitic meltsanbile.

Ezequiel 40:39

Ta ochebal coriol yu'une, oy chancot mexa, cha'cha'cot ac'bil ta jujujot ta xtun ta smilobil chon bolometic ti ta xich' chiq'uel ti milbil matanaletic ta scoj ti mulil colo'ile.

Levítico 1:11

Tsots sc'oplal ta xich' c'ocbel snuc' ta stojol Dios tey ta stuq'uil ti yolon xocon sloq'ueb c'ac'al yu'un ti altare. Jech ti xnich'nabtac ti Aarón ti ja' paleetique, ta svijbeic xch'ich'el ti chon bolom ta sba xchi'uc ta sjoylej ti altare.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 1:5

C'oc xi snuc' ti tot vacax ta stojol ti Diose. Mi laj une, ti xnich'nabtac ti Aarón ti ja' paleetique, ta xet'esic ta matanal ti ch'ich'e. Mi laj xtoc une, ta svijic ta sjoylej sba altar ti oy ta ochebal sti' Axibalna ti bu nupel ta bee.

Levítico 14:13

Tsots sc'oplal ti ac'o smil ti ch'iom chij ta yavil ti bu ono'ox ta xich' c'ocbel snuc' ti chon bolometic ti ta xich' svocol ta scoj ti mulil colo'ile, xchi'uc ti ta xich' chiq'uele. Ti c'usi ta xich' svocol ta scoj ti colo'ile, xchi'uc ti c'usi ta xich' svocol ta scoj ti mulile, ja' xa c'ot ta spuculal ti palee, ja' ti c'ot ta ch'ul matanal ta j'ech'ele.

Levítico 3:2

Ti buch'u ta xac' ti matanale, ta scajan sc'ob ta sjol ti chon bolom ti ta xich' aq'uele. Va'i un, ta xich' c'ocbel snuc' ta sti' ochebal Axibalna ti bu nupel ta bee. Jech ti paleetique, ja' yabtelic ta sbonbe ta ch'ich' ta sba xchi'uc ta sjoylej stsectac ti altare.

Levítico 3:8

ac'o scajan sc'ob ta sjol. Va'i un, ta xich' c'ocbel snuc' ta ochebal sti' ti Axibalna ti bu nupel ta bee. Ja' jech xtoc un, ti paleetique ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 4:24

Ta scajan sc'ob ta sjol ti tentsune. Ta xich' c'ocbel snuc' ta stojol Dios ti bu ta xich' milel ti chon bolometic ti oy sc'oplal ta xich' chiq'uele, yu'un ta xich' svocol ta scoj ti mulile.

Levítico 4:29

Ta scajan sc'ob ta sjol ti chon bolom ti ta xc'ot ta matanal ta scoj ti smule. Ta xich' c'ocbel snuc' ti bu ta xich' chiq'uel ti matanaletique.

Levítico 4:33

Ta scajan sc'ob ta sjol. Ta xich' c'ocbel snuc' ti bu ta xich' chiq'uel ti chon bolometic ti ja' jun matanal yu'un ti mulile.

Levítico 5:16

Ti buch'u jech taje, tsots sc'oplal ac'o stoj ti c'u yepal ch'ay ta yoc ta sc'ob ti c'usitic ch'acbil ta sventa yu'un ti Diose. Ja' slecoj ti ta to xac' ta stojol pale jch'ac ta vo'ch'ac ti c'u yepal ta xich' aq'uele. Mi laj taj une, ta xich' aq'uel ti chij ti ta xich' milel ta scoj ti mulile. Jech ti palee ta sta ti ch'aybil ta xc'ot smul scolo' ti buch'u jech laj spase. Tub ti mulil yu'une.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Levítico 5:9

Mi laj taj une, ta svijbe jutebuc xch'ich'el ti ch'ayobil mulil ta jotuc xocon ti altare. Ti scomelal ti xch'ich'ele, ac'o sts'ujes ta yoc ti altare. Yu'un laj yich' milel ta scoj ti mulile.

Levítico 6:25

“Xi xcholet xavalbe ya'i ti Aarón xchi'uc ti xnich'nabtac ti bijubtasel sventa sc'oplal ti matanal ta xich' svocol ta milel ta scoj ti mulile: Ti chon bolom ti ta xich' aq'uel ta scoj ti mulile, ta xich' c'ocbel snuc' ta stojol Dios ti bu ta xich' milel ti chon bolometic ti oy sc'oplal ta xich' chiq'uele, yu'un ja' jun ch'ul matanal xa.

Levítico 6:7

Va'i un, ti palee ta sta ti ch'aybil smul ta xc'ot ta stojol Dios ti buch'u oy c'usiuc jtosucal laj sta o ti smule, ja' to jech ch'aybil ta xc'ot ti mulile.”

Números 6:12

Yu'un ta ach' ta sliques ti ta xac' sba ta tunel yu'un ti Diose. Ja'uc ti c'u s'elan laj sliques ta ba'yele, mu'yuc xa tsacbil c'ot ta venta. Yu'un ti stsotsil ti laj xch'acbe sc'oplal ti ta xc'ot ta tunel yu'un ti Diose, yu'un c'ot ta soquel. Ja' jech xtoc ac'o yic' batel jcotuc chij ti yich'oj jun jabil ti ta xich' svocol ta scoj ti mulil colo'ile.

Hebreos 11:28

Ti jech c'otem ta yo'nton ta xch'unel ti Moisese, laj sliques ti q'uin Colele. Laj yal mantal ti ac'o yich' bonel ta ch'ich' ti ti' naetique yo' jech mu xmilbat sbanquilal nich'nabic ti israeletic yu'un ti jmilvanej ánjele.

Hebreos 12:24

Lanopajic xtoc ta stojol ti Jesuse, ti ja' j'et'esej-c'op yu'un ti ach' tratee. Lanopajic ta stojol xch'ich'el Jesús ti laj smale, ti ja' x'ech' to yutsil ta xac' ta na'ele, ti ja' mu sta sc'oplal xch'ich'el ti Abele.

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.