Levítico 7:18 - Bible in Tzotzil de Chamula

¹⁸ Yu'un mi oy buch'u ta sti' ti beq'uet ta yoxibal xa c'ac'al ti laj yich' svocol ta sventa ti lajesobil o'ntonale, mu'yuc xa tsacbil ich'bil ta muc' ta xc'ot ti jech laj yich' svocole. Bajbil ta xc'ot ti sbec'tale. Jech ti buch'u ta sti'be ti sbec'tal taje, xcuchoj lec ta xcom ti mulil taje.

Bible in Tzotzil de Chenalhó with Deuterocanon

¹⁸ Me oy to boch'o tsti' ta xcha'ejal li matanal sventa chanopajic ta jtojole, mu'yuc ta jtsacbe o li boch'o laj yaq'ue, jech mu'yuc tsacbil ta venta chcom o. Mu'yuc stu chquil o li c'usi laj yich' aq'uele. Li boch'o la sti'e, oy smul chcom o.

Levítico 7:18 Iomraidhean Croise

Proverbios 15:8

Ti Diose, j'ac'-ib-o'ntonal ta xil ti matanal ta xaq'uic ti buch'u mu'yuc xch'ulel xa'i sbaique; xmuyubaj xchi'uc ti sc'opojel sti'inel ti buch'u oy stuq'uil sjol yo'ntonique.

Isaías 65:4

Ja' jun lum ti xchotet ta muquinale. Nac'alic xa stic'ojan sbaic ti bu ta x'ech' yu'unic ti ac'ubale, ti sti'ic no'ox ti chitome, ti snojesic no'ox ti sbinic ta calto ti albil sc'oplal mu stac' tunesele.

Isaías 66:3

Ja'uc le'e, oy buch'u ta xac'be yich' svocol ta milel jcot tot vacax, ta smil vinic xtoc. Oy buch'u ta spajbe cuchilu ta snuc' ti chije, ta smil ts'i' xtoc. Oy buch'u ta xac' ta matanal ti jchop o ta trigoe, ta xac' ta matanal xch'ich'el chitom xtoc. Oy buch'u ta xchic' ti pome, ta xich' ta muc' loc'obbail xtoc. Ti buch'utic laj yac' sjol ta spasel ti va'i s'elan taj ti mu albajuc xchopolal ta j'ech'ele, jun yutsil ta spasel xa'i.

Jeremías 14:10

Ti Diose xi ta xalbe sc'oplal ta sventa ti jteclum Israele: “Ti jteclum li'e, lec ta xa'iic ti bu no'ox xva'vun ta jujujote. Jech o xal mu lecuc ta xquil. Tana li'e, ta jvules ta jol ti smulique. Ta xquich'be ye sti'ic ya'iic.”

Jeremías 14:12

Mi yepal no'ox ta xicta ti yotique, mu xca'ibe ti jech xvocoletique. Mi yepal no'ox ta xaq'uic ti chic'bil matanale, ti sat ts'unubaletique, j'ech'el mu lecuc ta xquil. Ta jtsutsesic ya'i ta leto, ta vi'nal, ta chamel.”

Ezequiel 18:20

Ti buch'u ta sa' ti smule ta xcham. Mu stojbe smul stot ti nich'onile. Mi ja'uc ti totil ta stojbe smul ti xnich'one. Ta matanal ta sta lequilal ti buch'u oy stuq'uil slequile. Ta sta tsitsel ta scoj xchopolal ti buch'u mu'yuc xch'ulel xa'i sbae.

Oseas 8:13

Ti stuquique, ja' toj lec ta xa'iic ta yaq'uel ti milbil matanaletique. Ta smilic ta slajesic ti beq'uet yu'un ti milbil matanaletique. Ja' no'ox un, ti vu'un Diosune xi s'elan ti mu junuc co'nton yu'unique: Ta jvules ta co'nton ti smul scolo' staojique. Ta jtsitsic ya'iic ta scoj smulic yo' jech ta sutic batel cu'un ti ta jteclum Egiptoe.

Levítico 10:17

—¿C'u cha'al mu teyuc no'ox laj ati'ic ti c'usi laj yich' svocol ta scoj mulil ti bu tuc'ulanbil leque? Yu'un ja' jun matanal ti tsots sc'oplal ta j'ech'ele ti laj yac'boxuc ti Diose yo' jech ta xatabeic ti ch'aybil ta xc'ot smul scotolic ti israeletic ta stojol ti Diose.

Levítico 10:19

Ti Aarone xi laj staq'ue: —A'yio ava'i, yu'un avie, ti stuquique laj xa yaq'uic ta stojol Dios ti c'usi ta xich' svocol ta scoj ti smulique, xchi'uc ti c'usitic ta xich' chiq'uele, va'i to la s'elan ta xc'ot ta jtojol ec un. Ti lajuc jti' ti c'usitic laj yich' svocol ta scoj ti mulile, ¿mi lec van ta xa'i ti Diose?

Levítico 11:41

“Tsots sc'oplal ti mu me xati'ic jtosuc ti chonetic ti xquilet ta xanav ta banomile, yu'un ja' chonetic ti albil sc'oplal ti mu stac' ti'ele.

Levítico 17:16

Yan ti mi mu xchuc' ti sc'u'e, mi mu spoc sba ta vo'e, cajal ta xc'ot ta sba ti smule.”

Levítico 19:5

“C'alal ta xavac'beic Dios ti oy c'usi ta xich' svocol ta sventa ti slajesobil o'ntonale, ja' me pasic ti c'u s'elan ich'bil tsacbil ta muc' ta xc'ot yu'un ti Diose.

Levítico 20:17

“Mi oy buch'u ta xlic yajnilin ti xchi'il ta voq'uele, mi ja' ta sventa ti stote, mi ja' ta sventa ti sme'e, ti jech ta sta sbaic ta chi'inele, ta sba ta sat ti steclumale, xchibalic ta xich'ic milel. Yu'un ti jech ta sta sbaic ta chi'inel xchi'uc ti xchi'il ta voq'uele, q'uexlal sba ta j'ech'el. Yu'un ti buch'u jech ta spase, cajal ta xc'ot ta sba ti mulil colo'ile.

Levítico 20:19

“Mu xata ta chi'inel ti xchi'il ta voq'uel ti ame'e, mi ja'uc ti xchi'il ta voq'uel ti atote, yu'un avuts' avalal abaic. Mi oy bu c'ot ta pasel une, xchibalic une, cajal ta xc'ot ta sba ti c'usi chopol ta spasique.

Levítico 22:16

Mi ja'uc ta scoj smulic ti cajal ta xcom ta sbaic ti xchopolalic ta stunel slajesel ti c'usi ts'uiltasbile. Ti vu'un Ajvalilune laj xa jt'ujic loq'uel yo' ta xac' sba ta jtunel.”

Levítico 22:23

Yan mi ja' ti matanal ta xich' aq'uel ta sventa ti loq'uem ayanem ta o'ntonale, xu' jcotuc tot vacax, mi jcotuc tot chij, ac'o mi mu co'oluc snatiquil ti yacane. Yan mi ja' sventail ti oy c'usi albil sc'oplal ti ta xich' aq'uele, mu'yuc tsacbil ta xc'ot.

Levítico 22:25

Ja' jech xtoc mu xu' xach'ambeic ta yich'bel jech s'elan chon bolometic yu'unic ti jyanlumetic ti ta xich' ac'bel ti Dios avu'unic ti xu' ta xtun ta ve'lile. Yu'un ja' jun chon bolom ti oy xchopolile, mi ja'uc tsacbil ta xc'ot.”

Levítico 5:17

“Mi oy buch'u ta sta smul ta spasel ti c'usi contra xil sba xchi'uc smantaltac ti Diose, ac'o mi mu xa'i sba ti jech oy smule, yu'un tsots sc'oplal ti xcuchoj ta xcom stuc ti smule.

Levítico 7:19

“C'usiuc no'ox mi na'bil ti soquesvanej ti c'ot ta sba ti beq'uete, mu xa me stac' ti'el, ja' xa no'ox ta xich' chiq'uel. “Scotolic ti buch'utic mu'yuc soquesoj sbaic xchi'uc ti c'usiuc no'ox jsoquesvaneje, xu' ta sti'ic ti beq'uete.

Amós 5:22

Mi ja'uc jutebuc ta jc'an ta jq'uelbe sat ti chic'bil matanal ti ta xavaq'uic ta sventa quich'obil ta muq'ue, mi ja'uc ti matanal sat ts'unubil ta xavaq'uique. Mi ja'uc ta jtsac ta xquich' ti jubemic ch'in vacax ti ta xich' svocol ta milel ta sventa ti lajesobil o'ntonale.

Malaquías 1:10

“Ti oyuc la buch'u xu' ta smacbe sti' ti ch'ulnae yo' jech mu ta jeche'uc no'ox ta xich' tilesbel sc'ac'al ti caltare, toj xlaet xa ta xca'i unbi. Mi ja'uc ximuyubaj avu'unic. Mi ja'uc ta jtsac ta xquich' ti matanal ta xavac'beicune.

Malaquías 1:13

Ti vo'oxuque xachi ta xavalique: ‘Mu xa ts'icbaj ta xca'icutic ta j'ech'el yu'un scotol taje.’ Ti jech s'elan taje, ta xasoquesbeicun ti co'ntone. Taje, mi avalojic to nan ti ximuyubaj avu'unic c'alal ta xavac'beicun ta matanal ti elc'anbil chon bolome, mi ja' jun coxov vacax, mi ja' ti oy xchamele.

Números 18:27

Ti jech ta xaq'uic ti patan taje, ja' co'ol jech c'u cha'al ti israeletic ta xaq'uic o'lol jvoc'uc ti sat strigoique, mi ja' ti vinoe.

San Lucas 16:15

Ti Jesuse xi laj yalbee: —Ti vo'oxuque jun xa yutsil ta xapas abaic ta stojol ti buch'uuc no'oxe. Ti Diose yiloj avo'ntonic c'u s'elan. Na'o abaic un, ti c'usi xatoyet xchi'uc ta stojol ti buch'uuc no'oxe, mu lecuc ta xil ti Diose.

Romanos 4:11

Ta ts'acal to lic yich' circuncisión ti Abrahame, senyail ti laj sta ti lec x'ile yu'un ti Dios ta sventa ti c'ot ta yo'nton ta xch'unele. Ti jech c'ot ta yo'nton ta xch'unel ti Abrahame, c'ot ta totil yu'unic ti buch'utic jech ta xc'ot ta yo'ntonic ta xch'unele, manchuc mi mu'yuc yich'ojic ti circuncisione. Ta staic ti lec x'ileic yu'un Dios ti buch'utic jech ta xc'ot ta yo'ntonic ta xch'unele.

Hebreos 9:28

Ja' jech ti Cristoe, jcoj no'ox aq'ue ta milel yo' jech ta xch'aybe smul scotol. Ts'acal to ta xtal xtoc un, ma'uc ti ta xtal stub ti mulile, ja' no'ox ta xtal scolta ti buch'utic smalaojique.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.