Levítico 7:16 - Bible in Tzotzil de Chamula

¹⁶ Yan ti mi ja' chon bolom ta xac' ta matanal ti c'usi loc' ta ye ta sti' ti ta ono'ox xaq'ue, mi ja' xtoc ti c'usiuc no'ox xloc' x'ayan ta o'ntonale, ta yorail no'ox, ac'o yich' ti'el c'alal mi laj yich' aq'uele. Xu' xtoc ta xich' ti'el ta yoc'omal ti c'u to yepal ta xcom ti scomelale.

Bible in Tzotzil de Chenalhó with Deuterocanon

¹⁶ Yan me ja' matanal sventa chapasic c'usi avalojic ta jtojole, o me yutsil no'ox avo'nton laj avaq'uique, xu' chati'ic te no'ox ta sc'ac'alil noxtoc, xchi'uc xu' to chaq'uejic sventa yoc'omal ti c'u yepal chcom avu'unique.

Levítico 7:16 Iomraidhean Croise

Salmos 116:14

C'otuc ta pasel ti jtrate ti laj cal ta stojol Dios ta sba ta sat scotol ti jteclume.

Salmos 116:18

Ta sba ta sat scotol ti jteclume, ta xc'ot ta pasel cu'un ti jtrate caloj ta stojol ti Diose,

Salmos 66:13

Ta xc'ot ta pasel cu'un un ta yaq'uel ti chic'bil matanaletic ti caloj ta xcac' ta atojol c'alal ta xi'och ta ach'ulnae,

Éxodo 35:29

Scotol israeletic, viniquetic, antsetic, ti c'ot ta yo'ntonic ti laj ya'iic ti sc'an ta xcoltavanic yo' jech ta xc'ot ta pasel ti c'u s'elan albat mantal yu'un Dios ti Moisese, ta slequil yutsil yo'ntonic, laj yich'ic talel ti matanal ta stojol ti Diose.

Proverbios 7:14

“Le' xa talele, cac'oj que ta yaq'uel milbil matanal ta sventa ti lajesobil o'ntonale, ti c'ot ta pasel cu'un tana li' une.

Ezequiel 46:12

“C'alal ta xloc' x'ayan ta yo'nton ta yaq'uel matanal ta stojol Dios ti jpas-mantale, jech c'u cha'al ta xich' chiq'uel ti chon bolome, mi ta xich' milel ta sventa ti lajesobil o'ntonale, ta xich' jamel ti ti'na ti sq'ueloj batel ta sloq'ueb c'ac'ale. Jech ta xich' pasel jech c'u cha'al ta sc'ac'alil ti cuxob o'ntonale. Mi loc' xa ech'el un, mac xi ti ti'nae.

Levítico 22:23

Yan mi ja' ti matanal ta xich' aq'uel ta sventa ti loq'uem ayanem ta o'ntonale, xu' jcotuc tot vacax, mi jcotuc tot chij, ac'o mi mu co'oluc snatiquil ti yacane. Yan mi ja' sventail ti oy c'usi albil sc'oplal ti ta xich' aq'uele, mu'yuc tsacbil ta xc'ot.

Levítico 22:29

“C'alal ta xavac' jun matanal sventa ti coliyal ti Diose, ja' me xapas ti lecuc tsacbil ich'bil ta muc' ta xc'ote.

Levítico 23:38

Ja' me yan o xtoc ti c'usitic ta xich' aq'uel ta sventa sc'ac'alil ti cuxob o'ntonal ta yich'el ta muc' ti Diose, ti c'usi ta xich' q'uelanele, ti matanal ti albil sc'oplal ta xich aq'uele, ti xloc' ayan ta o'ntonale, ja' ti c'u s'elan ta xavaq'uique.

Nahúm 1:15

¡Q'uelo avilic, le' xa xtal ta vitstic ti j'al-mantal j'ich'-c'ope, yu'un tal yalbe sc'oplal ti lamaj xa ti c'ope! Ja' yu'un un, lic paso ti q'uinetic avu'une, jteclum Judá. Ti c'usitic avaloj ta xapase, c'otuc me ta pasel avu'un. Ta j'ech'el mi ja'uc xa ta xtal yilbajinot ti jchopol-joletique. Ta j'ech'el tubbat xa ti sc'oplalique.

Números 15:3

xu' ta xac'beicun jcotuc tot vacax, mi ja' jcotuc chij ti ta xich' svocol ta chiq'uel sventa quich'el ta muq'ue, ti jun yutsil smuil ta xich' chiq'uele, mi ja' ic'ot ta pasel ti oy c'usi yaloj ta xaq'ue, mi ja' ti c'usi loq'uem ayanem ta o'ntonal ta xich' aq'uel ta matanale, mi ja' ta sventa ti ta xtun ta jujun q'uine.

Deuteronomio 12:11

Va'i un, ti bu ta xlic st'uj ti Ajvalil Dios avu'unic ti ta xc'ot ta sna stuc sventa ti yich'obil ta muq'ue, yu'un ta xtal avac'beic scotol ti xi xa ono'ox s'elan laj xa calboxuc ava'iique: ti milbil chon bolometic ti ta xich' chiq'uel ta sventae, ti jun ta jujun lajlajunebe, ti matanal ti ta xich' ye'el muyel ta stojole, xchi'uc scotol ti c'usitic lec t'ujbil ti ta xaval ti ta xavaq'uic ta stojol ti Diose.

Deuteronomio 12:17

“Mi ja'uc xatun ta xalajesic ta alumalic jset'uc ti jun ta jujun lajlajuneb ti atrigoique, ti avinoique, ti avaceiteique, ti sba yoltac avacaxique, ti achijique, ti c'usitic avalojic ti ta xavac'beic ti Diose, xchi'uc ti matanal ti loq'uem ayanem ta o'ntonale.

Deuteronomio 12:26

Ja'uc ti c'usitic avalojic xa ti ac'bil ta matanale, xchi'uc ti c'usi avaloj ta xavac' ti ta xc'ot ta pasel avu'une, ich'ic ech'el ta yavil ti bu t'ujbil yu'un ti Diose.

Deuteronomio 12:6

Ti bu taje, ja' ti bu xu' ta xamilic ta xachiq'uic ti chon bolometic sventa yich'obil ta muq'ue. Ti bu taje, ja' me ta xavich'ic batel ti jun ta jujun lajlajunebe, ti matanal ti ta xich' ye'el ta toyole, ti c'usi ta xloc' ta alel ti ta xich' aq'uele, xchi'uc ti c'usi loq'uem ayanem ta o'ntonal ti ta xich' aq'uele, jech c'u cha'al ti sba yoltac ti vacaxetique xchi'uc ti chijetique.