Levítico 7:12 - Bible in Tzotzil de Chamula

¹² Mi ja' sventa coli'albat ti c'usi ta xich' milele, ac'o yac' xtoc muc'tic panetic ti vots'bil ta aceite ti mu ja'uc ac'bil ti spajubtasobile, ti bacubtasbil jayaquil harina ti vijbil aceite ta sbae ti mu'yuc ac'bil ti spajubtasobile, xchi'uc muc'tiquil pan ti pasbil ta lequil t'ujbil harina ti vots'bil ta aceitee.

Bible in Tzotzil de Chenalhó with Deuterocanon

¹² Me ja' chamilbicun sventa oy c'usi chatojbicun ta vocole, aq'uic noxtoc muc'tic vaj mu'yuc yich'oj svolesubil xch'ut vots'bil ta aceite, xchi'uc bic'tal vaj mu'yuc yich'oj svolesubil xch'ut jaxbil ta aceite xchi'uc yan muc'tic vaj pasbil ta lequil arina vots'bil ta aceite.

Levítico 7:12 Iomraidhean Croise

2 Crónicas 29:31

Ta jech yepal, ti Ezequías une xi laj yalbe ya'i ti jteclume: “Li' tana une, chapaloxuc xa ta yajtunel ti Diose. Jech o xal, nopajanic talel, ich'ic talel ti matanaletic ti xich'uc milel ta sventa yalbel vocol yu'un xch'ulna ti Diose.” Va'i ti jteclum une laj yich'ic batel matanaletic ti ta xich' milel ta sventa col'albate. Laj yaq'uic chic'bil matanal ec ma' ti buch'utic loc' ayan ta yo'ntonic ti jech sc'an pasele.

2 Crónicas 33:16

Ts'acal to un, lic xcha'meltsanbe yaltar ti Diose. Lic yac' ta sba ti milbil matanal sventa lajesobil o'ntonale, xchi'uc ti matanal sventa coliyale. Laj yalbe ya'i mantal ti jteclum Judá ti liquicuc ta xch'unel ta xi'tael ti Diose, Ajvalil yu'un ti Israele.

Nehemías 12:43

Ep laj yaq'uic ti milbil matanal ti jech c'ac'al taje. Xmuyubajic ma' ti jteclume, yu'un ac'bat smuyubajel yo'ntonic yu'un ti Diose. Xmuyubajic no'ox ta j'ech'el ti antsetique xchi'uc ti ololetique, ti muyubajel ti ech' ta Jerusalén ta nom to xvinaje.

Salmos 107:8

Colaval, utic ti Dios ta sventa ti syail xc'uxul yo'ntone, ta sventa ti ta sva'an ta spojel ti jteclume.

Salmos 116:17

Ta sventa ti colavalbune, ta xcac'bot milbil matanal, oy ono'ox ta que ta jti' ti ac'oplal ec une, Dios.

Salmos 50:23

Ti buch'u ta xac' matanal ta sventa col'albate, ta xich'un ta muc' unbi. Ta jtic' jba ta spojel ti buch'u staoj yav stamoj batel ti bu ta xquic' batele.”

Jeremías 33:11

ti q'uejimol sventa q'uine, ti q'uejimol sventa lecomajele. Ta xich' a'yiel ti xi ta xalique: ‘Col lij'albat yu'un ti Ajvalil ti scotol xu' yu'une. Oy slequil ma' ti Dios une. Sbatel osil oy ma' ti syail xc'uxul yo'nton une.’ Ta xich'ic talel matanal ta ch'ulna sventa ti col albate. Melel un, ta jelbe yorailic ti muc' ta lum li'e yo' ta xcha'ta jech c'u cha'al ta sliquebale. Ti vu'un Ajvalilune, mu stselbuj ma' ti jc'op une.”

Oseas 14:2

Xiuc c'otel ti ave ati'ic ta c'opojel c'alal ta xasutic batel ta stojol ti Diose: “Ch'aybuncutic scotol ti jmul jcolo'cutique. Tsacbun, ich'buncutic ta yutsil avo'nton ti xilequil-c'opojcutic xa talel ta atojole.

Levítico 2:4

“C'alal ta xavac' ta matanal sat ts'unubil ti ta'ajesbil ta hornoe, pasbiluc me avu'un ta muc'tic pan ti lequil t'ujbil harina ti vots'bil ta aceitee, ti mu'yucuc yich'oj ti spajubtasobile, mi ja' ti jayaquil harina bacubtasbile, ti mu'yucuc yich'oj ti spajubtasobile, ti c'ajomaluc no'ox vijbil ti aceite ta sbae.

Levítico 2:5

“Mi ja' sat ts'unubil ti matanal ta xavac' ti ja' bacubtasbil ta xalteme, tsots sc'oplal ja' ta xavac' ti lequil t'ujbil harinae, ti vots'biluc ta aceitee, ti mu'yucuc yich'oj ti spajubtasobile.

Levítico 22:29

“C'alal ta xavac' jun matanal sventa ti coliyal ti Diose, ja' me xapas ti lecuc tsacbil ich'bil ta muc' ta xc'ote.

Levítico 6:16

Ja'uc scomelal ti matanale, ti mu'yuc ac'bil ti spajubtasobile, ta sve' ti Aarón xchi'uc ti xnich'nab ti bu yavil chapanbil ti oy ta yamaq'uil ti Axibalna ti bu Nupel ta bee.

Levítico 7:15

“Sbec'tal ti chon bolom ti laj yich' aq'uel ta sventa ti coli'albate xchi'uc ti lajesobil o'ntonale, tsots sc'oplal ta slajesic no'ox ta yorail ti c'alal ta xich' aq'uele. Mi ja'uc xu' ta xich' q'uejel comel jutebuc ti scomelal ta yoc'omale.

Amós 4:5

Chiq'uic ti pan ti mu'yuc ac'bil ti spajubtasobil ta sventa matanal yu'un ti coliyale. Buyuc no'ox, caj'alic batel sc'oplal ti matanal ti ta xloc' x'ayan ta avo'ntonique. Ti jech taje, ja' sve'el ach'ulelic ta xava'iic.” Ti vu'un Diosune, mu me lo'iluc no'ox ta xcal.

Números 6:15

Ja' jech xtoc ta xac' junuc biq'uit moch pan ti pasbil ta lequil t'ujbil harina ti vots'bil ta aceitee, ti mu'yuc ac'bil ti spajubtasobile. Ta xac' xtoc ti bacubtasbil jayal harina ti vijbil aceite ta sbae. Ti jujune, ta xich' ac'bel ti matanal sat ts'unubale xchi'uc ti vinoe.

San Lucas 17:16

Vul squejan sba ta stojol ti Jesuse, ti snupilan xa banomil laj spatan sba ta lumtic yo' ta xalbe coliyal. Ti vinic taje, liquem talel ta Samaria.

San Lucas 17:18

¿Mi c'ajomal no'ox stuc sut talel ti jyanlum vinique yo' tal xalbe slequilal ti Diose?

Romanos 1:21

Ac'o mi sna'ic ti oy Diose, mu sbisic ta Dios, mu xich'ic ta muc', mi ja'uc ta xalbeic colyalbun. C'ajomal no'ox batem ta yo'ntonic ta snopel ti c'usi mu'yuc smelole, ti yac'ojbeic yipal ta spasel ti c'usi xtal ta sjolique. Laj ta alel ma' ti oy lec snopbenal yu'unic une.

Efesios 5:20

C'usiuc no'ox ta xc'ot ta atojolique, colaval, utic ti Dios ta sventa ti Cajvaltic Jesuse.

Hebreos 13:15

Jech o xal tsots sc'oplal calbetic slequilal Dios ta sventa ti Jesucristoe. Ti jech ta xcalbetic slequilal ti Diose, ja' jech matanal sc'an ta xcac'betic ti Diose. Oyuc ta que ta jti'tic ta yalbel yutsilal slequilal ti Diose.

1 Pedro 2:5

Ti jech taj une, ti vo'oxuque, co'ol a'elanic ton ti cuxule, ti ta xavac' abaic ta tunel yu'un ti Diose, yo' jech ta xac'otic ta xch'ul ch'ulna ti t'ujbiloxuc yu'une, yo' jech ta xacomic ta paleal yu'un ti Diose, ti ta sventa ti Jesucristoe, ta xavaq'uic ch'ul matanal ti lec ta xil ti Diose.