Levítico 7:11 - Bible in Tzotzil de Chamula

¹¹ “Ti bijubtasel yu'un ti c'usi ta xich' svocol ta sventa ti lajesobil o'ntonal ti ta xich' aq'uel ta stojol ti Diose, xi s'elane:

Bible in Tzotzil de Chenalhó with Deuterocanon

¹¹ “Li'i ja' chanubtasel sventa c'u x'elan chavac'bicun jmoton sventa xu' chanopajic ta jtojol, vu'un li Muc'ul Diosune:

Levítico 7:11 Iomraidhean Croise

2 Crónicas 29:31

Ta jech yepal, ti Ezequías une xi laj yalbe ya'i ti jteclume: “Li' tana une, chapaloxuc xa ta yajtunel ti Diose. Jech o xal, nopajanic talel, ich'ic talel ti matanaletic ti xich'uc milel ta sventa yalbel vocol yu'un xch'ulna ti Diose.” Va'i ti jteclum une laj yich'ic batel matanaletic ti ta xich' milel ta sventa col'albate. Laj yaq'uic chic'bil matanal ec ma' ti buch'utic loc' ayan ta yo'ntonic ti jech sc'an pasele.

2 Crónicas 33:16

Ts'acal to un, lic xcha'meltsanbe yaltar ti Diose. Lic yac' ta sba ti milbil matanal sventa lajesobil o'ntonale, xchi'uc ti matanal sventa coliyale. Laj yalbe ya'i mantal ti jteclum Judá ti liquicuc ta xch'unel ta xi'tael ti Diose, Ajvalil yu'un ti Israele.

Proverbios 7:14

“Le' xa talele, cac'oj que ta yaq'uel milbil matanal ta sventa ti lajesobil o'ntonale, ti c'ot ta pasel cu'un tana li' une.

Ezequiel 45:15

Sc'oplal ti chije, ch'ac xi loq'uel jcot ta jujun lajunvinic (200) ti jubemic lec ti oy ta yosilal ti Israele. Ti jaytos taje, ti matanal sat ts'unubal ta xich' chiq'uele, ti c'usi ta xich' svocol ta milel ta sventa ti lajesobil o'ntonale, ti c'usi ta xich' aq'uel ta sventa stubobil ti mulile. Vu'un ta xcal mantal ti Ajvalilune.

Levítico 19:6

Ti chon bolom ti ta xich' aq'uele, ta sc'ac'alil no'ox, tsots sc'oplal ac'o yich' ti'el. Xu' to ta xich' ti'el ta yoc'omal xtoc. Ja'uc ti c'u to yepal com to scomelal ta yoxibal c'ac'ale, tsots sc'oplal ac'o xa yich' chiq'uel.

Levítico 22:29

“C'alal ta xavac' jun matanal sventa ti coliyal ti Diose, ja' me xapas ti lecuc tsacbil ich'bil ta muc' ta xc'ote.

Levítico 7:10

Ja' jech xtoc scotol ti matanaletic ti sat ts'unubaletique, ti taquin xa ti capbil ta vots'el xchi'uc ti aceitee, ja' yu'un scotolic snitilultac ti Aarone, ti co'ol ta xch'acbe sbaique.

Levítico 7:29

“Albo ya'i ti israeletique, ti buch'u ta xich' batel ta stojol Dios ti c'usi ta xich' svocol ta sventa ti lajesobil o'ntonale, ac'o yac' ta stojol ti Diose.

Amós 5:22

Mi ja'uc jutebuc ta jc'an ta jq'uelbe sat ti chic'bil matanal ti ta xavaq'uic ta sventa quich'obil ta muq'ue, mi ja'uc ti matanal sat ts'unubil ta xavaq'uique. Mi ja'uc ta jtsac ta xquich' ti jubemic ch'in vacax ti ta xich' svocol ta milel ta sventa ti lajesobil o'ntonale.