Levítico 7:1 - Bible in Tzotzil de Chamula

¹ “Ti c'usi ta xich' svocol ta scoj ti mulile, ja' jun ch'ul matanal ta j'ech'el. Xi s'elan ti bijubtasel yu'un ma' taj une:

Bible in Tzotzil de Chenalhó with Deuterocanon

¹ “Li milbil matanal sventa bu chajelovic ta jtojole ja' bats'i lequil ch'ul matanal. Ja' yu'un li' oy li chanubtasel ta sventa c'usi tsc'an chapasique:

Levítico 7:1 Iomraidhean Croise

2 Crónicas 31:14

Ti jchabiej ti'na ti oy ta yelov sloq'ueb c'ac'ale, ja' sbainoj com ti levita vinic ti sbiinoj Coré xnich'on ti Imnae, ti sbainoj to ox ta stsobel ti matanal ti ta xloc' x'ayan ta o'ntonal ta yac'bel ti Diose, ta xch'aquel ti patanil ti ac'bil ta sventa ti Diose, ta spuquel ti matanaletic ti c'otem ta sventa ti Diose.

Ezequiel 40:39

Ta ochebal coriol yu'une, oy chancot mexa, cha'cha'cot ac'bil ta jujujot ta xtun ta smilobil chon bolometic ti ta xich' chiq'uel ti milbil matanaletic ta scoj ti mulil colo'ile.

Ezequiel 44:29

Xu' slajesic ti sat ts'unubaletic ta xac'beicun ti israeletique, xchi'uc sbec'tal ti chon bolometic ta xich' aq'uel ta scoj ti mulile, xchi'uc ti ta xich' aq'uel ta scoj ti colo'ile. Ja' yu'unic ec, jech c'u cha'al scotol c'usitic c'otem ta jventa ta yac'belun ti israeletique.

Ezequiel 46:20

Xi laj yalbune: “Le' me ma' ti bu ta slacanbeic sbec'tal chon bolometic ti paleetic ti laj yich' svocol ta milele, ti laj yich' aq'uel ta matanal ta scoj ti mulil colo'ile, xchi'uc ta slacanel ti matanal sat ts'unubile. Ta sventa ti yutsil slequilale, mu xu' xloc' batel ta amac'. Jech ti jteclum eque mu xu' ta xba stic' sba ti bu taje.”

Levítico 21:22

Ti buch'u taje, xu' ta sve' ti pan taje, ti c'usi ch'acbile, xchi'uc ti c'usi ts'uiltasbil ta j'ech'ele.

Levítico 5:11

“Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

Levítico 5:14

Ti Diose xi laj yal ti c'alal laj sc'opon talel ti Moisese:

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Levítico 5:8

Taj une, ac'o yich' batel ta stojol ti palee, ja' ba'yel ta xac' ti xch'ayobil mulile. Ta sts'otbe ti snuq'ue, ti mu xtuch' yu'un ta j'ech'el ti sjole.

Levítico 6:17

Tsots sc'oplal ti mu me sta'ajesic xchi'uc ti spajubtasobile, yu'un laj cac'beic scomelal jmoton ti ta xich' chiq'uele, ti ja' jun matanal ti tsots sc'oplal ventainbil xc'ote, xchi'uc ti matanal ti ta xich' milel ta scoj ti mulil colo'ile.

Levítico 6:25

“Xi xcholet xavalbe ya'i ti Aarón xchi'uc ti xnich'nabtac ti bijubtasel sventa sc'oplal ti matanal ta xich' svocol ta milel ta scoj ti mulile: Ti chon bolom ti ta xich' aq'uel ta scoj ti mulile, ta xich' c'ocbel snuc' ta stojol Dios ti bu ta xich' milel ti chon bolometic ti oy sc'oplal ta xich' chiq'uele, yu'un ja' jun ch'ul matanal xa.

Números 6:12

Yu'un ta ach' ta sliques ti ta xac' sba ta tunel yu'un ti Diose. Ja'uc ti c'u s'elan laj sliques ta ba'yele, mu'yuc xa tsacbil c'ot ta venta. Yu'un ti stsotsil ti laj xch'acbe sc'oplal ti ta xc'ot ta tunel yu'un ti Diose, yu'un c'ot ta soquel. Ja' jech xtoc ac'o yic' batel jcotuc chij ti yich'oj jun jabil ti ta xich' svocol ta scoj ti mulil colo'ile.