Levítico 6:6 - Bible in Tzotzil de Chamula

⁶ Ti c'usi ta xich' svocol yu'un ta milel ta stojol ti Diose, sc'an ja'uc jcot chij ti mu'yuc jutebuc ti xchopolile, ti vo'ot ta xaval ti c'u yepal xtojolin o ta xavile, ti ja' sts'unub stuc ta xich' batel ta stojol ti palee, ti ta xich' milel ta scoj ti mulile.

Bible in Tzotzil de Chenalhó with Deuterocanon

⁶ Li jmoton tsc'an chiyac'bune ja' jcot chij ti bu ven leque. Vo'ot chaq'uel c'u yepal stojol li chije. Li boch'o chaq'ue, ac'o yic' batel ta stojol li palee. Ja' chic'bil matanal ta sventa li c'unil mulil la stae.

Levítico 6:6 Iomraidhean Croise

Esdras 10:19

Taje, laj yalic ta jamal ti ta slequil-taquic batel ti yajnilique. Laj yaq'uic jcot chij ta sventa matanal ta scoj ti smulique.

Nehemías 10:35

Jech xtoc laj jvules ta jolcutic ti ta xquich'cuticuc batel jujun jabil ta xch'ulna Dios ti sba sat c'usitic ta xloc' ta cosilcutique, xchi'uc scotol sba sat ti lo'bolal te'etique.

Ezequiel 40:46

Ti jbej na sq'ueloj batel sti' ta yolon ti yolon xocon sloq'ueb c'ac'ale, ta stunesic paleetic ti buch'utic sbainojic ta sq'uelel ti altare. Naca snitilultac Sadoc ma' taje, ja' no'ox levitaetic xu' xnopajic ta tunel yu'un ti Diose.”

Levítico 14:12

Mi laj taj une, ta xlic yac' jcotuc ti chije, ti ta xich' svocol ta scoj ti mulil colo'ile jmoj xchi'uc ti jch'ac ta oxch'ac ti jun litro aceitee, ti sye'ilan xa ta stojol Dios sventa ti buch'u ta xich' poquel tusele.

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 5:18

Ja' yu'un un, tsots sc'oplal ac'o yich' talel jcotuc sts'unub chij ti mu'yuc jutebuc c'usi xchopolile. Ti stojole, tey xaq'uel c'u yepal xtojolin o. Ja' jech xtoc ta xich' batel ta stojol ti palee yo' ta xc'ot ta stojol ti mulile. Ja' to jech ta xich' tael ti ta xch'ay smul ti buch'u mu'yuc xa'i c'uxi bat ti oy smul c'ote. Tub ti mulil yu'une.

Levítico 5:7

“Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.