Levítico 6:5 - Bible in Tzotzil de Chamula

⁵ mi ja' ti naca lo'lavanej laj spas ti c'usiuc no'ox xac'an xa ta rextico yilele. Taj une, ac'o sutesbe scotol ti yajvale. Va'i un, ti c'alal ta xich' aq'uel ti milbil matanal ta scoj ti mulile, ta xac' xtoc jch'ac ta vo'ch'ac ti c'u yepal ti c'usiuc no'ox laj stae.

Bible in Tzotzil de Chenalhó with Deuterocanon

⁵ Ac'o sutes noxtoc li c'usi laj yal ta jtojol chac' ti jech no'ox i'epalc'opoj xchi'uque. Ja'o ac'o sutesbe scotol yajval c'alal chac' li milbil matanal ta sventa smule, xchi'uc ac'o yac'be xchi'il jun ta vo'vo'.

Levítico 6:5 Iomraidhean Croise

2 Samuel 12:6

¡Ti c'u s'elan stojol ti uni me' chije, tsots sc'oplal ti ech'uc to chanib velta ac'o stoj. Ta j'ech'el yu'un mu'yuc xc'uxul yo'nton ti va'i s'elan laj spas taje!

Nehemías 10:35

Jech xtoc laj jvules ta jolcutic ti ta xquich'cuticuc batel jujun jabil ta xch'ulna Dios ti sba sat c'usitic ta xloc' ta cosilcutique, xchi'uc scotol sba sat ti lo'bolal te'etique.

Éxodo 22:1

“Mi oy bu ta xc'ot ta pasel ti oy buch'u ta xelc'an jcotuc vacaxe, mi jcotuc chij, mi ta smil, mi ta xchon, vo'cot vacax ta xq'uexta sutel ta sventa ti jcot vacaxe. Chancot chij ta xq'uexta sutel ta sventa ti jcot chije.

Éxodo 22:4

“Mi cuxul to laj yich' tabel ti chon bolom yelc'anoje, o'lol to ta stoj ti c'uxi stojol ti vacaxe, ti burroe, ti chije.

Éxodo 22:7

“Mi oy buch'u ta spat yo'nton ta stojol xchi'il ti ja' xu' ta xbat yac'be sventain ti staq'uine, mi ja' ti c'usitic oy yu'un ti toyol stojole, ja' no'ox un, mi oy c'uxi elc'anbat loq'uel ta sna ti buch'u sbainoje, jech ti j'eleq'ue, tsots sc'oplal x'ech' to o'lol ta stoj mi laj yich' taele.

Éxodo 22:9

“Mi oy buch'u ta sbis ta yu'un mi vacax, mi burro, mi chij, mi c'u'il, c'usiuc no'ox yan ti ch'ayeme, va'i un, mi oy buch'u ta sa'be sc'oplal ti ja' yu'une, ti va'i s'elan taje, ic'bil ta xbatic ta stojol Dios. Ti buch'u oy smul c'ote, x'ech' to ta o'lol ta stoj ti c'usi laj sbis ta yu'une.

Éxodo 30:7

Ti ta jujun sob ic'lumane, ti c'alal ja' o yorail ta xich' chapanel ti lamparaetique, jech ti Aarone tey ta xchic' ti muil pom ta sba ti altar taje.

Isaías 58:6

“Yu'un ma'uc xa ono'ox ma' taj une. Ti ic'taej vaj ti ximuyubaj yu'une, ja' jech c'u cha'al li'e: ti yich'uc lilinel avu'un scarinailtac ti jti'o'nton j'ac'-vocole, jituno ti jpech'vanej j'ac'-vocol ch'ojon une, ti c'otuc ta pojel colel avu'un ti oyic ta ilbajinele, ti tubuc sc'oplal avu'un scotol ti j'ac'vanej ta lajel tubele.

Isaías 58:9

Va'i un, ti c'alal ta xac'opoj ta jtojole, ta xajtac'bot. Mi xa'avet no'ox ta xac'anbun ti apojele, xichi ta jtac'bote: ‘Li'une.’ Mi ta xc'ot ta tsutsel avu'un sc'oplal scotol ti ilbajinele, mi mu'yuc ta xatsacolan ta c'op ti yane, mi laj sc'oplal avu'un ta sa'bel smul ta jeche' ti yane,

Ezequiel 33:15

ta xlic sutes ti c'usi yich'oj ta rentale, mi ja' ti c'usi yelc'anoje, ta xc'ot ta pasel yu'un ti c'usitic tsots jbel albil sc'oplal ta xac' cuxleje, ta xicta ta spasel ti c'usi chopole, jbel sc'oplal ta xcuxi, mu'yuc ta xcham.

Levítico 5:16

Ti buch'u jech taje, tsots sc'oplal ac'o stoj ti c'u yepal ch'ay ta yoc ta sc'ob ti c'usitic ch'acbil ta sventa yu'un ti Diose. Ja' slecoj ti ta to xac' ta stojol pale jch'ac ta vo'ch'ac ti c'u yepal ta xich' aq'uele. Mi laj taj une, ta xich' aq'uel ti chij ti ta xich' milel ta scoj ti mulile. Jech ti palee ta sta ti ch'aybil ta xc'ot smul scolo' ti buch'u jech laj spase. Tub ti mulil yu'une.

San Lucas 19:8

Va'i un, ti Zaqueoe lic sva'an sba ti xi laj yalbe ti Jesuse: —A'yio ava'i, Cajval, ti c'usitic x'ayan cu'une, ta xcac'be o'loluc ti me'onetique. Mi oy buch'u laj jlo'la ta sc'anbel ti staq'uine, chanib to velta ta jsutesbe.

1 Samuel 12:3

Ti mi oy bu xi s'elan laj jpas ta atojolique, li' oyune: Mi oy buch'u laj jcu'ninbe ti xvacaxe, mi ja' ti sburroe, mi oy buch'u laj cac'be ti svocole, mi ilbaj ti laj cute, mi oy bu lec laj ca'i ti laj jtsac ti mich'ob c'abale, chapanic jmul ta stojol ti Diose, xchi'uc ta stojol ti t'ujbil ajvalil yu'une. Ta jtoj ti c'u yepal ti quile.