Levítico 6:3 - Bible in Tzotzil de Chamula

³ mi ja' ti ta sbis ta yu'un ti c'usi naca stamol ti bu laj stae, mi ja' ti naca lo'lavanej ta spas ti oy c'usi xac'an xa ta rextico yilele, ti c'usiuc no'ox jtosucal ti jech ta spas ti smul taje,

Bible in Tzotzil de Chenalhó with Deuterocanon

³ Jech noxtoc me mu xal me oy c'usi la stame, o me oy c'usi laj yal ta jtojol ti jeche' no'ox i'epalc'opoje, li boch'o tspas jchopuc li mulil le'e,

Levítico 6:3 Iomraidhean Croise

Éxodo 23:4

“Mi oy bu cotol laj atabe xvacax, mi sburro ti avajcontra ti ch'ayem xa yu'une, macbo sutel talel.

Éxodo 28:42

Meltsano xtoc scom-com vex ta saquil poc' yo' jech ta smac ti yo'e.

Proverbios 24:28

Mu xlic ajol ta sa'bel smul ti avinquileltaque, mi ja'uc xapas ti jech xa yilel ti ac'ope.

Proverbios 30:9

Yu'un mi yepal no'ox jtaoje, mu nan xacac'ot ta venta un, ta xlic cal ti mu xacojtiquinot une. Mi ch'abal une, xu' xi'och ta elec' liquel un, ta xlic chopol c'opojcun ta ach'ul tojol un.

Jeremías 5:2

Oy buch'u ta xal ti nijil chimil ta yich'el ta muc' ti Diose, naca sba no'ox ye.”

Jeremías 7:9

Yu'un ta xa'elc'ajic, ta xamilvanic, ta xasa' amulic, naca yeilal no'ox ta xjelav avu'unic ti ta xava'an abaic ta rexticoe. Ta xavac'beic chic'bil pom ti Baale. Ta xanijan abaic ta yich'el ta muc' diosetic ti ma'uc aventaique.

Ezequiel 44:19

C'alal mu to xloq'uic talel ta amac' bu volol ti jteclume, tsots sc'oplal sloq'uicuc comel ti c'u'il laj stunesic ta ch'ulnae. Yictaicuc comel ta jujuc'ol naetic yu'un ti ch'ulnae yo' jech mu xch'am jteclum yutsilal slequilal ti c'u'ile.

Levítico 1:16

Ta sloq'uesbe ti xvuche xchi'uc ti sbele. Chba yac' ta xocon sloq'ueb c'ac'al yu'un ti altare, ja' ti bu oy xch'ayobil ti tane.

Levítico 16:4

Tsots sc'oplal ac'o slap ti tunco saquil c'u'il sventa abtelale, ti com-com saquil vexile, ti chuquile, xchi'uc ti saquil ts'ot jolile. Taje, ja' ti ch'ul c'u'il sventa abtelale. Ja' yu'un un, ti c'alal mu to ta slape, tsots sc'oplal ac'o spoc sba ta vo'.

Levítico 19:12

“Mu ta jeche'uc no'ox xava'anun ta rextico ti co'ol s'elan xc'ot xa xac'opoj yilele, yu'un ta xasoquesbe sc'oplal ti Dios avu'une. Yu'un vu'un ti Ajvalilune.

Zacarías 5:4

Ti Dios ti scotol xu' yu'une, yu'un mu lo'iluc no'ox ti xi ta xale: ‘Ta xcac' c'otuc bac vocol ta stojol ti buyuc no'ox nailal nacal ti buch'u ta x'elc'aje, xchi'uc ti bu nailal nacal ti buch'u ta jeche' no'ox ta sva'anun ta rexticoe. Yu'un lamal ta xcom o ti bac vocole, ja' to ti c'uxi ta xc'ot ta tsutsesel ti mu xa jbejuc sts'amte'altac, mi ja'uc jbejuc xa stanaltac ta xcom ti bu to ox ti nae.’ ”

Malaquías 3:5

Ti Dios ti scotol xu' yu'une xi ta xale: “Ta xtal jchapanoxuc ava'iic. Ti jech yorail taje, vu'un ta jva'an jba ta rextico ta scontrainelic ti buch'utic yac'ojbeic yipal ta sc'oponel ti sbel banomile, ti buch'utic ta xmulivaj ta yane, ti buch'utic ta jeche' no'ox ti c'usi ta sva'anic ta rexticoe, ti buch'utic ta xilbeic svocol ti j'abteletique, ti me'unal antsetique xchi'uc ti me'un mu'natetique, ti buch'utic mu'yuc stu ta xilic ti jyanlumetique, xchi'uc ti buch'utic mu x'ac'vanic ta ventae.