Levítico 6:2 - Bible in Tzotzil de Chamula

² “C'alal mi oy buch'u laj xa sta ti smule, ti oy smul c'ot ta stojol ti Dios ta scoj ti laj slo'la ti xchi'ile, ti ta xc'ot xa ta pasel ti mu xa sutes ti c'usi ac'bat xch'amune, mi ja' ti c'usi ta xelc'anbee, mi ja' ti oy c'usi ta stsatsal-poje,

Bible in Tzotzil de Chenalhó with Deuterocanon

² “Me oy boch'o la sta smule, me j'elec' ic'ot ta jtojol ta sventa ti la slo'la xchi'ile, me la scuy ta yu'un li c'usi ac'bil sventain, o li c'usi xch'amanoje, me laj yelc'an, o me la stsatsal poj no'oxe, oy smul chc'ot o.

Levítico 6:2 Iomraidhean Croise

Génesis 26:7

Va'i un, lic jac'batuc yu'un ti jnaclejetic teye c'usi yutoj ti Rebecae. Ti Isaaque lic xi'uc ta yalel ti ja' yajnile, yu'un laj yal ti ja' xchi'il ta voq'uele. C'upil sba ta j'ech'el ti Rebecae. Laj snop ti Isaaque ti xu' ta xlaj ta milel yu'un ti jnaclejetic teye ta scoj ti Rebecae.

Salmos 51:4

Laj jsa' jmul ta atojol, ja' no'ox ta atojol laj xa jsa' jmul un; laj xa jpasilan chopol ti albil sc'oplal ta xavac'be stojole. Ti chapanel ti loc' ta alel avu'une, oy stuq'uil ta j'ech'el, mi ja'uc yamal sc'oplal ti c'u s'elan c'ot ta nopel avu'une.

Proverbios 24:28

Mu xlic ajol ta sa'bel smul ti avinquileltaque, mi ja'uc xapas ti jech xa yilel ti ac'ope.

Proverbios 26:19

Ja' jech s'elan ec ti buch'u lec lectic sba ta slo'la ti buch'u lec xil sba xchi'uque, ts'acal to un, ta xal ti naca tajimol no'ox ta stojole.

Isaías 21:2

Xi'bal sba ta j'ech'el ti xi s'elan laj yac'bun quil ti Diose: Ti jpayvaneje ta x'ac'van ta c'abal. Ta x'ac'van ta vocol ti j'ac'vanej ta vocole. Lican va'lan, Elam. Volvananic, medoetic. Ta'lo xa xca'i ti oy buch'u x'ajetique.

Isaías 24:16

Ta jot to xchiquin banomil, ta xca'itic ti oy buch'u xi ta xq'uejintae: “Ich'biluc ta muc' ti buch'u xa'ibe ti sni' xchiquinale.” Ja'uc le' une xichi laj cale: Mu xa ono'ox cha'bel un, mu cha'bel ti ch'abal ti jlequil cutsilale. Ti jpayvanejetique mu'yuc xch'ulelic ta x'ac'vanic ta milel.

Isaías 33:1

Mu xa ono'ox cha'bel un, ti mu'yuc to avich'oj ilbajinel ti j'ilbajinvanejote, ti mu'yuc to paybil ac'oplal ti jpayc'opote. C'alal mi lajelav xa ta ilbajinvaneje, malao xa ono'ox ava'i ti ta stsuts ac'oplal ec une. Mi lajelav xa xchi'uc ti uni pay c'op une, pay xi no'ox avuni c'oplal ec.

Jeremías 9:5

Laj sc'oplal ta yalel yu'unic ma' ti melele, jujunic ta slabanic ti yane, nopem xa'iic ta sjutel ti c'ope. Mu albajuc xchopolal ti c'usi ta spasique, mu'yuc xa c'usi xut sjel ti sjolilal yu'unique.

Ezequiel 40:46

Ti jbej na sq'ueloj batel sti' ta yolon ti yolon xocon sloq'ueb c'ac'ale, ta stunesic paleetic ti buch'utic sbainojic ta sq'uelel ti altare. Naca snitilultac Sadoc ma' taje, ja' no'ox levitaetic xu' xnopajic ta tunel yu'un ti Diose.”

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 19:11

“Mu xa'elc'ajic. Mu xajutic c'op. Mi ja'uc xalo'laan abaic.

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 5:19

Taje, ja' jun matanal ti ta xich' svocol ta scoj ti mulile. Yu'un ti buch'u jech ta xaq'ue, ja' ta scoj ti oy smul ta stojol ti Diose.”

Levítico 6:1

Ti Diose xi laj yal ti c'alal laj sc'opon talel ti Moisese:

Amós 8:5

Ti vo'oxuque xachi ta xavalique: “¿C'usi to ora ta x'ech' sq'uinal ti ach' ue yo' jech xu' ta jchontic ti trigoe? ¿C'usi to ora ta x'ech' sc'ac'alil ti cuxob o'ntonale yo' jech xu' toyol ta jchontic ti sat ts'unubale, ti ja' o yorail ti mu ts'acaluc ta xich' tunesel ti sbisobile, ti ja' o yorail ti mu ts'acaluc ta xich' aq'uel ti c'usi chechbil ta xich' bisele?

Habacuc 1:13

¿C'u cha'al ta xavac' ave ati' yu'un ti c'usi chopole, c'alal ti vo'ote jelavem ti avutsil alequilale, ti xlaet no'ox ta xava'i yu'un ti c'usi chopol ta q'uelele? ¿C'u cha'al ya'yel un ti tey no'ox ts'ijil aq'ueloj ti j'ilbajinvanejetique, ti mu'yuc no'ox c'usi ta xaval yu'un ti buch'utic toj chopolic ti yacalic ta stubbel sc'oplal ti buch'utic mu xco'olaj ti yo'ntonic xchi'uque?

San Juan 8:44

Yu'un ti atotique, ja' ti pucuje. Yu'un ja' yu'unoxuc. Ja' ta xapas ava'iic jech c'u cha'al ta sc'an ti stuque. Ta sliquebal ono'ox, ja' jun jmilvanej ti pucuje. Mu xac' ta venta ti bu ja' melele. Mu no'ox meleluc sna' xal. Ti buch'u naca jutbil ti c'usi ta xale, jech ta xal jech c'u cha'al ti stuque. Yu'un jutc'op ono'ox ta j'ech'el, ja' jun totil jutc'op.

Hechos 5:4

Ti osil ti laj achone, ¿mi yu'un ma'uc avu'un? ¿Mi yu'un ma'uc avu'un ti taq'uine? ¿C'u cha'al jech laj anop? Ma'uc laj alo'la ti buch'uuc no'oxe, yu'un ja' laj alo'la ti Diose.

Efesios 4:25

Ja' yu'un un cha'e, lajuc sc'oplal avu'unic ta sjutilanel ti c'ope. Ta jujun tal, alanbo abaic ti bu ja' melele, yu'un jcotoltic junotic ta stojol ti Cristoe.

Colosenses 3:9

Ictaic ti jut c'op ta jujun tale, yu'un laj xa ajip laj xa atenic comel ti c'u s'elan to ox ta spas ti apoco' cuxlejalic ti mu'yuc c'usi lec laj apasic talel yu'une.

Apocalipsis 22:15

Ja'uc ti jchopol-joletique, ti j'ac'-chameletique, ti buch'u ja' no'ox batem ta yo'ntonic ti mulivajele, ti jmilvaneje, ti ta xich'ic ta muc' ti c'usitic meltsanbil ta c'abale, ti buch'utic lec xa'iic ti lo'lavaneje, scotolic taje ta xcomic ta spat ti jteclume.