Levítico 6:10 - Bible in Tzotzil de Chamula

¹⁰ Jech ti palee ta slap ti sc'u'e xchi'uc ti scom-com saquil vexe. Mi laj taj une, ta stsob loq'uel stanil ti chon bolom ti laj yich' chiq'uel ta sba ti altare. Ta xac' ta jot xocon ti altare.

Bible in Tzotzil de Chenalhó with Deuterocanon

¹⁰ Li palee ac'o slap li sc'u' xchi'uc li scomcom-vex pasbilic ta lino noe. Ts'acal ac'o stsob li stanil jmoton chich' chiq'uel te ta scajlebe; te ac'o yac' ta xocon li scajleb jmotone.

Levítico 6:10 Iomraidhean Croise

Salmos 20:3

Svulesucot ta yo'nton scotol ti matanal laj avaq'ue, ti lecuc yil ich'biluc c'otuc ta muc' yu'un ti laj achic' ta sba ti altare.

Salmos 37:20

Co'ol s'elan taquin momol ta xc'aq'uic ti buch'u mu'yuc xch'ulel xa'i sbaique; ti yajcontratac Diose, ta sac ch'ayic batel jech c'u cha'al junuc ch'ail.

Ezequiel 44:19

C'alal mu to xloq'uic talel ta amac' bu volol ti jteclume, tsots sc'oplal sloq'uicuc comel ti c'u'il laj stunesic ta ch'ulnae. Yictaicuc comel ta jujuc'ol naetic yu'un ti ch'ulnae yo' jech mu xch'am jteclum yutsilal slequilal ti c'u'ile.

Levítico 1:13

Va'i un, ti buch'u ta xac' ti chiq'uel ti chon bolome, tsots sc'oplal ta xich' sapbel lec ta vo' ti sbel xch'ute, xchi'uc ti yo'taque. Jech ti palee ta xchic' scotol ta sba ti altare, ti ja' jun chic'bil matanal ti jun yutsil smuil ta xich' ac'bel ti Diose.

Levítico 1:9

Ti buch'u ta xac' ta chiq'uel ti matanale, ac'o sapbe lec ta vo' ti sbiquile, xchi'uc ti yo'tac ti chon bolome. Jech ti palee ta xchic' scotol ta sba ti altare, ti ja' jun chic'bil matanale, ti jun yutsil smuil ta xich' ac'bel ti Diose.

Levítico 16:4

Tsots sc'oplal ac'o slap ti tunco saquil c'u'il sventa abtelale, ti com-com saquil vexile, ti chuquile, xchi'uc ti saquil ts'ot jolile. Taje, ja' ti ch'ul c'u'il sventa abtelale. Ja' yu'un un, ti c'alal mu to ta slape, tsots sc'oplal ac'o spoc sba ta vo'.

Levítico 2:11

“Mu xavac'beic spajubtasobil mi junuc matanal ti ja' sat ts'unubil ti ta xavac'beic ti Diose. Ti yan xtoque, j'ech'eluc mi ja'uc c'usi jtosuc spajubtasobil, mi ja'uc ajapom xu' ta xich' chiq'uel ti ta xich' aq'uel ta sventa smoton ti Diose.

Levítico 21:22

Ti buch'u taje, xu' ta sve' ti pan taje, ti c'usi ch'acbile, xchi'uc ti c'usi ts'uiltasbil ta j'ech'ele.

Levítico 4:12

ti xcaltique, ta scotlej ti ch'iom vacaxe, ta xich' loq'uesel batel ta loq'ueltic yu'un ti Axibalna ti bu q'uelbil leque, ti bu ta xc'ot yich' jipel ti tane. Ti bu busul ti tan taje, ta xich' busanbel si' ta sba ti ta xich' tsanbel sc'ac'ale.

Levítico 6:11

Ts'acal to un, ta xlic sjelta ti sc'u'e. Ta sjop loq'uel ti tane. Ta xbat yac' ta spat ti bu lamalic ta naclej ti bu tuc'ulanbile.

Levítico 6:18

J'ech'el ta xcom o ta stojol scotolic ti viniquetic ti ja' snitilultac ti Aarone, ti xu' ta stun ta slajesic ti c'u yepal albil sc'oplal ta xich'ic ti scomelal chic'bil matanaletic yu'un ti Diose. C'usiuc no'ox ti ech' sta ta tijbel sbec'tal ti chon bolom taje, laj sta ti tey xa jelav ti ventainbil c'ot eque.”

Levítico 6:22

Ja' jech ta xchapan xtoc ti banquilal palee, snitilul ti Aarón ti t'ujbil ta xc'ot yo' ta xcom ta q'uexolile: tsots sc'oplal ti lec ta xchiq'ue, yu'un ja' c'otem ta yu'un ti Diose.

Levítico 8:2

“Ti Aarón xchi'uc ti xnich'nabe, ic'o talel. Ich'o talel xtoc ti c'u'iletic sventa paleale, ti jtunel aceite sventa nupob abtelale, ti ch'iom tot vacax ti ta xich' svocol ta scoj ti mulile, ti cha'cot tot chije, ti jun moch pan ti mu'yuc ac'bil spajubtasobile.

Números 16:21

—¡Q'uejo abaic loq'uel ta stojol ti jteclum li'e, yu'un ta jliquel no'ox ta jtsutsesbeic sc'oplalic!

Números 16:35

Ma'uc no'ox taje, yu'un ti Diose tal yu'un c'oc' ti laj smil ta j'ech'el ti lajuneb yoxlajunvinic (250) ta vo' viniquetic ti laj yaq'uic ti pome.

Apocalipsis 19:14

Nabalic batel ta spat epal anjeletic ti lic talel ta vinajele, ti slapojic ti lino poc' ti jun yutsil ti saquile, ti cajalic ta saquil ca'e.

Apocalipsis 19:8

Albat xa sc'oplal ta slap ti lino poq'ue, ti xlaplun no'ox yutsil ti saquile. Yu'un ti lino taje, ja' sc'oplal ta xac' ta na'el ti oy slequil stuq'uil c'usitic laj spasic ti buch'utic yu'untac ti Diose.”

Apocalipsis 7:13

Va'i un, oy jun ta scotol ti moletique xi laj sjac'bune: “¿Buch'utic le'e, ti slapojic ti saquil c'u'ile? ¿Bu talemic?”