Levítico 5:7 - Bible in Tzotzil de Chamula

⁷ “Mi mu'yuctic lec c'usi x'ayan yu'un yo' ta sman jcotuc ti chije, ac'o yich' batel ta stojol Dios cha'cotuc tórtola, mi mo'oje, cha'cotuc bats'i paloma ti xi s'elan ta xich' aq'uel ta scoj ti mulil c'ot ta pasel yu'une. Ti jcote, ta xich' milel ta scoj ti mulile. Yan ti jcote, ta xc'ot ta chic'bil matanal.

Bible in Tzotzil de Chenalhó with Deuterocanon

⁷ “Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Levítico 5:7 Iomraidhean Croise

Levítico 12:6

“C'alal ta sta sc'ac'alil ti c'u sjalil ta xchabi sbae, c'usiuc no'ox ololal, mi querem, mi tseb, jech ti me'ile, ac'o yic' batel jcotuc tot chij ti yich'oj jun jabil ta ochebal sti' ti Axibalna ti bu nupel ta bee yo' jech ta xich' chiq'uel. Jech xtoc, ac'o yic' batel jcotuc paloma, mi mo'oje, ja'uc jc'otuc tortola ti ta xich' svocol ta sventa xch'ayobil ti mulil colo'ile ti ta xac'be ta yoc ta sc'ob ti palee.

Levítico 12:8

Ti mi mu stabe stojol jcot chij ti ta xac' ti me'ile, xu' ta xac' jcot tortola, mi mo'oje, xu' ta xac' cha'cot ch'iom paloma. Jcot ta xac' ti ta xich' chiq'uele. Ti jcot xtoque, ta xich' svocol ta milel ta scoj ti mulile. Jech ti pale une ta sc'an ti ac'o ch'aybatuc ti smul scolo'e, ja' to jech mesbil tusbil ta xc'ot ti antse.

Levítico 14:30

Ts'acal to un, ti palee ta xac' jcotuc ti tórtolae, mi ja' jcotuc ti ch'iom palomae, ja' ti c'u yepal xu' yu'un ta yaq'uel ti buch'u ta xich' poquel tusele.

Levítico 14:31

Ti jcot mute, ta xich' svocol ta scoj ti mulile. Ti jcote, ta xich' chiq'uel xchi'uc ti matanal sat ts'unubile. Jech ti palee ta stabe talel ti ch'aybil ta xc'ot smul ta stojol Dios ti buch'u ta xich' poquel tusele.”

Levítico 15:30

Jech ti palee ta xac'be yich' svocol jcotuc ta scoj ti mulile. Ja'uc ti jcote, ta xich' chiq'uel. Ja' jech ta sliques yabtel ti pale ta stojol ti Dios ta sventa spoquel stusel ti ants taje, ta scoj ti laj sta svocol ti xbelbun ti ya'lele.

Levítico 16:5

“Ti c'u yepal ti israeletique ta xac'beic cha'cotuc tot tentsun ti Aarone, ti ta xich' svocol ta scoj ti mulile, xchi'uc jcot tot chij ti ta xich' chiq'uele.

Levítico 27:8

Yan ti mi ja' jun me'un mu'nat ta j'ech'el ti mu xtoj yu'un ti c'u yepal albil sc'oplale, taje, ja' ta xcom ta sventa ti palee yo' jech xu' ta xnopbat ta ach' ti c'u yepal xtoj yu'un ti yaloje.

Levítico 5:11

“Yan ti mi mu'yuc c'usi x'ayan jutebuc yu'un yo' ta sman o cha'cotuc tórtolae, mi cha'cotuc ch'in palomae, ac'o yac' chibuc kilo harina ti lec t'ujbile ti ta xc'ot ta sventa xch'ayobil mulile. Mu me xac'be aceite, mi ja'uc pom ta sba, yu'un ja' jun xch'ayobil mulil.

Levítico 7:1

“Ti c'usi ta xich' svocol ta scoj ti mulile, ja' jun ch'ul matanal ta j'ech'el. Xi s'elan ti bijubtasel yu'un ma' taj une:

Levítico 9:3

Yan ti israeletique, albo ya'iic ti ac'o stsaquic talel jcotuc tot tentsun ti ta xich' svocol ta milel ta scoj ti mulile, jcotuc tot vacax xchi'uc jcotuc tot chij ti jun to jabil yich'oje, ti mu'yuc jutebuc ti xchopolile yo' jech ta xich' aq'uel ta chiq'uele.

Números 5:6

“Xi xcholet xavalbe ya'i ti israeletic jech c'u cha'al li'e: C'alal mi oy jun vinic mi jun ants, ti mu'yuc stuq'uil ta stojol ti Dios ti ta soques ta sts'i'le'el ti c'usi oy yu'un ti xchi'ile, ti jech ta spas taje, ta sta smul.

Números 6:10

Ta xvaxaquibal c'ac'al un, ta xich' batel ta stojol ti palee cha'cot tórtola, mi mo'oje, cha'cot ch'iom paloma ta ochebal sti' ti Axibalna ti bu nupel ta bee.

Números 6:11

Jech ti pale une ta xac' jcotuc ti ta xich' svocol ta scoj ti mulile. Ja'uc ti jcote, ta xich' xchiq'uel yo' jech ta xich' tael ti ch'aybil ta xc'ot ti mulil ti jech laj sta ti anil soquesel ta scoj ti animae. Ti jech c'ac'al taje, ja' o ta xlic ochuc ta yaq'uel ta tunel ta stojol ti Dios ti stsotsil sjol yan veltae.

San Mateo 10:16

“A'yio ava'iic, co'ol a'elanic jech c'u cha'al chij ta jtacoxuc batel ta stojol ti jti'vanej-oq'uiletique. Bijanic ec un, jechuc abijilic jech c'u cha'al ti jti'vanej-chone. Ti atalelic une, jechuc jech c'u cha'al ti palomae.

San Mateo 21:12

Ts'acal to ti Jesuse bat ta ch'ulna, laj snuts loq'uel scotol ti buch'utic ta xchonilajique xchi'uc ti ta xmanolajique. Laj svalc'unanbe xmexaic ti jel-taq'uinetique xchi'uc xilaic ti jchon-palomaetique.

San Mateo 3:16

C'alal laj yich' vo' ti Jesuse, loc' batel, ta jech yepal jam ti vinajele. Ti Jesuse laj yil ti Ch'ul Espíritu yu'un ti Diose ti co'ol s'elan jcot paloma ti ta xyal talel ta stojole.

San Lucas 2:24

Batic un, bat yaq'uic milbil matanal jech c'u cha'al yaloj ti oy c'usi tsots sc'oplal albil yu'un Dios ti xi ts'ibabile: “Ac'o yich'icuc batel cha'cot toltora, mi mo'oje, cha'cot paloma.”

2 Corintios 8:12

Buch'uuc no'ox ti ta sjunul yo'nton ta sc'an ta xcoltavane, ich'bil ta venta ta xc'ot yu'un Dios ti c'u yepal xu' yu'un ta xaq'ue. Yu'un ti Diose mu yu'unuc ta sc'anbe ti buch'u ch'abal c'usi x'ayan yu'une.