Levítico 5:6 - Bible in Tzotzil de Chamula

⁶ Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Bible in Tzotzil de Chenalhó with Deuterocanon

⁶ xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 5:6 Iomraidhean Croise

Ezequiel 40:39

Ta ochebal coriol yu'une, oy chancot mexa, cha'cha'cot ac'bil ta jujujot ta xtun ta smilobil chon bolometic ti ta xich' chiq'uel ti milbil matanaletic ta scoj ti mulil colo'ile.

Ezequiel 42:13

Ti vinique xi laj yalbune: “Ti ep ta c'ol naetic oy ta yeloval yolon ti yolon xocon sloq'ueb c'ac'ale, xchi'uc ti oy ta yeloval yolon ti yac'ol xocon sloq'ueb c'ac'ale, ta yeloval ti macbil amaq'ue, naetic ti ac'bil ta ventainele. Ti bu taje, c'otem ta na ta sventa stunesel matanaletic ti paleetic ti c'usitic c'otem ta ventae, ti buch'utic nabalic ta tunel yu'un ti Diose. Ti bu taje, c'otem ta yavil spajebal matanal ti ventainbile, jech c'u cha'al ti sat ts'unubale, ti ch'ayobil mulile, xchi'uc ti matanal xch'ayel stubel ti oy c'usi chopol c'ot ta pasele, yu'un ventainbil ti bu taje.

Ezequiel 44:27

C'alal ta xlic ochuc batel ta yamaq'uil yutil ch'ulna yo' ta xtune, ta xac' milbil matanal ta scoj mulil. Vu'un ta xcal mantal ti Ajvalilune.

Levítico 4:20

Ti xcaltique, jbel sc'oplal jech ta xich' pasbel ti ch'iom tot vacax jech c'u cha'al ti jcot tot vacax ti laj yich' milel ta scoj ti mulile. Jech ti pale une ta sta ti ta xch'ay ti smul scolo'ique. Tub ti mulil colo'ile.

Levítico 4:28

C'alal ta xil ti ja' mulil ti c'usi laj spase, tsots sc'oplal ac'o yic' batel ta matanal jcotuc me' tentsun ti mu'yuc jutebuc xchopolile, ti ja' ta xc'ot ta matanal ta scoj ti smul laj stae.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Levítico 4:32

“Yan ti mi ja' jcot chij ta xac' ta milel ta scoj smul ti buch'u taje, ac'o yic' talel jcotuc me' chij ti mu'yuc jutebuc xchopolile.

Levítico 4:35

Mi laj taj une, ta sloq'uesbe xtoc scotol ti xepu'ale jech c'u cha'al laj yich' pasbel ti chij ti laj yich' aq'uel ta milel ta sventa ti lajesobil o'ntonale. Ta xchic'be ti xepu'al ta altare co'ol xchi'uc ti yan matanaletic ti ta xchiq'uic ta sventa yich'el ta muc' ti Diose. Jech ti pale xtoc une ta sta ti ta xch'ay ti c'u s'elan staoj smul scolo' ti buch'u taje. Tub ti mulil colo'ile.

Levítico 6:6

Ti c'usi ta xich' svocol yu'un ta milel ta stojol ti Diose, sc'an ja'uc jcot chij ti mu'yuc jutebuc ti xchopolile, ti vo'ot ta xaval ti c'u yepal xtojolin o ta xavile, ti ja' sts'unub stuc ta xich' batel ta stojol ti palee, ti ta xich' milel ta scoj ti mulile.

Números 6:12

Yu'un ta ach' ta sliques ti ta xac' sba ta tunel yu'un ti Diose. Ja'uc ti c'u s'elan laj sliques ta ba'yele, mu'yuc xa tsacbil c'ot ta venta. Yu'un ti stsotsil ti laj xch'acbe sc'oplal ti ta xc'ot ta tunel yu'un ti Diose, yu'un c'ot ta soquel. Ja' jech xtoc ac'o yic' batel jcotuc chij ti yich'oj jun jabil ti ta xich' svocol ta scoj ti mulil colo'ile.