Levítico 5:16 - Bible in Tzotzil de Chamula

¹⁶ Ti buch'u jech taje, tsots sc'oplal ac'o stoj ti c'u yepal ch'ay ta yoc ta sc'ob ti c'usitic ch'acbil ta sventa yu'un ti Diose. Ja' slecoj ti ta to xac' ta stojol pale jch'ac ta vo'ch'ac ti c'u yepal ta xich' aq'uele. Mi laj taj une, ta xich' aq'uel ti chij ti ta xich' milel ta scoj ti mulile. Jech ti palee ta sta ti ch'aybil ta xc'ot smul scolo' ti buch'u jech laj spase. Tub ti mulil yu'une.

Bible in Tzotzil de Chenalhó with Deuterocanon

¹⁶ Li boch'o jech la spas ti muc ts'acaluc xac' li c'usi voc'bil ta jtojole, ac'o sts'acubtas, xchi'uc ac'o yac'be sjol jun ta vo'vo'. Ja' ac'o yac'be li palee. Li palee ja' ac'o yac' ta ch'aybel o smul ta sventa li chij laj yaq'ue, jech ch'aybil smul chc'ot o.

Levítico 5:16 Iomraidhean Croise

Salmos 69:4

Yepal ta j'ech'el ti ta jech no'ox yepal xti'et ti sjolic ta jtojole, ja' mu sta yepal ti stsatsal jole; yepal ta j'ech'el ti jcontratac ti ta jech yepal ta stubbeic ya'iic ti jc'oplale. Ta stsatsal c'anic ti jsutesbeicuc ti c'usi mu'yuc quelc'anoje.

Éxodo 22:1

“Mi oy bu ta xc'ot ta pasel ti oy buch'u ta xelc'an jcotuc vacaxe, mi jcotuc chij, mi ta smil, mi ta xchon, vo'cot vacax ta xq'uexta sutel ta sventa ti jcot vacaxe. Chancot chij ta xq'uexta sutel ta sventa ti jcot chije.

Levítico 22:14

“Mi oy buch'u mu yaleluc laj spas ti laj slajes ti c'usi ts'uiltasbile, tsots sc'oplal ta xq'uextabe sutel ti pale ti c'u yepal laj stun laj slajese, xchi'uc ta to xac' jbus ta vo'ch'ac.

Levítico 27:13

Yan ti mi mu to xloc' ta yo'nton ti ta xac' ti xchon sbolome, tsots sc'oplal ta xac' comel jch'ac ta vo'ch'ac ti c'u yepal albil sc'oplal ti ta xich' tojele.

Levítico 27:15

Yan ti mi oy bu ta xc'ot ta pasel ti ta xich' ya'i sutel sna ti buch'u laj yac' ta tunel yu'un ti Diose, tsots sc'oplal ta xac' comel jch'ac ta vo'ch'ac ti c'u yepal laj yich' nopel stojol ti nae. Ta xcom ta yu'un ti nae.

Levítico 27:27

Yan mi ma'uc aq'uel ta matanal ti chon bolome, xu' ta xich' xq'uextael, ja' ti c'u s'elan ta xich' nopel ta xich' tojel loq'uele. Ta to xac' comel jch'ac ta vo'ch'ac ti c'u yepal albil ti stojole. Yan mi mu'yuc xa ta xich' pojel loq'uele, ta xich' chonel ta yan ti jech ono'ox stojol jech c'u cha'al nopbile.

Levítico 27:31

Mi oy buch'u ta xcha'ich' ya'i sutel ti jujun lajlajunebe, ac'o stoj ti c'u yepal ti stojole, xchi'uc ta to xac' comel jch'ac ta vo'ch'ac ti c'u yepal ti stojole.

Levítico 4:20

Ti xcaltique, jbel sc'oplal jech ta xich' pasbel ti ch'iom tot vacax jech c'u cha'al ti jcot tot vacax ti laj yich' milel ta scoj ti mulile. Jech ti pale une ta sta ti ta xch'ay ti smul scolo'ique. Tub ti mulil colo'ile.

Levítico 4:26

Va'i un, ta xchic' scotol ti xepu'al ta sba ti altare jech c'u cha'al laj yich' pasbel xepu'al ti laj yich' milel ta matanal ta sventa ti lajesobil o'ntonale. Jech ti pale une ta sta ti ta xch'ay smul scolo' ti banquilale. Tub ti mulil colo'ile.

Levítico 5:10

Yan ti xchibale, ta xchic' jech c'u cha'al albil sc'oplal ti liquem ono'oxe. Jech ti palee ta sta ti ta xch'ay smul scolo' ti buch'u jech c'ot ta pasel yu'une. Jech c'ot ta tubel ti smul scolo'e.

Levítico 5:13

Ja' jech ti palee ta sta ti ta xch'ay smul scolo' ti buch'u jech c'ot ta pasel yu'une. C'ot ta tubel ti smule. Va'i un, ti c'u yepal scomelale, ja' xa yu'un ti palee jech c'u cha'al laj yich' pasel ti matanal ti sat ts'unubiletic ti laj yich' aq'uele.”

Levítico 5:6

Va'i un, ac'o yac' ta stojol Dios jcotuc sme' yuni ts'unub stuc ti ta xich' svocol ta milel ta scoj ti mulil c'ot ta pasel yu'une, xu' jcotuc me' chij, mi mo'oje, jcotuc me' tentsun. Ta sventa ti milbil matanal taje, ti palee ta sta ti ch'aybil smul scolo' ta xc'ot ti buch'u jech c'ot ta pasel yu'une.

Levítico 7:2

Ti chon bolom ti ta xich' aq'uel ta scoj ti mulile, tsots sc'oplal ta xich' c'ocbel snuc' ti bu ta xich' milel ti chon bolometic ti ta xich' aq'uel yo' ta xich' chiq'uele. Ti xch'ich'el xtoque, ta xich' vijel ta sba xchi'uc ta sjoylej ti altare.

Números 5:7

Ja' yu'un un, tsots sc'oplal, ac'o ya'i sba. Ma'uc no'ox taje, ac'o stojbe sutel ti buch'u oy c'usi laj soquesbe ta sts'i'le'ele. Yu'un ja' jech yepal ta stoj ti c'u yepal laj soques ta sts'i'le'ele, xchi'uc ta to xac' jch'ac ta vo'ch'ac ti c'u yepale.

Números 5:8

Yan ti mi chamem xa ti buch'u oy c'usi laj yich' soquesbele, ti mi mu'yuc yuts' yalal ti xu' ta xich' ti c'usi ta xich'be stojole, ja' xa ta xcom ta yu'un ti Diose yo' jech ta xtun yu'un ti palee. Ma'uc no'ox me un, yu'un ti palee, ac'o ono'ox me yac' ti chij ti ta xjelav ta xch'ayobil smul ti buch'u taje.

San Lucas 19:8

Va'i un, ti Zaqueoe lic sva'an sba ti xi laj yalbe ti Jesuse: —A'yio ava'i, Cajval, ti c'usitic x'ayan cu'une, ta xcac'be o'loluc ti me'onetique. Mi oy buch'u laj jlo'la ta sc'anbel ti staq'uine, chanib to velta ta jsutesbe.

Hechos 26:20

Ba'yel lic cal ti ca'yej ta stojol ti jnaclejetic ti oyic ta Damascoe, ta stojol xtoc ti jnaclejetic ti oyic ta Jerusalene, ta scotol ti Judea banomile, xchi'uc ta stojol ti jyanlumetique, ta yalbel ya'i ti ac'o yictaic ti chopol yo'ntonique ti suticuc talel ta stojol ti Diose, ta spasel ti c'usi leque, yo' ta xvinaj jelbil ti yo'ntonique.

1 Samuel 6:3

Xi laj stac' ti stuquique: —Ti mi ta xasutesic batel ti xcaxa Dios yu'un ti Israele, mu xa ta jeche'uc no'ox ta xasutesic. Yu'un me ta sc'an ac'bel jutebuc sventa slajesobil yo'nton ti Diose. Va'i un, ti vo'oxuc une ta xacolic, ja' to ta xlic avilic c'u cha'al ti mu xayictaoxuc ta stsitsele.