Levítico 5:1 - Bible in Tzotzil de Chamula

¹ “Mi oy buch'u ta xich' tael ta iq'uel ti ac'o yal ta jamal ti c'usi ta xjac'bate, ti ja' rextico stuc ti c'usi laj yile, mi ja' ti c'usi laj ya'ie, mi yalel xa mu xal une, laj xa sta smul. Ma'uc no'ox taje, yu'un xcuchoj me ta xc'ot ti mulile.

Bible in Tzotzil de Chenalhó with Deuterocanon

¹ “Me oy boch'o ch-ic'at ta testigoal ta sventa ti ja' yiloj, o ja' sna' lec li c'usi c'otem ta pasele me mu sc'an xale, oy smul chc'ot ec.

Levítico 5:1 Iomraidhean Croise

1 Reyes 22:16

Ja'uc le' une, xi tac'bat yu'un ti ajvalile: —Ep xa ta velta calojbot ava'i ti c'alal ta xac'oponun ta sventa ti Diose, ti ja' no'ox ta xavalbun ti melele.

1 Reyes 8:31

“C'alal mi oy buch'u ta sta smul ta yac'bel svocol ti xchi'ile, ti ta sujat ta yalel ti ac'o sva'an ta rextico ti altar yu'un ti ch'ulna li'e,

2 Crónicas 18:15

Ja'uc le' une, xi laj stac' ti ajvalile: —¿Jayib velta calojbot ava'i ti c'ajomaluc xavalbun ti melel ta sventa ti Diose?

Salmos 38:4

Abol xa jba yu'un ti jmule; jun muc' ta vocol ti mu xcuch cu'une.

Éxodo 22:11

jech ti buch'u c'ubanbile, jamal ta xal ta stojol ti yajvale, xchi'uc ta stojol ti Diose, ti ma'uc laj yelc'an ti c'usi c'ubanbil yu'un ti yane. Jech ti yajvale ta xich'be ta muc' ti sc'ope. Ja' yu'un un, mu'yuc ta stoj ti c'usi ch'aye.

Proverbios 29:24

Ti buch'u co'ol sba xchi'uc ti j'eleq'ue, laj xa sten sba xcaltic, ac'o mi ta sbise ta cotol chaval, laj ta alel ti ta svinajes sbae.

Proverbios 30:9

Yu'un mi yepal no'ox jtaoje, mu nan xacac'ot ta venta un, ta xlic cal ti mu xacojtiquinot une. Mi ch'abal une, xu' xi'och ta elec' liquel un, ta xlic chopol c'opojcun ta ach'ul tojol un.

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

Jeremías 23:10

Ti jteclume, naca mulil batem ta yo'ntonic. Ti jnaclejetique xbitetic no'ox ta spasel ti c'usi chopole, ti tsatsuneb xa'i sbaic ta ilbajinvaneje. Jech o xal ti Diose laj sbis ta cotol chaval ti banomile, taquij ti banomile. C'oxoxib ta j'ech'el ti yaxaltic ti oy ta sbajtical banomile.

Ezequiel 18:20

Ti buch'u ta sa' ti smule ta xcham. Mu stojbe smul stot ti nich'onile. Mi ja'uc ti totil ta stojbe smul ti xnich'one. Ta matanal ta sta lequilal ti buch'u oy stuq'uil slequile. Ta sta tsitsel ta scoj xchopolal ti buch'u mu'yuc xch'ulel xa'i sbae.

Ezequiel 18:4

Scotol jnaclej oy ta coc ta jc'ob jech c'u cha'al ti totiletique, ti nich'nabiletique. Ti buch'u ta sa' ti smule ta xcham.

Levítico 17:16

Yan ti mi mu xchuc' ti sc'u'e, mi mu spoc sba ta vo'e, cajal ta xc'ot ta sba ti smule.”

Levítico 19:8

Ja'uc ti buch'u ta sti'e, cajal ta xc'ot ta sba ti smule. Tenbil ta xloc' yu'un ti slumal ta scoj ti laj soquesbe sc'oplal ti c'usi c'ot ta yu'un ti Diose.

Levítico 20:17

“Mi oy buch'u ta xlic yajnilin ti xchi'il ta voq'uele, mi ja' ta sventa ti stote, mi ja' ta sventa ti sme'e, ti jech ta sta sbaic ta chi'inele, ta sba ta sat ti steclumale, xchibalic ta xich'ic milel. Yu'un ti jech ta sta sbaic ta chi'inel xchi'uc ti xchi'il ta voq'uele, q'uexlal sba ta j'ech'el. Yu'un ti buch'u jech ta spase, cajal ta xc'ot ta sba ti mulil colo'ile.

Levítico 4:2

“Albo ya'iic ti israeletique, mi oy bu ta xc'ot ta pasel ti oy buch'u ta sta smul ta scoj ti mu'yuc xa'i c'uxi laj scontrainbe jtosuc ti mantaletic yu'un ti Diose, xchi'uc ti laj spas ti c'usi albil sc'oplal ti mu xu' jech ta xich' pasele, xi s'elan ac'o yich' pasele:

Levítico 5:15

“Ti buch'u mu'yuc xa'i sba c'uxi bat ti oy smul c'ote, ti ts'acal to vinaj ti ja' smul c'ot ta scoj ti mu'yuc xac' ti c'usi oy sc'oplal ti ja' yu'un ti Diose, ac'o yich' talel jcotuc sts'unub stot chij ti mu'yuc jutebuc c'usi xchopolile, ti ja' ta xich' svocol yu'un ta scoj ti smule. Ac'o yich' aq'uel ta stojol ti Diose. Ti stojol ti chij xtoque, ac'o yich' q'uelel c'u yepal plata taq'uin xtojolin o yu'un, ja' ti c'u s'elan liquem yu'unic ta ch'ulna ta sventa ti matanal yu'un ti mulile.

Levítico 5:17

“Mi oy buch'u ta sta smul ta spasel ti c'usi contra xil sba xchi'uc smantaltac ti Diose, ac'o mi mu xa'i sba ti jech oy smule, yu'un tsots sc'oplal ti xcuchoj ta xcom stuc ti smule.

Levítico 7:18

Yu'un mi oy buch'u ta sti' ti beq'uet ta yoxibal xa c'ac'al ti laj yich' svocol ta sventa ti lajesobil o'ntonale, mu'yuc xa tsacbil ich'bil ta muc' ta xc'ot ti jech laj yich' svocole. Bajbil ta xc'ot ti sbec'tale. Jech ti buch'u ta sti'be ti sbec'tal taje, xcuchoj lec ta xcom ti mulil taje.

Números 9:13

Yan ti buch'u ta xicta sba ta spasel q'uin Colel ti c'alal mu'yuc soquesoj sbaique, ti mu'yuc nom batemique, tenbil ta xloc' ta stojol ti xchi'iltaque. Yu'un mu'yuc laj yac'be smoton ti Dios ti c'alal ja' o sc'ac'alile. Ta xich' tsitsel yu'un ti smule.

San Mateo 26:63

Ti Jesuse ts'ijil com. Jech o xal ti banquilal palee xi laj yalbee: —Ta sba ta sat ti cuxul Diose, jamal albun ca'icutic, ¿mi vo'ot ti Cristo Xnich'onot ti Diose?

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.

Jueces 17:2

ti xi laj yalbe ti sme'e: —Ti buluchib ciento (1,100) ta sep plata taq'uin ti laj aval ti ch'aye, ti laj abis ta cotol chaval sc'oplal ti j'eleq'ue, vu'un bac' coc jc'ob ta yelc'anel. Avie, ta jsutesbot, yu'un laj ca'i ti avac'ojbe xa sventain Dios yo' ta xich' meltsanel dios ti bonbil ta platae. Va'i un, ti me'ile xi tsots laj yale: —¡Ac'o sva'an sba ta atojol ti Diose, col!