Levítico 4:26 - Bible in Tzotzil de Chamula

²⁶ Va'i un, ta xchic' scotol ti xepu'al ta sba ti altare jech c'u cha'al laj yich' pasbel xepu'al ti laj yich' milel ta matanal ta sventa ti lajesobil o'ntonale. Jech ti pale une ta sta ti ta xch'ay smul scolo' ti banquilale. Tub ti mulil colo'ile.

Bible in Tzotzil de Chenalhó with Deuterocanon

²⁶ Scotol li xepuale ac'o yich' chiq'uel te ta scajleb jmoton jech chac c'u cha'al chich' chic'bel xepual li matanal sventa lec chaquiloxuque. Ja' jech ac'o spas li pale ta sventa chch'aybe smul li jun banquilal avu'unique, jech ch'aybil smulic chc'ot o.

Levítico 4:26 Iomraidhean Croise

2 Crónicas 29:24

Ti paleetic une lic smilic. Laj svajbeic ti xch'ich'el ta sba ti altare, ti c'ot ta matanal ta sventa ti mulile yo' jech ta xich' tabel ti ch'aybil ta xc'ot smul scotol ti Israele, yu'un laj ono'ox yal mantal ti ajvalile, ti yich'uc chiq'uel ti matanal ta sventa scotol ti Israele.

Ezequiel 43:22

Ta yoc'omal une, ta xavac'be yich' svocol jcot ch'in tentsun ti mu'yuc xchopolal ta xtun ta sventa xch'ayobil ti mulile. Ti paleetique ta smes stusic ti altare jech c'u cha'al laj spasic xchi'uc ti ch'in tot vacax laj yaq'uique.

Levítico 1:4

Va'i un, ta scajan sc'ob ta sjol ti chon bolome. Jech ti chon bolom une, tsacbil ich'bil ta xc'ot ta muc' yo' jech ta xich' tael ti ch'aybil ta xc'ot ti smul scolo'ique.

Levítico 12:8

Ti mi mu stabe stojol jcot chij ti ta xac' ti me'ile, xu' ta xac' jcot tortola, mi mo'oje, xu' ta xac' cha'cot ch'iom paloma. Jcot ta xac' ti ta xich' chiq'uele. Ti jcot xtoque, ta xich' svocol ta milel ta scoj ti mulile. Jech ti pale une ta sc'an ti ac'o ch'aybatuc ti smul scolo'e, ja' to jech mesbil tusbil ta xc'ot ti antse.

Levítico 14:18

Ja'uc ti c'u yepal com scomelal ti aceitee, ta xjaxbe ta sjol ti buch'u ta xich' poquel tusele. Jech ti pale une ta stabe talel ti ch'aybil ta xc'ot smul ta stojol ti Dios ti buch'u taje.

Levítico 15:15

Va'i un, ti palee ta xac'be yich' svocol jcotuc ta scoj ti mulile. Ja'uc ti jcote, ta xich' chiq'uel. Ta sliques yabtel ta spoquel stusel ta stojol Dios ta sventa ti vinic ti buch'u ta xich' svocol yu'un ti c'usi ta xjelave.

Levítico 17:11

Yu'un scotol ti c'usitic xvic'lajet ti sate, ja' cuxulic yu'un ti xch'ich'elic ti oy ta sbec'talique. Laj cac' ti c'ot ta jtunel ta atojolic ti ch'ich'e yo' jech ta xtun ta altar. Yu'un ja' ta sventa ti ch'ich'e, c'ot ta jpojvanej avu'unic yu'un ti ach'iel ac'opojelique. Ja' yu'un un, ti ch'ich'e, c'ot ta spojel ti ach'iel ac'opojelique.

Levítico 19:22

Ta sventa ti jcot chij taje, ti ta xich' svocol ta scoj ti colo'ile, jech ti pale une ta sc'anbe Dios ti ac'o ch'aybatuc smul ti vinic taje. Jech ti bu laj sta smule, ch'aybil xc'ot.

Levítico 3:5

Jech ti paleetique ta xchiq'uic scotol ta sba ti altar taje, jmoj xchi'uc ti chon bolom ti bu ta xtil ti si'e. Yu'un ja' jun chic'bil matanal ti jun yutsil smuil ta xich' ac'bel ti Diose.

Levítico 4:19

Ja' jech xtoc ta sloq'uesbe scotol xepu'al ti ch'iom tot vacaxe, ti ta xchic' ta altare.

Levítico 4:20

Ti xcaltique, jbel sc'oplal jech ta xich' pasbel ti ch'iom tot vacax jech c'u cha'al ti jcot tot vacax ti laj yich' milel ta scoj ti mulile. Jech ti pale une ta sta ti ta xch'ay ti smul scolo'ique. Tub ti mulil colo'ile.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Levítico 4:35

Mi laj taj une, ta sloq'uesbe xtoc scotol ti xepu'ale jech c'u cha'al laj yich' pasbel ti chij ti laj yich' aq'uel ta milel ta sventa ti lajesobil o'ntonale. Ta xchic'be ti xepu'al ta altare co'ol xchi'uc ti yan matanaletic ti ta xchiq'uic ta sventa yich'el ta muc' ti Diose. Jech ti pale xtoc une ta sta ti ta xch'ay ti c'u s'elan staoj smul scolo' ti buch'u taje. Tub ti mulil colo'ile.

Levítico 5:10

Yan ti xchibale, ta xchic' jech c'u cha'al albil sc'oplal ti liquem ono'oxe. Jech ti palee ta sta ti ta xch'ay smul scolo' ti buch'u jech c'ot ta pasel yu'une. Jech c'ot ta tubel ti smul scolo'e.

Levítico 5:13

Ja' jech ti palee ta sta ti ta xch'ay smul scolo' ti buch'u jech c'ot ta pasel yu'une. C'ot ta tubel ti smule. Va'i un, ti c'u yepal scomelale, ja' xa yu'un ti palee jech c'u cha'al laj yich' pasel ti matanal ti sat ts'unubiletic ti laj yich' aq'uele.”

Levítico 5:16

Ti buch'u jech taje, tsots sc'oplal ac'o stoj ti c'u yepal ch'ay ta yoc ta sc'ob ti c'usitic ch'acbil ta sventa yu'un ti Diose. Ja' slecoj ti ta to xac' ta stojol pale jch'ac ta vo'ch'ac ti c'u yepal ta xich' aq'uele. Mi laj taj une, ta xich' aq'uel ti chij ti ta xich' milel ta scoj ti mulile. Jech ti palee ta sta ti ch'aybil ta xc'ot smul scolo' ti buch'u jech laj spase. Tub ti mulil yu'une.

Levítico 5:18

Ja' yu'un un, tsots sc'oplal ac'o yich' talel jcotuc sts'unub chij ti mu'yuc jutebuc c'usi xchopolile. Ti stojole, tey xaq'uel c'u yepal xtojolin o. Ja' jech xtoc ta xich' batel ta stojol ti palee yo' ta xc'ot ta stojol ti mulile. Ja' to jech ta xich' tael ti ta xch'ay smul ti buch'u mu'yuc xa'i c'uxi bat ti oy smul c'ote. Tub ti mulil yu'une.

Levítico 6:7

Va'i un, ti palee ta sta ti ch'aybil smul ta xc'ot ta stojol Dios ti buch'u oy c'usiuc jtosucal laj sta o ti smule, ja' to jech ch'aybil ta xc'ot ti mulile.”

Números 15:25

Ts'acal to un, ti palee ta sliques ti c'u s'elan ta pasele yo' ta xich' tael ti ch'aybil ta xc'ot smul scotol ti jteclum Israele. Jech ti vu'une ta jtubbe ti smulique, ja' ti mu yolobajuc laj spasic ti bu mu lecuc bat yu'unique. Yu'un laj yac'beicun ti matanale xchi'uc stojol ti mulile.

Números 15:28

Va'i un, ti palee ta sliques ti c'u s'elan ta pasele yo' jech ta xich' tael ti ch'aybil ta xc'ot smul ti buch'u ti mu yolobajuc laj spase. Jech ti vu'une ta jch'aybe ti smul scolo'e.