Levítico 4:2 - Bible in Tzotzil de Chamula

² “Albo ya'iic ti israeletique, mi oy bu ta xc'ot ta pasel ti oy buch'u ta sta smul ta scoj ti mu'yuc xa'i c'uxi laj scontrainbe jtosuc ti mantaletic yu'un ti Diose, xchi'uc ti laj spas ti c'usi albil sc'oplal ti mu xu' jech ta xich' pasele, xi s'elan ac'o yich' pasele:

Bible in Tzotzil de Chenalhó with Deuterocanon

² “Albo ya'yic scotol achi'iltac li c'usi chacalbot li'i: Me oy boch'o tsta smul ta sventa li jmantaltac ti muc ta yutsiluc yo'nton la spasique, xchi'uc me oy tspasic li c'usi sc'oplal mu stac' chapasique, tsc'an jech ac'o spasic chac li'i:

Levítico 4:2 Iomraidhean Croise

Génesis 20:9

Ts'acal to un, ti Abimeleque laj sta ta iq'uel ti Abrahame, ti xi laj yalbee: —¡Q'uel avil ti c'usi laj apasbuncutique! ¿Bu laj jsoquesbot avo'nton ti jech xtal avac'bun ta jba jun muc'ul mulil xchi'uc ti c'u yepal oy ta jnae? Mu stac' alel ti c'usi laj apase.

Salmos 19:12

¿Mi oy la buch'u ta xil stuc ti bu chopol ta xbat yu'une? Ch'ayo jpimil jtoyobbail, Cajval, mu xquil bu chopol ta xbat cu'un.

Salmos 19:13

Jipbo loq'uel ta yo'nton stoyobbail ti avajtunele; mu aq'uelojuc ta xistsalun ti jtoyobbaile. Ti jech une, mu xitabat ti chopol jc'oplal une; mu lamaluc xc'ot ta jtojol mulil ti mu stac' albel ti sc'oplale.

Eclesiastés 5:6

Mu aq'uelojuc aba ta xata amul ta bet'bunel avee, ti xaval xa liquel ta ts'acal to ta stojol ti yajtunel Diose, ti mu'yuc stuq'uil laj anope. ¿C'u cha'al ta xavac' ilinuc Dios ti jech laj avale, xchi'uc ta soquesel ti c'usi ta xapas oxe?

Levítico 22:14

“Mi oy buch'u mu yaleluc laj spas ti laj slajes ti c'usi ts'uiltasbile, tsots sc'oplal ta xq'uextabe sutel ti pale ti c'u yepal laj stun laj slajese, xchi'uc ta to xac' jbus ta vo'ch'ac.

Levítico 4:1

Ti Diose xi laj yalbe ti Moisés ti c'alal laj sc'opon talele:

Levítico 4:13

“Yan mi scotol ti israeletic ti mu'yuc xa'iic c'uxi chopol batique, xchi'uc ti mi mu'yuc buch'u junucal yu'unic ti laj sna' ti oy xa smulic ic'ot ti contrain xil smantaltac Dios ti c'usi chopol laj xa spasique,

Levítico 4:22

“Mi ja' jun banquilal laj sta smul ti oy bu laj scontrainbe smantaltac ti Ajvalil Dios yu'une, oy ono'ox smul, ac'o mi ma'uc ta yutsil yo'nton laj spas.

Levítico 4:27

“Mi laj sta smul junuc xocol vinic ti mu sna' mi ja' smule, oy ono'ox smul ta scoj ti ta scontrainbe smantaltac ti Diose.

Números 35:11

tsots sc'oplal sc'an xat'ujic jayibuc lumetic ti ta xtun ta sventa pojobbaile yo' jech oy bu xu' ta snac' sba ti buch'u mu yaleluc ta xmilvane.

Deuteronomio 19:4

Yu'un ti buch'u mu yaleluc laj spas ti milvane, xu' chbat snac' sba yo' jech mu xtae ta milel mi ta xvinaj ti mu yaleluc laj spase, xchi'uc ti mu'yuc bu sna' scontrain sbaique.

1 Timoteo 1:13

manchuc mi lichopol-c'opoj ta stojol ta vo'nee, ti laj quilbajine, ti laj jsa'be smule. Ja'uc ti Diose laj xc'uxubinun, yu'un mu jna' ti c'usi ta jpase, yu'un ma'uc jch'unolajelun to ox.

Hebreos 5:2

Ti jech ta xa'i svocol ta sbec'tal stacopal stuc ti banquilal palee, jech o xal un, ta xc'uxubaj yo'nton yu'un ti buch'u mu sna'ic ti c'usi lec ta pasele, xchi'uc ti buch'utic ch'ayemic ta bee.

Hebreos 9:7

Ti ta xcha'c'olale, ja' no'ox ta x'och batel jcoj ta jabil ti banquilal palee. C'alal ta x'och batele, tsots sc'oplal ta xich' ochel xch'ich'el chon bolometic ti ta xac' ta sventa stojol smul ti stuque, xchi'uc stojol smulic ti jteclum ti bu mu'yuc laj ya'iic laj sta ti smulique.

Santiago 3:10

Yu'un ta eil ti'il, oy c'usi lec ta xloc' ta alel, ta eil ti'el no'ox, ti bisvanej ta cotol chavale. Ma'uc lec ma' ti jech taj une, Jchi'iltac.

1 Samuel 14:27

Ja'uc ti Jonatane mu'yuc ya'binoj ti oy c'usi sva'anoj sba ta yalel ti stot ta stojol ti yajsoldadotaque. Laj xul o talel ta snamte' ti oy ta sc'ob ti xpechequil ajapome, laj slo'. Ta jech to yepal xcuxet to batel ti banomil laj ya'ie.