Levítico 4:15 - Bible in Tzotzil de Chamula

¹⁵ Jech ti moletic yu'un ti israeletique ta scajan sc'obic ta sjol ti ch'iom tot vacax ta stojol ti Diose. Ti bu taje, tey no'ox ta sc'ocbeic snuc'.

Bible in Tzotzil de Chenalhó with Deuterocanon

¹⁵ Li moletic yu'unique, ac'o yac' sc'obic ta sjol li vacaxe, xchi'uc te ac'o smilic ta jtojol, vu'un li Muc'ul Diosune.

Levítico 4:15 Iomraidhean Croise

2 Crónicas 29:23

Ta ts'acal to un, laj yiq'uic batel ta stojol ajvalil xchi'uc ta stojol jteclum ti ch'in tentsunetic sventa xch'ayobil ti mulile, ti laj scajan sc'obic ta sba chon bolom ti stuquic une.

Éxodo 24:1

Ti Diose xi laj yalbe ti Moisese: —Ti bu oyune, muyan talel xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele, ti nom nom xavac' abaic xtoque. Ti bu taje, tey xaquejan abaic.

Éxodo 24:9

Va'i un, ti Moisese muy batel ta vits xchi'uc ti Aarone, ti Nadabe, ti Abiue, xchi'uc ti lajuneb xchanvinic (70) ta vo' moletic yu'un ti Israele.

Levítico 1:3

“Ti mi ja' yu'un stuc ti chon bolom ta xac' ta chic'bil matanele, sc'an ti ja'uc jcot tot vacax ti mu'yuc jutebuc xchopolile. Yo' jech ich'bil tsacbil ta xc'ot, tsots sc'oplal ta xich' aq'uel ta stojol Dios ta ochebal sti' ti Axibalna ti bu nupel ta bee.

Levítico 1:4

Va'i un, ta scajan sc'ob ta sjol ti chon bolome. Jech ti chon bolom une, tsacbil ich'bil ta xc'ot ta muc' yo' jech ta xich' tael ti ch'aybil ta xc'ot ti smul scolo'ique.

Levítico 16:21

Va'i un, ta scajan sc'ob ta sjol ti tentsune. Jamal ta xal ti ac'o yich'be batel scotol ti xchopolalique, ti stoyobbailique, xchi'uc smulic ti israeletique. Ti jech taj une, ta scajanbeic batel ti mulil ta sjol ti tentsune. Oy buch'u ta x'abolaj ta yiq'uel batel yo' jech ta scolta comel ta sbajtical banomil.

Levítico 4:16

Mi laj une, ti banquilal palee ta xich' batel jutebuc xch'ich'el ti ch'iom tot vacax ta Axibalna ti bu nupel ta bee.

Levítico 4:4

Ta xic' batel ta stojol ti Dios ta sti' ti ochebal Axibalna ti bu nupel ta bee. Ti bu taje, ta scajan sc'ob ta sjol ti matanale. Mi laj une, ta xich' c'ocbel snuc' xtoc ta stojol ti Diose.

Levítico 8:14

Ts'acal to un, ti Moisese laj stac ta iq'uel ti ch'iom tot vacax ti ta xich' milel ta scoj ti mulile. Jech ti Aarón xchi'uc ti xnich'nabe laj scajan sc'obic ta sjol ti ch'iom tot vacaxe.

Levítico 8:18

Ti Moisese laj yal ti ac'o snopajesic talel ti chij ti ta xich' aq'uel ta chiq'uele. Ti Aarón xtoque xchi'uc ti xnich'nabe laj scajan sc'obic ta sjol ti chije.

Levítico 8:22

Laj taj une, jech ti Moisese laj yal mantal ti ac'o taluc ti jcot chij ti oy sc'oplal ta xtun ta sventa ti nupob abtelale. Ti Aarón xchi'uc ti xnich'nab xtoque laj scajan sc'obic ta sjol ti chije.

Números 11:16

Va'i un, xi tac'bat yu'un ti Diose: —Tsobo talel ti lajuneb xchanvinic (70) ta vo' moletic yu'unic ti israeletique, ti buch'utic xana' ti yich'oj tsots yabtelic ta stojol ti jteclume. Ic'o batel ta Axibalna ti bu nupel ta bee. Xamalavanic xchi'uc.

Números 11:25

Va'i un, ti Diose yal talel ti oy ta toque. Lic c'opoj ta stojol ti Moisese. Laj stam loq'uel juteb sbijil ti Moisese. Laj yac'be jelavel ta stojolic ti lajuneb xchanvinic ta vo' moletique. Ti c'alal laj yich' ti sbijilique, co'ol s'elan j'alc'opetic lic c'opojicuc. Ja' no'ox ti mu teyuc no'ox xlic xcaj liquele.

Números 8:10

Mi laj une, ta xava'an ta jtojol ti levitaetique, ac'o scajan sc'obic ti israeletic ta sjolique.

Números 8:12

Ts'acal to un, ti levitaetique ta scajan sc'obic ta sjol ti vacaxetique. Ti jun ta scotol ti vacaxe, ta xich' svocol ta scoj ti mulile. Ja'uc ti jcote, ta xich' chiq'uel ta sventa smesel stusel ti levitaetique.