Levítico 4:12 - Bible in Tzotzil de Chamula

¹² ti xcaltique, ta scotlej ti ch'iom vacaxe, ta xich' loq'uesel batel ta loq'ueltic yu'un ti Axibalna ti bu q'uelbil leque, ti bu ta xc'ot yich' jipel ti tane. Ti bu busul ti tan taje, ta xich' busanbel si' ta sba ti ta xich' tsanbel sc'ac'ale.

Bible in Tzotzil de Chenalhó with Deuterocanon

¹² o xu' chcaltic ti ja' scotlijil li vacaxe, loq'uesic batel ta spat to acarpanaic, te xbat avaq'uic ti bu lec jamal te ta yav bu chich' busanel tane. Ac'beic lec si'il; ja' te xachiq'uic li vacaxe.

Levítico 4:12 Iomraidhean Croise

Éxodo 29:14

Yan ti sbec'tale, ti snuculile, xchi'uc ti yic'obal xch'ut ti ch'iom tot vacaxe, chic'o ta loq'uebaltic ti bu lamalic ta nacleje, yu'un ja' laj yich' svocol ta scoj ti mulile.

Ezequiel 43:21

Ta xachech loq'uel xtoc un ti ch'in tot vacax laj yich' svocol ta scoj ti mulile. Ba chic'o ta loq'ueltic yu'un ch'ulna ti bu chapanbil yavil ta xich' chiq'uele.

Levítico 13:46

Yu'un ti jech ip yu'un ti syayijemale, tsots sc'oplal mu stac' nopel ti vinique, xbat nacluc stuc ta sti'il ti jteclume.

Levítico 16:27

“Ti ch'iom tot vacaxe xchi'uc ti tentsun ti laj yich' svocolic ta scoj ti mulile, ti laj yich' ich'bel batel xch'ich'el xtoc ta Bats'i Cuxul Ch'ul Cuarto yo' jech ta xich' tael ti ch'aybil ta xc'ot yu'un ti muliletique, ta xich' ich'el batel ta loq'uebaltic sti' jteclum. Ja'uc ti sbec'tale, ti snuculile, xchi'uc ti c'usitic tenbil ta xbate, ta xich' chiq'uel.

Levítico 4:21

Ts'acal to un, ta xich' loq'uesel batel ti ch'iom tot vacax ta loq'ueltic yu'un ti Axibalnae. Ta xchiq'uic jech c'u cha'al laj spasbeic ti ba'yel ch'iom tot vacaxe. Yu'un ja' laj yich' svocol yu'un ta scoj smulic ti jteclume.

Levítico 6:23

Scotol matanaletic ta xaq'uic ti paleetique, j'ech'el ac'o yich' chiq'uel, mi junuc buch'u xu' ta stun slajes.”

Levítico 6:30

Yan ti chon bolometic ti ac'bil ta matanal ta scoj ti mulile, ti laj yich' ech'el ti xch'ich'el ta Axibalna ti bu Nupel ta bee, ta j'ech'el mu ti'baj, yu'un c'ot ta xch'ayobil mulil ti tey ta Axibalnae. Ti matanal ti laj yich' svocol taje, ac'o yich' chiq'uel ta c'oc'.

Levítico 6:4

xcuchoj me lec c'ot ti mulile. Ja' yu'un un, ac'o sutes ti c'usi laj yelc'ane, mi ja' ti c'usi laj stsatsal-poje, mi ja' ti yeilal no'ox yu'un ta x'ac'un ta vocol ti xpatet xa o'ntonal yu'un yilele, mi ja' ti tamolil ti bu laj yich' taele,

Levítico 8:17

Ja'uc ti scomelal sbec'tal ti ch'iom tot vacaxe, ti xcaltique, ja' ti snuculile, ti sbec'tale, xchi'uc ti c'usi ch'aybil ta xbate, laj xchic' ta c'oc' ta sti'il ti bu lamalic ta naclej ti israeletique jech c'u cha'al albil mantal yu'un ti Diose.

Levítico 9:11

Yan ti sbec'tale xchi'uc ti snuculile, laj xchic' ta loq'ueltic xa ti bu lamalic ta nacleje.

Números 15:35

Jech o xal xi albat ti Moisés yu'un ti Diose: “Ti vinic le'e, chapal sc'oplal ti ja' xtun o ti ac'o yich' milele. Scotol ti israeletique, ac'o xchapan sc'obic ta spujbel ton ta loq'ueltic ti bu lamalic ta nacleje.”

Números 19:3

Ac'beic yich' ti pale Eleazare. Jech ti stuque ta snit loq'uel ta sti'il xa ti bu lamaloxuc ta nacleje, ti ta xal mantal ti va'al ta sq'uel ta xich' milele.

Números 19:5

Mi laj taj une, va'al sq'ueloj ta xich' chiq'uel ti me' vacaxe, xchi'uc ta xich' chiq'uel xtoc ti snuculile, sjunul ti sbec'tale, ti xch'ich'ele, xchi'uc yic'obal ti xch'ute.

Números 5:3

Yu'un mu'yuc ta alel c'usiuc no'ox yabtel mi vinic mi ants, ac'o sloq'uesic batel c'alal to sti'il jteclum. Ja' to jech mu'yuc buch'u ta soques ti jteclum ti bu ta xinaqui ta stojolique.”

Hebreos 13:11

Yu'un ti banquilal paleetique ta xich' ochel xch'ich'el ti chon bolometic ti bu c'otem ta sventa ta xich' aq'uele, matanaletic yo' ta xch'ay ti mulile. Sbec'tal ti chon bolometic taj une, ta xich' chiq'uel ta loq'ueltic xa batel ti bu oy ti jteclume.