Levítico 3:9 - Bible in Tzotzil de Chamula

⁹ “Ti buch'u ta xac' ta matanal ti chon bolom yo' ta xich' svocol ta sventa ti lajesobil o'ntonale, tsots sc'oplal ta xac' ta stojol Dios ti xepu'ale, ti sne ti c'ocbil loq'uel sjunul ti bu c'alal tsacale, ti xepu'altac sbiquile,

Bible in Tzotzil de Chenalhó with Deuterocanon

⁹ “Li boch'o chiyac'bun milbil matanal sventa lec chquile, ja' ac'o yac' ta chiq'uel sventa jmoton scotol li xepuale xchi'uc li stelijil snee, li xepualtac sbiquile,

Levítico 3:9 Iomraidhean Croise

2 Samuel 6:17

Ti xcaxa Diose, laj yich' ich'el batel. Laj yich' aq'uel ta yavil ta yut axibalna ti chapal xa ono'ox yu'un ta meltsanel ti Davide. Laj taj une, ti Davide laj yac' chic'bil matanal xchi'uc matanal sventa lajesobil o'ntonal ta stojol ti Diose.

1 Reyes 3:15

C'alal julave, ti Salomone laj sna' ti ja' jun vaichile. C'alal c'ot ta Jerusalene, bat ti bu oy xcaxail strate ti Diose. Lic yac' chic'bil matanaletic, xchi'uc milbil matanaletic ta sventa ti lajesobil o'ntonale. Ts'acal to un, lic yac' ve'lil ta stojol ti yaj'opisialtaque.

1 Reyes 8:63

Ta sventa ti lajesobil o'ntonale, ti Salomone laj yac' chib xcha'vinic mil (22,000) ta cot tot vacaxetic, vacvinic ta mil (120,000) ta cot chijetic. Ja' jech ti ajvalile xchi'uc ti israeletique ic'ot ta pasel ti laj yac'beic ta ventainel xch'ulna ti Diose.

1 Reyes 8:64

Ta yorail no'ox ti jech c'ac'al taje, ti ajvalile laj yac' ta ventainel ti o'lol amac' yu'un ti ch'ulna ti oy ta yelovale. Laj yaq'uic chic'bil matanal sat ts'unubaletic, xepu'altac ti c'usitic laj yich' svocol ta sventa ti lajesobil o'ntonal ti bu taje, yu'un ti c'anal taq'uin altar ti oy ta stojol ti Diose, yu'un toj biq'uit, ti mu ja'uc x'och o ti chic'bil matanale, ti matanal sat ts'unubile, xchi'uc xepu'al ti lajesobil o'ntonale.

1 Crónicas 16:1

Laj yich' ech'el batel ti xcaxa Diose, ti c'ot yich' tiq'uel ta yut Axibalna jech c'u cha'al nopbil yu'un David ti laj sva'ane. Ta jech yepal un, laj yich' aq'uel chic'bil matanal xchi'uc milbil matanal sventa lajesobil o'ntonal ta stojol ti Diose.

Éxodo 29:22

“Mi laj taj une, tsobo xepu'al ti chij ti oy ta snee, ti oy ta sbiquile, ti oy ta secube. Tsaco ti chib sq'uine xchi'uc ti xepu'ale. Tsaco xtoc ti jec' sbats'i o'e. Yu'un ja' jcot chij ti ta xtun ta sventa ta xich' va'anel ti paleetique.

Proverbios 23:26

Ts'etanbun ani' achiquin ta ya'yiel ti c'usi ta xcalbote, cuni nich'on, q'uelo ti c'u s'elan jtamoj ech'ele.

Isaías 53:10

Ti Diose laj slamanbe ta sba ta yich'el ti vocole. Ti jech loc' ayan ta yo'nton ti c'ot ta matanal ta scoj ti mulile, ta sta ti mu'yuc spajeb ti xch'iel sc'opojele, ja' jech ta xilic ec ti snitilultac ta sventa ti stuque. Mu xch'ay ta be sc'oplal ti c'u s'elan chapanbil yu'un Dios ta stojolique.

Levítico 17:5

Taje, ja' sc'oplal ti israeletic ti buch'utic laj xa smilic ti chon bolometic buyuc no'ox ta osiltic ti yalojic ta xc'ot ta smoton ti Diose. Avi le'e, ac'o yiq'uic batel ta ochebal sti' ti Axibalna ti bu nupel ta bee yo' jech ta xich' ti pale ti ta xac'be yich' svocol ta sventa ti lajesobil o'ntonale.

Levítico 7:3

Scotol xepu'al ti chon bolome, xi s'elan ti tsots sc'oplal ta xich' aq'uele: ti xepu'al ti oy ta snee, ti xepu'altac sbiquile,

Levítico 8:25

Laj taj une, jech ti Moisese laj stsac ti xepu'e, ti snee, scotol xepu'al ti sbiquiltaque, ti bu oy xepu'al ti secube, ti chib sq'uine xchi'uc ti xepu'ale, xchi'uc sbec'tal ti sbats'i o'e.

Levítico 9:19

Ja' jech xtoc ac'bat jelavel xepu'al ti tot vacaxe, xchi'uc xepu'al ti tot chije, ti snee, ti xepu'al sbiquile, ti sq'uintaque, xchi'uc ti bu oy xepu'al ti secube.

Números 7:88

Ti chon bolometic ti ta xich' svocol ta sventa ti lajesobil o'ntonale, ja' chanib xcha'vinic (24) ta cot ch'iom tot vacax ta scotol, oxvinic (60) ta cot tot chij, oxvinic (60) ta cot tot tentsun, xchi'uc oxvinic (60) ta cot ch'iom tot chij ti yich'oj jun jabile. Ja' jech yepal matanal laj yich' aq'uel ta sc'ac'alil ti c'alal laj yich' aq'uel ta tunel yu'un Dios ti altare.

1 Samuel 10:8

Jelavan ech'el c'alal to Gilgal ti bu ta xc'ot jnup jbatic ta bee yo' jech ta xcac'tic ti milbil matanal ta sventa ti lajesobil o'ntonale. Vucub c'ac'al xamalaun ja' to mi lic'ote yo' jech ta xcac'bot ana' ti c'usi sc'an ta xapase.