Levítico 3:8 - Bible in Tzotzil de Chamula

⁸ ac'o scajan sc'ob ta sjol. Va'i un, ta xich' c'ocbel snuc' ta ochebal sti' ti Axibalna ti bu nupel ta bee. Ja' jech xtoc un, ti paleetique ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Bible in Tzotzil de Chenalhó with Deuterocanon

⁸ Ac'o yac' sc'ob ta sjol li xchije. Ts'acal ac'o smil te ta yeloval ti'ch'ulna pasbil ta nucul. Li paleetique ja' ac'o svijbeic xch'ich'al ta sba scajleb jmoton xchi'uc ta spat xocon.

Levítico 3:8 Iomraidhean Croise

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

Levítico 1:11

Tsots sc'oplal ta xich' c'ocbel snuc' ta stojol Dios tey ta stuq'uil ti yolon xocon sloq'ueb c'ac'al yu'un ti altare. Jech ti xnich'nabtac ti Aarón ti ja' paleetique, ta svijbeic xch'ich'el ti chon bolom ta sba xchi'uc ta sjoylej ti altare.

Levítico 1:4

Va'i un, ta scajan sc'ob ta sjol ti chon bolome. Jech ti chon bolom une, tsacbil ich'bil ta xc'ot ta muc' yo' jech ta xich' tael ti ch'aybil ta xc'ot ti smul scolo'ique.

Levítico 1:5

C'oc xi snuc' ti tot vacax ta stojol ti Diose. Mi laj une, ti xnich'nabtac ti Aarón ti ja' paleetique, ta xet'esic ta matanal ti ch'ich'e. Mi laj xtoc une, ta svijic ta sjoylej sba altar ti oy ta ochebal sti' Axibalna ti bu nupel ta bee.

Levítico 3:13

ac'o scajan sc'ob ta sjol. Tsacal to ta xich' c'ocbel snuc' ta ochebal sti' ti Axibalna ti bu nupel ta bee. Jech xtoc ti paleetic une ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 4:15

Jech ti moletic yu'un ti israeletique ta scajan sc'obic ta sjol ti ch'iom tot vacax ta stojol ti Diose. Ti bu taje, tey no'ox ta sc'ocbeic snuc'.

Levítico 4:24

Ta scajan sc'ob ta sjol ti tentsune. Ta xich' c'ocbel snuc' ta stojol Dios ti bu ta xich' milel ti chon bolometic ti oy sc'oplal ta xich' chiq'uele, yu'un ta xich' svocol ta scoj ti mulile.

Levítico 4:4

Ta xic' batel ta stojol ti Dios ta sti' ti ochebal Axibalna ti bu nupel ta bee. Ti bu taje, ta scajan sc'ob ta sjol ti matanale. Mi laj une, ta xich' c'ocbel snuc' xtoc ta stojol ti Diose.

San Mateo 3:17

Ja' o vinaj talel ti oy Buch'u c'opoj ta vinajel ti xi laj yale: —Le'e, ja' Jnich'on ti c'ux ta xca'ie, ximuyubaj yu'un.

2 Corintios 5:19

Ti xcaltique, laj slajesbe sba yo'nton stuc ti Diose c'alal laj yac'be sbain jmultic ti Cristoe, yu'un mu'yuc laj yac' ta venta ti jmultique. Yu'un laj yac'bun cabtelcutic ta yalbel ya'iic ti jnaclejetic ta banomil ti ch'abal xa smulic x'ileic yu'un ti Diose.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Efesios 2:18

Ta sventa ti Jesucristoe, ac'o mi israel mi ma'uc, jcotoltic xu' xijnopaj ta stojol ti Jtotic Diose, yu'un jun ti Ch'ul Espíritu quich'ojtique.

Efesios 3:12

Ta sventa ti oyotic ta stojol ti Cristoe, ti c'otem ta co'ntontic ta xch'unele, jpatoj co'ntontic ti xu' xijnopaj ta stojol ti Diose.

1 Pedro 2:24

Ti Cristoe laj sbain ta sbec'tal stuc ti jmultic c'alal cham laj ta curuse, yo' jech ta xlaj x'ech' sc'oplal ti mulil oy ta jtojoltique, yo' jech ta jtamtic ta spasel ti c'usi oy smelol stuq'uile. Yu'un ta sventa ti yayij ti Cristoe, laj ata acolelic yu'un.