Levítico 3:6 - Bible in Tzotzil de Chamula

⁶ “Mi oy buch'u ta xac'be ta smoton Dios jcotuc ti yuni chij ti ta xich' svocol yu'un ta sventa ti lajesobil o'ntonale, tsots sc'oplal ta xac' mi jcot stot, mi ja' jcot sme' ti mu'yuc jutebuc xchopolile.

Bible in Tzotzil de Chenalhó with Deuterocanon

⁶ “Pero me ja' xchij chiyac'bun jmotonin sventa xu' chnopaj ta jtojole, ja' ac'o yac'bun ti bu ven leque, ac'o me stot, o me sme'.

Levítico 3:6 Iomraidhean Croise

Isaías 60:7

Scotol ti chijetic ti oyic ta Cedare, ta xc'ot ta avu'un. Ti tot chijetic ti oyic ta Nebaiote, ta xc'ot ta avajtuneltac ta yaq'uel ti matanal ta stojol Dios ta sba ti altar yu'une, ti jun yutsil ta j'ech'el ta to sts'acubtasic yutsilal ti xch'ulna ti c'alal jun ono'ox yutsile.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 1:2

“Va'ano aba ta sc'oponel ta stojol ti israeletique. Mi oy buch'u ta xich'bun talel ta jmoton ti chon bolometique, albo ya'iic ti ja' me ac'o yich' talel ti vacaxe, mi ja' ti chije, ti ja' yu'un stuquique.

Levítico 19:5

“C'alal ta xavac'beic Dios ti oy c'usi ta xich' svocol ta sventa ti slajesobil o'ntonale, ja' me pasic ti c'u s'elan ich'bil tsacbil ta muc' ta xc'ot yu'un ti Diose.

Levítico 22:20

Yan mi ja' jcot chon bolom ti oy xchopolile, mu'yuc tsacbil ich'bil ta xc'ot yu'un.

Levítico 23:19

“Ta xaq'uic xtoc jcot tot tentsun ti ta xich' svocol ta scoj ti mulile, xchi'uc cha'cot ch'iom tot chij ti yich'oj jun jabil ti ta xich' svocol ta sventa ti lajesobil o'ntonale.

Números 15:5

Ja' jech xtoc ti c'usi ta xich' svocol ti albil sc'oplale, ac'o to yac'be ech'el xchi'il junuc litro vino ti jujucot ch'iom chije.

Números 6:14

Yu'un ta xac' ta stojol Dios jcot ch'in tot chij ti mu'yuc jutebuc ti xchopolile, ti jun yutsil smuil ta xich' chiq'uele. Ta xac' xtoc jcot me' chij ti mu'yuc jutebuc ti xchopolile, ti yich'oj xa jun jabile, ti ta xich' svocol ta scoj ti mulile. Ta xac' xtoc jcot to tot chij ti mu'yuc jutebuc ti xchopolile, ti ta xich' svocol ta sventa ti lajesobil o'ntonale.

Hechos 4:27

“Yu'un ti Herodese xchi'uc ti Poncio Pilatoe j'ech'el laj stsob sbaic li' ta Jerusalene xchi'uc ti jyanlumetique, xchi'uc ti jchi'ilcutique ta scontrainel ti Ach'ul Nich'on Jesuse, ti laj ava'an ta Jcoltavaneje.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Gálatas 4:4

Ja'uc ti c'alal laj sta ti yoraile, ti Diose laj stac talel ti Xnich'one, voc' talel ta stojol jun ants, bats'i israel vul, ventainbil c'ot ta xch'unel ti oy c'usi tsots sc'oplal albil yu'un ti Moisese,

Efesios 1:10

Ati va'i s'elan taje, yu'un oy bu jun c'ac'al snopoj ono'ox ti Diose ti ta xc'ot ta jun ti ja' ta sventain scotol Cristo ti c'usitic oy ta vinajele, xchi'uc ti c'usitic oy ta banomile.