Levítico 3:3 - Bible in Tzotzil de Chamula

³ “Ti buch'u ta xac' ti chon bolom ti ta xich' milel ta sventa ti lajesobil o'ntonale, tsots sc'oplal ti ja' jun matanal ti chic'bil ta xac'be ti Diose. Yu'un ti xepu'al sbiquil ti chon bolome,

Bible in Tzotzil de Chenalhó with Deuterocanon

^3-4 “Li boch'o chac' jmotonin xvacax sventa chnopaj ta jtojole, ja' ac'o yac' li xepualtac sbiquile, xchi'uc li srinyontac xchi'uc xepuale, xchi'uc li xepual yolon xch'ilte'e, xchi'uc li xepual secube. Ja' co'ol ac'o yich' loq'uesel xchi'uc li chib srinyone. Le'e ja' chic'bil matanal chc'ot ta jtojol.

Levítico 3:3 Iomraidhean Croise

Salmos 119:70

Yu'un ti stuquique yanijem ti snopobil yu'unique; yan ti vu'une ximuyubaj no'ox xchi'uc ti chanubtasel avu'une.

Éxodo 29:13

Ti xepu'altac ti sbiquile, ti secube, xchi'uc ti sq'uine, joso loq'uel, chic'o ta altar.

Éxodo 29:22

“Mi laj taj une, tsobo xepu'al ti chij ti oy ta snee, ti oy ta sbiquile, ti oy ta secube. Tsaco ti chib sq'uine xchi'uc ti xepu'ale. Tsaco xtoc ti jec' sbats'i o'e. Yu'un ja' jcot chij ti ta xtun ta sventa ta xich' va'anel ti paleetique.

Proverbios 23:26

Ts'etanbun ani' achiquin ta ya'yiel ti c'usi ta xcalbote, cuni nich'on, q'uelo ti c'u s'elan jtamoj ech'ele.

Isaías 6:10

Yanijesbo snopobil yu'unic ti lum li'e. Macbo ti xchiquinique, macbo ti satique, yo' jech mu xilic, mi ja'uc xc'ot ta yo'ntonic ti lo'il a'yeje, yo' jech mu sutic talel ta jtojol ti ta xc'ot ta pasel ta jpoxtaique.”

Ezequiel 36:26

Ta xlic cac' ta atojolic jun ach' o'ntonal, ach' snopbenal. Ta jten loq'uel ti yijuneb avo'ntonic jech c'u cha'al ti tone. Ta xa'i xa liquel c'oponel ti o'ntonale.

Ezequiel 44:15

“Ti levitaetic snitilultac ti Sadoc ti c'otemic ta paleetique, le'e, xu' xnopajic ta jtojol ta tunel, yu'un staoj yav yac'oj sbaic ta tunel ta jch'ulna c'alal laj yictabeicun comel lequil be ti israeletique. Xu' ta sjelubtasbeicun talel ta jtojol ti xepu'e, xchi'uc xch'ich'el ti c'usi ta xich' svocol ta milele. Vu'un ta xcal mantal ti Ajvalilune.

Levítico 1:12

Mi laj taj une, ac'o yich' bic'tal bojilanel ti chon bolome. Ti c'u yepal bojilanbile, ti sjol xtoque, xchi'uc ti xepu'al sbiquile, sc'an ti jmoj ta xbat yac' ti pale ta ba si' ti bu ta xtil ta altare.

Levítico 1:8

Ta sba ti si'e, ac'o scajanic sbec'tal ti chon bolom ti bic'tal bojilanbile, ti sjole, xchi'uc xepu'al ti sbiquile.

Levítico 16:25

Ti xepu'al ti c'usi laj yich' svocol ta scoj ti mulile, ta xchic' ta altar.

Levítico 3:16

Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uele, ti jun yutsil smuile. Scotol ti xepu'ale, ja' yu'un ti Diose.

Levítico 3:2

Ti buch'u ta xac' ti matanale, ta scajan sc'ob ta sjol ti chon bolom ti ta xich' aq'uele. Va'i un, ta xich' c'ocbel snuc' ta sti' ochebal Axibalna ti bu nupel ta bee. Jech ti paleetique, ja' yabtelic ta sbonbe ta ch'ich' ta sba xchi'uc ta sjoylej stsectac ti altare.

Levítico 3:4

ti sq'uintac xtoque, ti xepu'ale, ti xepu'al spate, ti bu oy xepu'al ti secube, tsots sc'oplal ac'o yich' loq'uesbel jmoj jech c'u cha'al ti sq'uintaque.

Levítico 4:10

ti co'ol jech ta xich' pasel jech c'u cha'al laj yich' pasbel ti tot vacax ti laj yich' aq'uel ta matanal sventa ti lajesobil o'ntonale. Mi laj une, ti palee ta xchic' ta sba altar yu'un ti xchic'obil matanale.

Levítico 7:30

Ac'o yich' batel stuc ta stojol Dios ti matanal ta xac' ti ta xich' chiq'uele, ti xepu'al sti' yo'ntone, xchi'uc sjunlej spechel sti' yo'ntone, yo' jech ta xc'ot ta pasel ti ta xich' aq'uel ta stojol Dios ti c'alal ta xich' ye'ilanele.

Levítico 7:5

Mi laj taj une, ta xchic' ta sba altar ti palee, ti ja' jun matanal ta xich' chiq'uel sventa yich'el ta muc' ti Diose, ti ja' laj yich' svocol ta scoj ti colo'ile.

Levítico 9:10

Laj taj une, lic xchic' ta sba altar ti xepu'e, ti sq'uintaque, xchi'uc ti bu oy xepu'al ti secub ti chon bolom ti laj yich' svocol ta scoj ti mulil jech c'u cha'al albat no'ox ya'i ti Moisés yu'un ti Diose.

San Mateo 13:16

“Jun yutsil ti vo'oxuque, oy ta asatic ta sq'uelel, xava'iic lec sni' xchiquinal.

San Mateo 15:8

‘Ti jteclum li'e, jun yutsil ti ye ta xich'icun ta muc' yilele. Ti yo'ntonique nom oy ta jtojol.

Romanos 5:5

Mi ja'uc xlo'ilaj co'ntontic yu'un ma' ti oy c'usi jpatoj co'ntontic jmalaojtic ta jtatique. Jbel sc'oplal ta xc'ot ta pasel, yu'un ti Diose yac'ojbotic ta co'ntontic ti syail xc'uxul yo'nton ta sventa ti Ch'ul Espíritu ti laj yac'botique.

Romanos 6:6

Ti c'u j'elantic ta ba'yele, jna'tic lec ti jipil ta curus cham xchi'uc ti Cristoe yo' jech ta xlaj yip ti c'u j'elantic ti naca jsa'mulilotique, yo' mu staojuc yav ta xispasotic ta mantal ta xismosovinotic ti mulile.

Deuteronomio 30:6

Yu'un ta stec'an ti trate ta avo'ntonique xchi'uc ta yo'ntonic ti avalab anich'nabique yo' jech c'ux ta xava'iic ta sjunul avo'ntonic, ta sjunul ach'ulelic ti Diose, yo' jech ta xc'ot ta pasel ti oy acuxlejalique.

1 Samuel 2:15

Ma'uc no'ox taje, c'alal mu to xchiq'uic ti xepu' ta altare, ta xc'ot ti yajtunel palee, ti xi ta xalbe ti buch'u ta xac' ti chic'bil matanale: “Tse to ma' le'e, ac'bun talel ti beq'uete yo' ta jvobe ti palee, yu'un mu xa stsac ti mi vobil xae. Ja' no'ox ta xch'ambot ti mi tse toe.”