Levítico 3:2 - Bible in Tzotzil de Chamula

² Ti buch'u ta xac' ti matanale, ta scajan sc'ob ta sjol ti chon bolom ti ta xich' aq'uele. Va'i un, ta xich' c'ocbel snuc' ta sti' ochebal Axibalna ti bu nupel ta bee. Jech ti paleetique, ja' yabtelic ta sbonbe ta ch'ich' ta sba xchi'uc ta sjoylej stsectac ti altare.

Bible in Tzotzil de Chenalhó with Deuterocanon

² Li boch'o chaq'ue, ac'o yac' sc'ob ta sjol li xvacaxe. Ts'acal ac'o smil ta stuq'uil sti' ch'ulna pasbil ta nucul. Li paleetique ja' ac'o svijbeic ta sba scajleb jmoton li xch'ich'ale, xchi'uc ta spat xocon scajleb jmoton.

Levítico 3:2 Iomraidhean Croise

Éxodo 29:10

“Ts'acal to un, ic'o talel ta sti'il ochebal Axibalna ti ch'iom tot vacaxe yo' jech ti Aarone, xchi'uc ti xnich'nabe, ta scajan sc'obic ta sjol ti chon bolome.

Éxodo 29:11

Ti bu taje, ta sba sat ti Diose, ta xamil ti ch'iom tot vacax ta ochebal sti' ti Axibalna ti bu nupel ta bee.

Éxodo 29:15

“Ic'o talel jcotuc ta xcha'cotal ti chije. Va'i un, ti Aarone xchi'uc ti xnich'nabe, ac'o scajan sc'obic ta sjol.

Éxodo 29:16

Ts'acal to un, milo. Jech ti xch'ich'ele, vijbo ta joyob stsectac ti altare.

Éxodo 29:19

“Ts'acal to un, ic'o talel ti jcot chij xtoque. Jech ti Aarone xchi'uc ti xnich'nabe, ac'o scajan sc'obic ta sjol.

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

Levítico 1:11

Tsots sc'oplal ta xich' c'ocbel snuc' ta stojol Dios tey ta stuq'uil ti yolon xocon sloq'ueb c'ac'al yu'un ti altare. Jech ti xnich'nabtac ti Aarón ti ja' paleetique, ta svijbeic xch'ich'el ti chon bolom ta sba xchi'uc ta sjoylej ti altare.

Levítico 17:3

“Buch'uuc no'ox ti israeletic mi ta smil jcotuc tot vacax, mi jcotuc chij, mi jcotuc tentsun, ti c'otem ta sventa matanal ti buyuc no'ox ta smile,

Levítico 17:4

mi mu'yuc laj yich' talel ta ochebal sti' ti Axibalna ti bu nupel ta bee yo' jech ta xaq'ue, oy smul ti jeche' no'ox ta smal ti ch'ich'e. Ma'uc no'ox taj une, tenbil ta xloc' ta stojol ti xchi'iltaque.

Levítico 3:3

“Ti buch'u ta xac' ti chon bolom ti ta xich' milel ta sventa ti lajesobil o'ntonale, tsots sc'oplal ti ja' jun matanal ti chic'bil ta xac'be ti Diose. Yu'un ti xepu'al sbiquil ti chon bolome,

Levítico 3:8

ac'o scajan sc'ob ta sjol. Va'i un, ta xich' c'ocbel snuc' ta ochebal sti' ti Axibalna ti bu nupel ta bee. Ja' jech xtoc un, ti paleetique ta sbonbeic xch'ich'el ti chon bolom ta sba xchi'uc ta sjoylej stsectac ti altare.

Levítico 8:22

Laj taj une, jech ti Moisese laj yal mantal ti ac'o taluc ti jcot chij ti oy sc'oplal ta xtun ta sventa ti nupob abtelale. Ti Aarón xchi'uc ti xnich'nab xtoque laj scajan sc'obic ta sjol ti chije.

Zacarías 12:10

“Ta jtic'beic ta snopbenal yu'unic ti yutsil slequilal yo'ntonique, ti ta xlic c'opojuc ti'inuc ta stojol Dios ti snitilultac ti Davide xchi'uc ti jnaclejetic yu'un ti jteclum Jerusalene. Va'i un, ta xlic yilic ti buch'u laj yac' sjol sbaquil yu'unique. Ta xlic ochicuc ta vul o'nton xchi'uquic. Ta xlic yoq'uitaic jech c'u cha'al ta xlic yoq'uitaic ti ta xtub sc'oplal ti c'ajomal no'ox jcot nich'onile, mi ja' ti c'ajomal no'ox jcot banquilale.

Números 18:17

Yan ti mi ja' ta xac'beic comel yan xq'uexol sba yoltac ti me' vacaxe, ti me' chije, ti me' tentsune, mu xavac' ave ati' yu'un. Taje, yu'un ja' c'otemic ta cu'untac. Tsots sc'oplal ta xamil. Ti xch'ich'ele, ta xamal ta sba altar. Ja'uc ti xepu'ale, ta xachic' ta jun smuil matanal ti ta xc'ot ta jtojole.

Hechos 3:15

Ja' jech laj avaq'uic ta milel ti jventainej j'ac'-cuxlejale. Ja'uc le'e, cha'cuxesat yu'un ti Diose. Taj une, rexticouncutic yu'un.

Hechos 3:26

C'alal laj xcha'cuxes Xnich'on ti Diose, ba'yel laj stac talel ta atojolic yo' ta xataic slequilal, ti junoxuc ac'o avictaic ta spasel ti c'usi chopole.”

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.