Levítico 3:16 - Bible in Tzotzil de Chamula

¹⁶ Mi laj taj une, jech ti paleetique ta xchiq'uic scotol ta sba ti altare, ti ja' sc'oplal jun matanal ve'lil laj yich' chiq'uele, ti jun yutsil smuile. Scotol ti xepu'ale, ja' yu'un ti Diose.

Bible in Tzotzil de Chenalhó with Deuterocanon

¹⁶ Li palee ac'o xchic' scotol ta scajleb jmoton. Ja' chic'bil matanal sventa ve'lil chc'ot ti lec mu yiq'ue. Scotol li xepualtaque ja' cu'un, vu'un li Muc'ul Diosune.

Levítico 3:16 Iomraidhean Croise

Génesis 4:4

Ja' jech xtoc ti Abele laj yich' batel ta smoton Dios ti sba yol xchij ti lec t'ujome. Va'i un, ti Abele lec ilat yu'un ti Diose, lec ilat ti matanal laj yaq'ue.

2 Crónicas 29:35

Ma'uc no'ox taje, yepal to ta j'ech'el ti matanaletic sc'an aq'uele, ti xepu'altac matanal yu'un lajesobil o'ntonal ti sc'an aq'uele, ti matanal vino sc'an aq'uele, ti jmoj ta x'och xchi'uc ti chic'bil matanaletique. Ti jech taje, c'ot ta pasel lic chapajuc yich'el ta muc' ti Dios ta xch'ulnae.

2 Crónicas 7:7

Ti Salomón xtoc une laj yac' ta ventainel ti o'lol amac oy ta yeloval sti' xch'ulna ti Diose. Ti bu taje, laj yac' ta chiq'uel ti matanaletique, xchi'uc xepu'al ti milbil matanaletic sventa ti lajesobil o'ntonale, yu'un ti ta altar laj yac' ta meltsanel ta c'anal taq'uine, mu x'och o ti chic'bil matanaletique, ti matanal sat ts'unubaletique, xchi'uc ti xepu'e.

Éxodo 29:13

Ti xepu'altac ti sbiquile, ti secube, xchi'uc ti sq'uine, joso loq'uel, chic'o ta altar.

Éxodo 29:22

“Mi laj taj une, tsobo xepu'al ti chij ti oy ta snee, ti oy ta sbiquile, ti oy ta secube. Tsaco ti chib sq'uine xchi'uc ti xepu'ale. Tsaco xtoc ti jec' sbats'i o'e. Yu'un ja' jcot chij ti ta xtun ta sventa ta xich' va'anel ti paleetique.

Isaías 53:10

Ti Diose laj slamanbe ta sba ta yich'el ti vocole. Ti jech loc' ayan ta yo'nton ti c'ot ta matanal ta scoj ti mulile, ta sta ti mu'yuc spajeb ti xch'iel sc'opojele, ja' jech ta xilic ec ti snitilultac ta sventa ti stuque. Mu xch'ay ta be sc'oplal ti c'u s'elan chapanbil yu'un Dios ta stojolique.

Ezequiel 44:15

“Ti levitaetic snitilultac ti Sadoc ti c'otemic ta paleetique, le'e, xu' xnopajic ta jtojol ta tunel, yu'un staoj yav yac'oj sbaic ta tunel ta jch'ulna c'alal laj yictabeicun comel lequil be ti israeletique. Xu' ta sjelubtasbeicun talel ta jtojol ti xepu'e, xchi'uc xch'ich'el ti c'usi ta xich' svocol ta milele. Vu'un ta xcal mantal ti Ajvalilune.

Levítico 17:6

Ti palee ta svij ti ch'ich' ta joyob stsectac yaltar ti Diose, ta ochebal sti' ti Axibalna ti bu nupel ta bee. Ta xchic' ti xepu' ti jun yutsil smuil ta xc'ot ta stojol ti Diose.

Levítico 4:26

Va'i un, ta xchic' scotol ti xepu'al ta sba ti altare jech c'u cha'al laj yich' pasbel xepu'al ti laj yich' milel ta matanal ta sventa ti lajesobil o'ntonale. Jech ti pale une ta sta ti ta xch'ay smul scolo' ti banquilale. Tub ti mulil colo'ile.

Levítico 4:31

Ja' jech xtoc tsots sc'oplal ta sloq'uesbe scotol ti xepu'ale jech c'u cha'al laj yich' pasbel ti jcot chon bolom ti laj yich' aq'uel ta matanal ti laj yich' milel ta sventa ti lajesobil o'ntonale. Ta xchic' ta altar ti jun yutsil smuil ta xich' ac'bel ti Diose. Jech ti pale une ta sta ti ta xch'ay smul scolo' ti buch'u taje. Tub ti mulil colo'ile.

Levítico 8:25

Laj taj une, jech ti Moisese laj stsac ti xepu'e, ti snee, scotol xepu'al ti sbiquiltaque, ti bu oy xepu'al ti secube, ti chib sq'uine xchi'uc ti xepu'ale, xchi'uc sbec'tal ti sbats'i o'e.

Levítico 9:24

Yu'un loc' talel c'oc' ta stojol ti Diose. Mu'yuc xvinaj c'uxi bat ti chon bolom ti ta xich' chiq'uele xchi'uc ti xepu'etic ti oy ta sba ti altare. Ti jech laj yilic taj une, scotol ti israeletique xmuyubajic xa lic avanicuc, xchi'uc snupilanic xa banomil laj spatan sbaic ta lum.

San Mateo 22:37

Xi laj stac' ti Jesuse: —‘Ti Ajvalil Dios avu'une, c'uxuc xava'i ta sjunuluc avo'nton, ta sjunuluc ach'ulel, ta sjunuluc snopobil avu'un.’