Levítico 3:12 - Bible in Tzotzil de Chamula

¹² “Mi ta xac' ta matanal jcot tentsune, c'alal yorail xa ta xich' aq'uel ta stojol ti Diose,

Bible in Tzotzil de Chenalhó with Deuterocanon

¹² “Li boch'o chiyac'bun jmotonin stentsune, ac'o tal yac' te ta jtojol, vu'un li Muc'ul Diosune.

Levítico 3:12 Iomraidhean Croise

Isaías 53:2

Yu'un ti Diose oy ox ta yo'nton ch'i c'opojuc ti yajtunel jech c'u cha'al ti jch'iel te'e, ti sts'unuc yalel yibel ta taquin banomile. Mu'yuc, mi ja'uc xtixetel yutsilal. Xitic no'ox ta q'uelel ti sat yelove.

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

Levítico 1:10

“Mi ja' yu'un stuc ti chon bolom ta xich' chiq'uel ta matanale, mi ja' ti chije, mi ja' ti tentsune, tsots sc'oplal ti ja'uc me ti stote, ti mu'yuc jutebuc ti xchopolile.

Levítico 1:2

“Va'ano aba ta sc'oponel ta stojol ti israeletique. Mi oy buch'u ta xich'bun talel ta jmoton ti chon bolometique, albo ya'iic ti ja' me ac'o yich' talel ti vacaxe, mi ja' ti chije, ti ja' yu'un stuquique.

Levítico 1:6

Ti buch'u ta xac' ta chiq'uel ta matanal ti chon bolome, ac'o xcho'be loq'uel ti snuculile, ac'o sbic'tal bojilan ti sbec'tale.

Levítico 10:16

Va'i un, ti Moisese laj sjac'be sc'oplal ti jcot tot tentsun ti ta xich' svocol ta scoj ti mulile. C'u la chaval un, chic'bil xa c'ot sta. Jech o xal un, soc sjol ta stojol ti Eleazare xchi'uc ti Itamare, ti c'ajomal xa chib xnich'on ti Aarón comique, ti xi laj yalbe xtoque:

Levítico 3:1

“Ti mi oy buch'u ta xac' ta matanal ta stojol Dios jcotuc me' vacax, mi tot vacax, ti ta xich' svocol ta sventa ti lajesobil o'ntonale, ti chon bolom ti ta xich' aq'uel ta matanale, tsots sc'oplal ti mu'yuc jutebuc ti xchopolile.

Levítico 9:15

Ti Aarone laj yac' xtoc ti matanal yu'unic ti israeletique. Yu'un com ta yoc ta sc'ob ti tentsun ti ta xich' svocol ta scoj smulic ti israeletique. Laj sc'ocbe ti snuq'ue. Laj yac' ta stojol mulil jech c'u cha'al laj spas ta ba'yele.

Levítico 9:3

Yan ti israeletique, albo ya'iic ti ac'o stsaquic talel jcotuc tot tentsun ti ta xich' svocol ta milel ta scoj ti mulile, jcotuc tot vacax xchi'uc jcotuc tot chij ti jun to jabil yich'oje, ti mu'yuc jutebuc ti xchopolile yo' jech ta xich' aq'uel ta chiq'uele.

Números 15:6

Yan ti mi ja' jcot chij ti ta xich' svocole, ac'o yac'be ech'el xchi'il chanibuc kilo harina ti x'ech' ta jun litro aceite ti vots'bil xchi'uque,

Romanos 8:3

Ta scoj ti mu'yuc yip ti lum ach'ele, mu'yuc xc'ot ta ch'unel ti oy c'usi tsots sc'oplal albil yu'un ti Moisese. Jech o xal ti Diose laj spas ti xi s'elan c'ot ta pasel yu'une: Yu'un co'ol s'elan jun jsa'mulil laj stac talel Xnich'on ti Diose. Laj yich' svocol ta stojel ti mulile yo' jech tub sc'oplal ti mulil ta sventa ti laj yich' ti sbec'tale.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.